ልደቱ አያሌው ታሰሩ

የቀድሞ የኢዴፓ ሊቀመንበር አቶ ልደቱ አያሌው በዛሬው ዕለት በኦሮሚያ ፖሊስ መታሰራቸውን የወቅቱ የኢዴፓ ኘረዝደንት አቶ አዳነ ታደሰ በፌስቡክ ገፃቸው አረጋግጠዋል።

አቶ ልደቱ የፍርድ ቤት መጥሪያ በያዙና በኦሮሚያ ፖሊስ በአዲስአበባ በቁጥጥር ስር የዋሉ ሲሆን የታሰሩበት ምክንያት ቢሾፍቱ ከተማ ላይ የተቀሰቀሰውን ቀውስ አስተባብረሃል፣ በገንዘብ ደግፈሃል በሚል በመጠርጠራቸው ነው ተብሏል።

አቶ ልደቱ በቅርብ ከእነጀዋር መሐመድ ጋር የሚናበብ በሚመስል መልክ ከቅርብ ጊዜ ወዲህ በሚያራምዱት የከረረ ፓለቲካ በቀድሞ የትግል አጋሮቻቸው ጭምር ግልፅ ተቃውሞን እንዳስከተለባቸው የሚታወቅ ነው።

ከአቶ ልደቱ ጋር አብረው አብሮነት በሚል ጥምረት መስርተው ከሚንቀሳቀሱት መካከል ኢንጅነር ይልቃል ጌትነት በተመሳሳይ ሁኔታ በቅርቡ መታሰራቸው የሚታወስ ነው።