ታከለ ኡማ በቦሌ ክፍለከተማ ሰዎች የተገደሉበት ክስተት በጋራ ኮምቴ እንዲጣራ ተስማሙ

የአዲስአበባ ከተማ ምክትል ከንቲባ ኢንጅነር ታከለ ኡማከኢትዮጵያ ኦርቶዶክስ ተዋህዶ ከቋሚ ሲኖዶስ ጋር ተወያይተው ችግሩ ከሦስት አካላት በተውጣጣ ኮሚቴ እንዲጣራ ተስማሙ

ምክትል ከንቲባው የካቲት 17 ቀን 2012 ዓ.ም በቦሌ ክፍለ ከተማ በተለምዶ 24 በሚባለው አካባቢ ተፈጥሮ የነበረውን ችግር በተመለከተ ከኢትዮጵያ ኦርቶዶክስ ተዋሕዶ ቤተ ክርስቲያን ቋሚ ሲኖዶስ ጋር ተወያይተው ችግሩ ከሦስት አካላት በተውጣጣ ኮሚቴ እንዲጣራ ተስማምተዋል።

ከሦስት አካላት ማለትም ከቤተ ክርስቲያን፣ ከአካባቢው ሽማግሌዎች እና ከመንግሥት አካል የተቋቋመው ኮሚቴ በዐሥር ቀናት ውስጥ ችግር የፈጠሩትን አካላት ማንነት፣ በቦታው የነበረውን ንዋያተ ቅድሳት ሁኔታ እንዲሁም ስለቦታው በዝርዝር አጥንቶ እንዲያቀርብ ስምምነት ላይ ደርሰዋል።

በተፈጠረው ችግር ምክንያት ታስረው የነበሩ ክርስቲያኖች ክሳቸው ተቋርጦ እንደሚፈቱም ከንቲባው ለቋሚ ሲኖዶስ አባላት አረጋግጠዋል።(ማህበረ ቅዱሳን)