በእህል በረንዳ 60 ሰዎች በቁጥጥረ ስር ዋሉ

በእህል በረንዳ አካባቢ የድለላ ስራ ለመስራት በሚል 60 ሰዎች በአንድ ቦታ ላይ ተሰባስበው በመገኘታቸው በቁጥጥረ ስር ዋሉ

በአዲስ ከተማ ክ/ከተማ ፖሊስ መምሪያ የእፎይታ አካባቢ ፖሊስ ጣቢያ ልዩ ቦታው እህል በረንዳ ተብሎ በሚጠራው አካባቢ ላይ አዋጁን በመተላለፍ የድለላ ስራ ለመስራት ነው በሚል 60 ሰዎች በአንድ ቦታ ላይ ተሰባስበው በመገኘታቸው በፖሊስ ቁጥጥር ስር መዋላቸውን የአዲስ ከተማ ክ/ከተማ ፖሊስ መምሪያ አስታወቀ፡፡

የመምሪያ የወንጀል መከላከል ዲቪዚዮን ሃላፊ ዋና ኢንስፔክተር ዋጋ ፀጋዬ እንደገለፀት ትናንት ሚያዚያ 21 ቀን 2012 ዓ/ም በቁጥጥር ስር የዋሉት ሰዎች ከዚህ ቀደም በጤና ባለሙያዎች እና በፖሊሶች ርቀታቸውን ጠብቀው እንዲሰሩ በተደጋጋሚ ቢነገራቸውም ሃሳቡን ተቀብለው ተግባራዊ ባለማድረጋቸው አዋጁ በሚያዘው መሰረት በቁጥጥር ስር ውለው በህግ ተጠያቂ እንዲሆኑ ተደርጓል።