Connect with us

ይገርመኛል!…የህወሓት ቱማታ፤ የእነዐብይ ዝምታ!!

ይገርመኛል!...የህወሓት ቱማታ፤ የእነዐብይ ዝምታ!!
Photo: Facebook

ፓለቲካ

ይገርመኛል!…የህወሓት ቱማታ፤ የእነዐብይ ዝምታ!!

ይገርመኛል!…የህወሓት ቱማታ፤ የእነዐብይ ዝምታ!!

(ጫሊ በላይነህ)

ነገሬን በጥቂት ማሳሰቢያ ልጀምር። ከዚህ ቀደም ባቀረብኳቸው ሐተታዎች ላይ ጠ/ሚኒስትር ዐብይ አሕመድን አንተ እያልኩኝ በመጥራቴ ቅር የተሰኛችሁ ወገኖች መኖራችሁን ሰማኹ። በእናንተ ቤት “አንቱ” ማለት አክብሮት፣ “አንተ” ማለት ደግሞ ንቀት ማድረጋችሁ ነው። ለማንኛውም እኔ ፈጣሪዬን ኢየሱስ ክርስቶስን እና ወላጅ አባቴን አንተ እያልኩኝ የምጠራው ስለምንቃቸው ሳይሆን ስለማከብራቸው፣ ስለምወዳቸው መሆኑን ካስታወስኩኝ ይበቃል፡፡

የነገሬ መነሻ የሰሞኑ የህወሓት ጠቅላላ ጉባኤ ውሳኔ ነው። የህወሓት ግትር አመራር አስቀድሞ የወሰነውን የአልዋሀድም ውሳኔ ጠቅላላ ጉባኤው ተቀብሎ መሀተም አሳርፎበታል። ጉባኤው ጥርስ ቢኖረው ኖሮ ሌላው ቢቀር “በኢህአዴግ ጠቅላላ ጉባኤ ውሳኔ የተላለፈበት የውህደት ሀሳብ ለምን ልንቃወም ቻልን፣ ለምን ወደክህደት ተሸጋገርን?” ብሎ ወጥሮ ይጠይቅ ነበር። ግን አልጠየቀም። መድረኩ የተያዘው በሥጋ ዝምድና፣ በአምቻ ጋብቻ፣ በጎጥ በተሳሰሩ… የህወሓት ቁንጮዎች ነውና እንዲጠይቅም አይጠበቅም። የሆነው የሚጠበቀው ነገር ነው።

የህወሓት ማፈንገጥ በቅሎ ገመዷን ብትበጥስ ለራሷ አሳጠረች የሚለውን ተረት የሚያስታውስ ነው። በገዛ ውሣኔዋ በኮታ እና በጫና ካግበሰበሰችው የፌደራል መንግሥት ሥልጣን ጠቅልላ በቅርብ የመሰናበቷ ነገር የተበላ ዕቁብ ነው፡፡

ምናልባት የእነጠ/ሚ ዐብይ ሆድ ካልራራላቸው በስተቀር የአንዳንድ የህወሓት አባላትና ጀሌዎች ተባብረው የዘረፉት፣ ከገቢያቸው በላይ ያፈሩት ሐብት እየተለቀመ ወደሕግ መስመር መግባቱም በቅርብ የምናየው ነው፡፡ ሌላው ቢቀር እኛ ሰፈር የሚገኘው ቆሞ ቀሩ ባለቤት አልባ ሕንጻ ባለቤቱ ተፈልጎ ሒሳቡን እንዲያወራርድ መደረጉ አይቀሬ ነው፡፡ ከእያንዳንዱ አክስዮን፣ አትራፊ ቢዝነስ እና አትራፊ ውንብድና ጀርባ ያሉ አንዳንድ በሙስናና ብልሹ አሠራር የሚጠረጠሩ የህወሓት ባለሥልጣናትን የፌደራል መንግሥቱ ማሰር፣ ማሳደድ ሳያስፈልገው ማንነታቸውንና ሐጢያታቸውን ብቻ ለሕዝብ ይፋ ያደረገ ዕለት ህወሓትን ምስጥ እንደበላው እንጨት ባዶዋን ያስቀራታል፡፡

የሚገርመው፤ አንዳንድ የህወሓት ሰዎችንም በቁማቸው እያሸና ያለው የእነጠ/ሚ ዐብይ አሕመድ ዝምታ ነው፡፡ መቼ ጠጠር ላበደረ ወርቅ ምላሽ እንደማይጠበቀው ሁሉ ህወሓቶችም ብዙ ለፍልፈው፣ ብዙ ስም አጥፍተው፣ ብዙ ዝተው… እቅፍ አበባ ከዐብይ ወገን እንደማይጠብቁ ሳይታለም የተፈታ ነው፡፡ ይህም ሆኖ እነዐብይ ለዚህ ሁሉ የህወሓቶች ቱማታ መልሳቸው ዝምታ መሆኑ በራሱ ያማል፡፡ በህወሓት ጫማ ገብቶ ሲታሰብማ ያስፈራል፡፡ እናም መጪው ጊዜ ህወሓት በመንግሥት በጀት የፌዴራሊስት ሀይሎች..ገለመሌ እያለች የከሰሩ ፖለቲከኞችን በገንዘብና ጥቅማ ጥቅም የምትገዛበት፣ የፌስቡክ ሠራዊት ብላ ሁከት ቀስቃሾችን የምትቀልብበት ነባራዊ ሁኔታ መቀጠሉ የሚታሰብ አይደለም፡፡

ደግሞ ህወሓት ሆዬ ከፌዴራል ሓይሎች ጋር አብረን እንሰራለን በማለት የምትጎርረው ነገር አሪፍ ኮሜዲ ነው፡፡ ላለፉት ዓመታት በተለይ የኦሮሞ እና የአማራ ሕዝቦች መራራ ትግል መልሶ ሕወሓትን መልሶ ለማንገስ አለመሆኑን ገና የገባት አልመሰለኝም፡፡ እንደጺላጦስ ራስዋን ከደሙ ንጹህ አድርጋ ስለሕግ የበላይነት፣ስለሕገመንግስት መከበር፣ ስለፌዴራሊዝም፣ ስለሕዝቦች ነጻነት፣ እኩልነት፣…ስትደሰኩር እንደመስማት የሚያዝናናኝ ነገር የለም፡፡

በመጨረሻው ሰዓት ህወሓት ትክክለኛ ቦታዋን መርጣ ይዛለች፡፡ ከገዥ ፓርቲነት ወደተቃዋሚነት በፍጥነት ወርዳለች፡፡ የእኔ ምኞት በሥልጣን ዘመኗ ስትናፍቀው የኖረችውን የታማኝ ተቃዋሚ ሚና በአግባቡ በመወጣት ለአገር ሠላምና መረጋጋት እንዲሁም ልማትና ብልጽግና የራሷን አዎንታዊ አስተዋጽኦ እንድታበረክት ነው፡፡ ሌላው ሰይጣዊ መንገድ ለሁሉም የሚበጅ አይደለምና!

(የአዘጋጁ ማስታወሻ፡- ይህ ጹሑፍ የጸሐፊውን እንጂ የድሬቲዩብን ኤዲቶሪያል አቋም አያሳይም፡፡)

Click to comment

More in ፓለቲካ

  • ሥልጠና እየተካሄደ ነው ሥልጠና እየተካሄደ ነው

    ዜና

    ሥልጠና እየተካሄደ ነው

    By

    ሥልጠና እየተካሄደ ነው የሙሐዘ ጥበባት ዲያቆን ዳንኤል ክብረት የምርጫ ቅስቀሳ አስተባባሪ ግብረሀይል የምርጫ ክልል 28 የአስተባባሪዎች...

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የአፋር ክልል ምላሽ የአፋር ክልል ምላሽ

    ዜና

    የአፋር ክልል ምላሽ

    By

    የአፋር ክልል ምላሽ የአፋር ክልል መንግስት ንጹሀንን እየገደለና እያፈናቀለ ነው ሲል የሱማሌ ክልል ያወጣው መግለጫ ጥፋተኝነትን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

To Top