ገቢዎች ለሠራተኞቹ የደመወዝ ጭማሪ አደረገ

የገቢዎች ሚኒስቴር የሚኒስቴር መስሪያ ቤቱ ሰራተኞች ላበረከቱት አስተዋፅኦ ማበረታቻ ይሆን ዘንድ ከሃምሌ ወር 2011 ዓ.ም ጀምሮ የአንድ እርከን ደሞዝ ጭማሪ አደረገ፡፡

ሚኒስቴር መስሪያ ቤቱ በመስሪያ ቤቱ አስተዳደር ደንብ 155 መሰረት ነዉ ትናንት ባደረገዉ ምክክር የደሞዝ እርከን ጭማሪዉን ያደረገዉ፡፡

ሚኒስቴር መስሪያ ቤቱ በልዩ የደሞዝ እስኬል የሚተዳደር በመሆኑ ምክንያት መንግስት ለመንግስት ሰራተኞች በቅርቡ ያደረገዉ የደሞዝ ማስተካከያ የገቢዎች ሚኒስቴርና የጉምሩክ ኮሚሽንን ያካላካተተ ነበር፡፡

የደሞዝ ጭማሪዉ ለመስሪያ ቤቱ ከተያዘዉ በጀት የሚሸፈን ይሆናልም ተብሏል፡፡ የገቢዎች ሚኒስቴር ሚኒስትር ወ/ሮ አዳነች አቤቤም መላዉ ሰራተኛ በቅንነትና በትጋት ይበልጥ በማገልገል የ2012 የሚኒስቴር መስሪያ ቤቱን እቅድን ለማሳካት መስራት አለበት የሚል መልዕክት አስተላልፈዋል፡፡

ሚኒስቴር መስሪያ ቤቱ በ2011 የተሻለ አፈፃፀም በማስመዝገብ በፓርላማ አድናቆት ማትረፉ የሚታወስ ነዉ::