በጅማ ከተማ ባለፉት ሁለት ቀናት በተደረገ ድንገተኛ ፍተሻ የተለያዩ የጦር መሳሪያዎች በቁጥጥር ስር ዋሉ

በጅማ ከተማ ባለፉት ሁለት ቀናት በተደረገ ድንገተኛ ፍተሻ የተለያዩ የጦር መሳሪያዎች በቁጥጥር ስር ዋሉ

በጅማ ከተማ ባለፉት ሁለት ቀናት በተደረገው ድንገተኛ ፍተሻ በህዝብ ላይ ጥቃት ለማድረስ የተዘጋጁ የተለያዩ የጦር መሳሪያዎች በቁጥጥር ስር ውለዋል።

በቁጥጥር ስር የዋሉት 8 ሽጉጦች፣ 7 ክላሾች፣ ከ130 በላይ የተለያዩ ጥይቶች፣ የጦር ሜዳ መነፅር እና የተለያዩ አገራት ፓስፖርቶች ከያዙ 31 ተጠርጣሪዎች ናቸው።

በህዝቦች መካከል ልዩነት በመፍጠር ኢትዮጵያን ወደ ብጥብጥ የሚመሩ አካላትን በፅኑ እንደሚያወግዙም የጅማ ከተማ ነዋሪዎች ገልፀዋል።

በወቅታዊ የጅማ ከተማና አካባቢው ሰላም ላይ ውይይት እያደረጉ የሚገኙት ነዋሪዎቹ የአካባቢውን ሰላም ነቅቶ ለመጠበቅ መዘጋጀታቸውን ገልፀዋል።

በከሀዲው የህወኃት ቡድን በሰሜን ዕዝ የመከላከያ ሠራዊታችን ላይ የተሰነዘረው ጥቃት አሳዛኝ፣ አሳፋሪም ነው ያሉት ነዋሪዎቹ ቡድኑ ድባቅ እስኪመታ ድረስ ከአገር መከላከያ ሠራዊት ጋር በፅናት እንደሚቆሙም ነዋሪዎቹ አረጋግጠዋል።(EBC)