የእነክርስቲያን ታደለ እና ኤርሚያስ አመልጋ ክስ ተቋርጧል

የሜቴክ ዋና ዳይሬክተር ብ/ጀነራል ክንፈ ዳኘው ክሳቸው አለመቋረጡ ተሰምቷል

የአማራ ብሔራዊ ንቅናቄ (አብን) የሕዝብ ግንኙነት ኃላፊና የሥራ አስፈጻሚ ኮሚቴ አባል አቶ ክርስቲያን ታደለ፣ ኤርሚያስ አመልጋ፣ ኮ/ል ቢኒያም ተወልደ ክሳቸው ተቋርጦ በዛሬው ዕለት ከሚፈቱት እስረኞች መካከል ሆነዋል።

አቶ ክርስቲያን በቁጥጥር ሥር የዋሉት ሐምሌ 4 ቀን 2011 ዓ.ም. በፌዴራል ፖሊስ ታስረው የሚገኙ የአብን አመራሮች፣ አባላትና ደጋፊዎችን ፒያሳ አካባቢ በሚገኘው የአዲስ አበባ ፖሊስ ኮሚሽን እስር ቤት ጠይቀው ሲመለሱ ነበር።

ኤርሚያስ ክሱ ተቋርጦ ከእስር እንዲፈታ ከተወሰኑት መካከል ሲሆን ከ አንድ አመት በላይ ታስሮ ቆይቷል።

ክሳቸው ከተቋረጠላቸው 63 ግለሰቦች መካከል ረ/ፕሮፌሰር ተሰማ ኤልያስ፣ አቶ ሳሙኤል በላይነህ፣ አቶ አዲስ ቃሚሶ እና የአለም ገነት ቆርቆሮ ፋብሪካ እና የሪቬራ ሆቴል ባለቤት አቶ አለም ፍጹም እንደሚገኙበት ምንጫችን ጠቁመዋል።