Connect with us

ታታሪዋን ከንቲባዬን አመሰግኑልኝ?!

ታታሪዋን ከንቲባዬን አመሰግኑልኝ?!
እሱባለው ካሳ

ነፃ ሃሳብ

ታታሪዋን ከንቲባዬን አመሰግኑልኝ?!

ታታሪዋን ከንቲባዬን አመሰግኑልኝ?!

(እሱባለው ካሳ)

ከንቲባኸን አየኸልኝ?… ገና አንተ ከእንቅልፍ ለመንቃት አልጋህ ውስጥ ስትገላበጥ እሷ ግን ቀድማ ነቅታ፣ ሰዎችን አስተባብራ፣ መጥረጊያዋን ይዛ ጃንሜዳ ተከስታለች፡፡ ሥራዋ የታይታ፣ የካሜራ ፍቅር አይምሰልህ፤ ከልብ ነው፡፡ እነታከለ ኡማ  ኮቪድ 19 ን ታከው የባህረ ጥምቀት ማደሪያ ቦታ ብድግ አድርገው ወደአትክልት ተራነት ከመቀየር አልፈው ቦታውን እንዴት እንዳግማሙት ለአንተ አልነግርህም፡፡ አትክልትን ያህል በቀላሉ አካባቢን ሊበክል የሚችል የገበያ ስፍራ ሲያዘዋውሩ በቂ መጠለያ፣ የመጸዳጃ ቦታ፣ የፍሳሽ እና የደረቅ ቆሻሻ ማስወገጃ ስፍራ፣ የንጹህ መጠጥ ውሃ አቅርቦት፣ የመብራትና የመሳሰሉ መሰረተ ልማቶች ሳይሟሉ በጥድፊያ ዝውውሩ መከናወኑ አሳዛኝ ነበር፡፡ ከምንም በላይ ደግሞ በቦታው ላይ መብትና ጥቅም ያላት የኢትዮጵያ ኦርቶዶክስ ተዋህዶ ቤተክርስቲያን በጉዳዩ ላይ ምክር ሳትጠየቅ የተከናወነ መሆኑ ትልቅ የሕዝብ ቅሬታን ቆስቁሶ ከርሟል፡፡ በዚህም ምክንያት ሕዝበ ክርስቲያኑ “ቦታው የበዓል ማክበሪያዬ ነው፤ በሕግ አምላክ” የሚለው አቤቱታው ለወራት ሰሚ ሳያገኝ ዘግይቷል፡፡

ወ/ሮ አዳነች አቤቤ ይህን ስህተት ፈጥኖ ማረም ሕዝባዊ ተቀባይነቷን ከፍ እንደሚያደርገው ቀድማ ተረድታለች፡፡ እናም ወደጃንሜዳ የተዛወረውን የአትክልት ተራ መልሳ በማንሳት ቦታው እንደቀድሞው ለስፖርት እና ለጥምቀተ ባህር አገልግሎቱን እንዲሰጥ ላቧን እየዘራች ነው፡፡

ትላንት ምሽቱን ኃይሌ ጋርመንት አካባቢ ወደአሰራችው አዲሱ አትክልት ተራ ጎራ ብላ ሰራተኞችን እራት በመጋበዝ  “በርቱ ተበራቱ” ብላቸዋለች፡፡ ከንቲባዋ ኃይሌ ጋርመንት እግሯ እስኪቀጥን የተመላለሰችው ፕሮጀክቱ በአጭር ጊዜ እንዲያልቅ ካላት ብርቱ ፍላጎት ነበር፡፡ በእርግጥም ተሳክቶላት አሁን የኃይሌ ጋርመንት አዲሱ የአትክልት ተራ ስራ ለመጀመር የሚያስችል ቁመና ላይ አድርሳዋለች፡፡

አዳነች አቤቤ የሚያውቋት ለሥራ የተፈጠረች ጠንካራ ሴት ስለመሆኗ መስክረው አይጠግቡም፡፡ ያመነችበትን ነገር ከማሳካት ፈቅ የሚያደርጋት አንዳችም ኃይል የለም ይላሉ፡፡ በሰራችባቸው ተቋማት የቅርቦቹን እንኳን ብናይ ገቢዎች እና የፌዴራል ጠቅላይ ዐቃቤ ሕግ ሰራተኛውን አስተባብራ ያከናወነቻቸው ግዙፍ ተግባራት ተቋማቱን አፍርሶ የመሥራት ያህል  የሚወሰድ ነው ሲሉ ያወድሷታል፡፡

እናም ታታሪዋ አዳነች አቤቤ በዓለም ቅርስነት የተመዘገበውን የጥምቀት በዓል እንደቀድሞው በታላቅ ድምቀት እንዲከበር ለማድረግ ፋታ የለሽ ሥራ ላይ ናት፡፡ ሰሞኑን የጃንሜዳው አትክልት ተራ ወደኃይሌ ጋርመንት አካባቢ የሚዘዋወር ሲሆን የጃንሜዳ ቦታም ጽድት ብሎና አምሮበት ከወትሮው በተሻለ ሁኔታ የዘንድሮ የጥምቀት በዓልን እንደሚያስተናግድ እየተጠበቀ ነው፡፡

የኢትዮጵያ ኦርቶዶክስ ተዋህዶ ቤተክርስቲያን ሰዎች በከንቲባዋ ያልተቋረጥ ጥረት መደመማቸውን ጽፈው አንብቤአለሁ፡፡ ግን ደግሞ ተያያዥ ጥያቄም አላቸው፡፡ በአዲስአበባ ብቻ ከስድስት በላይ ክፍለከተሞች የጥምቀት በዓልን ማክበሪያ ቦታ እንደሌላቸው ይናገራሉ፡፡ በከተማዋ የሚገኙ 40 ያህል የበዓል ማክበሪያ ቦታዎች ካርታ እንዲሰጣቸው በተደጋጋሚ ያቀረቡት ጥያቄና አቤቱታ እነሆ እስካሁን መልሱ ጥሪ አይቀበልም ሆኗል፡፡

ኦርቶዶክሶች ተስፋ አልቆረጡም፡፡ የወ/ሮ አዳነች አቤቤ አስተዳደር ልክ ለእሬቻ በዓል ማክበሪ ቦታ ፈጥኖ ካርታ አዘጋጅቶ እንደሰጠው ሁሉ ለኦርቶዶክሳዊን ጥያቄም (ምንም እንኳን የዘገየ ቢሆንም) አርኪ መልስ ይሰጣል ብለው አሁንም በተስፋ እየጠበቁ ነው፡፡

 

Click to comment

More in ነፃ ሃሳብ

  • “ዛቻ!!” የካይሮ ፖለቲከኞች የተበላ ዕቁብ ! “ዛቻ!!” የካይሮ ፖለቲከኞች የተበላ ዕቁብ !

    ነፃ ሃሳብ

    “ዛቻ!!”  የካይሮ ፖለቲከኞች የተበላ ዕቁብ !

    By

    “ዛቻ!!”  የካይሮ ፖለቲከኞች የተበላ ዕቁብ ! (ንጉሥ ወዳጅነው – ድሬቲዩብ)  ለማንኛውም አለመግባባት ዘመናዊው መፍትሄ መነጋጋርና መደራደር...

  • ሠርፀ ፍሬስብሐት እንደፃፈው ሠርፀ ፍሬስብሐት እንደፃፈው

    ነፃ ሃሳብ

    ሠርፀ ፍሬስብሐት እንደፃፈው

    By

    ሠርፀ ፍሬስብሐት እንደፃፈው “አንጋፋ” የሕይወት ዘመን ሽልማት ቦርድ፣ የሚከተሉትን የሽልማት መሣፍርት እንደ መነሻ በመያዝ ነበር ተሸላሚዎችን...

  • መቅደላ በሚያዚያ፤ አምባ ላይ የወደቀው የጀግና ደም ፍሬ አፍርቶ እልፍ ሆኖ አድዋ የበቀለበት፡፡ መቅደላ በሚያዚያ፤ አምባ ላይ የወደቀው የጀግና ደም ፍሬ አፍርቶ እልፍ ሆኖ አድዋ የበቀለበት፡፡

    ባህልና ታሪክ

    መቅደላ በሚያዚያ፤ አምባ ላይ የወደቀው የጀግና ደም ፍሬ አፍርቶ እልፍ ሆኖ አድዋ የበቀለበት፡፡

    By

    መቅደላ በሚያዚያ፤ አምባ ላይ የወደቀው የጀግና ደም ፍሬ አፍርቶ እልፍ ሆኖ አድዋ የበቀለበት፡፡ ****** (ተጓዡ ጋዜጠኛ...

  • የሚያዚያ የታሪክ ኩነቶች-እስከ መቅደላ መስዋዕትነት የሚያዚያ የታሪክ ኩነቶች-እስከ መቅደላ መስዋዕትነት

    ባህልና ታሪክ

    የሚያዚያ የታሪክ ኩነቶች-እስከ መቅደላ መስዋዕትነት

    By

    የሚያዚያ የታሪክ ኩነቶች-እስከ መቅደላ መስዋዕትነት (ተጓዡ ጋዜጠኛ ሄኖክ ስዩም የወርሃ ሚያዚያ ኩነቶችን ከታሪካችን ትዝታዎች እየጨለፈ እስከ...

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

To Top