ማይክ ፖምፒዮ ኮቪድ 19 ከውሀን ላብራቶሪ አምልጦ ስለመውጣቱ ግልፅ ማስረጃ አለን አሉ

የአሜሪካው የውጭ ጉዳይ ሚኒስትር ማይክ ፖምፒዮ ኮሮና ቫረስ ከቻይናዋ ውሀን ግዛት ከገሚገኘው ላብራቶሪ ስለመውጣቱ ማስረጃ አለን በማለት ለስካይ ኒውስ ተናግረዋል፡፡

ከ 3 ቀናት በፊት ፕሬዘዳንት ዶናልድ ትራፕ ከማይክ ፖምፒዮ ጋር ተመሳሳይ አቋም ማራመዳቸው ይታወቃል፡፡

ትራምፕ ቫይረሱ ከቻይና ላብራቶሪ አምልጦ ስለመውጣቱ ማስረጃ አለን በማለት ተናግረዋል፡፡

ፖምፒዮም ይህንኑ ንግግር ከስካይ ኒውስ ጋር በነበራቸው ቆይታ አስረድተዋል፡፡

ይሁን እንጂ የባለስልጣናቱ አስተያየት ከአሜሪካው የስለላ ድርጅት ሪፖርት ጋር ይቃረናል፡፡

ተቋሙ በሪፖርቱ እንዳለው ኮሮና ቫይረስ ሰው ሰራሽ አልያም በዘረ-መል የተሻሻለ አይመስልም ብሏል፡፡

የስካይ ኒውሱ ጋዜጠኛ በጥቄው የአሜሪካ የስለላ ድርጅት መደምደሚያ ላይ አለመድረሱን በጠየቀ ሰዓት ፖምፒዮ ሲመልሱ የስለላ ማህበረሰቡ የተናገረውን ንግግር አይቻለሁ፡፡ እነርሱ ተሳስተዋል ብዬ ለማመን ምንም ምክንያት የለኝም የሚል ምላሽ ሰጥተዋል።

እርሳቸው አለን ላሉት ማስረጃ ግን ዝርዝር ነገር ለመናገር ፍቃደኛ አለመሆናቸውን ዘገባው ጠቁሟል፡፡

(ኢትዮ ኤፍ ኤም )