የትዝብት ጥግ!

የህወሓት ነገር ይገርማል። ዶ/ር ዐብይን ይቃወሙት ሲፈልጉም ይጥሉት!..መብታቸው ነው እንበል። ግን አንዴት ትላንት ሲረግሙት፣ ሲያሳድዱት፣ ሲገድሉት፣ አስረው ብልቱ ላይ ኮዳ እያንጠለጠሉ ሲያሰቃዩት፣ በአሸባሪነት ፈርጀው ጦር ከነቀነቁበት ኃይል ጋር በፍቅር ወድቀናል ይሉናል?!..ይኸ በምን ስሌት ይሆናል? በምን ሒሳብ በሬ ካራጁ ይወዳጃል?

ትላንት እስር ቤቱን በኦሮምኛ ተናጋሪ እንዳልሞሉት፣ ሳር ቅጠሉን የኦነግ ታፔላ እየለጠፉ ሲያሳድዱ እንዳልኖሩ፣ በንፁሃን ክንድ የዘንዶ ጉድጓድ እንለካ እንዳላሉ… አሁን ደርሶ በኦነግ ፍቅር፣ በእነጀዋር ፍቅር.. ወድቀናል ብለው በአደባባይ ውሀ በወንፊት እንቅዳ እያሉ በሳቅ ባይገድሉን ምናለ?

ለነገሩ የእነሱ ነገር ያበቃው ስንት አመት አስረው ያሰቃዩትን ሃጫሉን “የነፃነት ታጋይ” ብለው ያሞካሹት ዕለት ነው።

ደግሞ እኮ በእነሱም ብሶ መርህ አልባ ግንኙነት ይባልልኛል!..ከዚህ በላይ መርህ አልባነት ከየት ሊመጣላቸው ነው?.. ማፈሪያ ሁላ!!

(ጫሊ በላይነህ)

* Opinions expressed in this article are the author’s own and do not necessarily reflect the editorial policy of News.et