Connect with us

የህወሓት ዕጣ ፈንታ ለሚያሳስባቸው

የህወሓት ዕጣ ፈንታ ለሚያሳስባቸው
Photo: Social media

ነፃ ሃሳብ

የህወሓት ዕጣ ፈንታ ለሚያሳስባቸው

የህወሓት ዕጣ ፈንታ ለሚያሳስባቸው

(እሱባለው ካሳ)

ሰሞኑን ለመንግስት ኃይሎች እጇን የሰጠችው የህወሓት ከፍተኛ አመራር ወ/ሮ ኬርያ ኢብራሂም “ተሸንፈናል” ስለማለቷ በማህበራዊ ድረገጾች ሲንሸራሸር ተመልክቻለሁ፡፡ ቃሉን ሴትየዋ ብትለውም፤ ባትለውም የህወሓት ሽንፈት እውነት ነው፡፡ ህወሓት ደርግን ስለማሸነፉ ብቻ ከሁለት አስርት ዓመታት በላይ እንደዘመረ፣ እንደሸለለ፣ እንደፎከረ ተፈጥሮአዊ ሞቱን ለመጎንጨት ተገድዷል፡፡

ብዙዎች ህወሓት “ለምን በአሸባሪነት አይፈረጅም” ማለት የጀመሩት ከጦርነቱ በፊት ጀምሮ ነው፡፡ ይህ ድምጽ እየጎላ ለመምጣቱ አንድ አስረጂ የሚሆነው በፓርላማ አባላት ደረጃ ለጠ/ሚኒስትሩ መቅረቡ ነው፡፡ ለነገሩ ፓርላማው ስልጣኑ የማያውቅ ሆኖ እንጂ ሕግ አርቅቆ ህወሓትን በአሸባሪነት መፈረጅ በእጁ ያለ ስልጣን ነበር፡፡

 ሌሎች ደግሞ ፊታቸውን ወደምርጫ ቦርድ በማዞር ለምን ከፓርቲ ዝርዝር ውስጥ አያሰናብተውም በሚል የሚጠይቁ አሉ፡፡ በተለይ ህወሓት ሕግ ጥሶ የራሱን ክልላዊ ምርጫ ቦርድ አቋቁሞ ምርጫ እስከማካሄድ የሄደበት ርቀት ከህጋዊ ፓርቲነት ለማሰረዝ ከበቂ በላይ ምክንያት ነው በሚል የሚሞግቱ ብዙዎች ናቸው፡፡ ያም ሆነ ይህ በገዥው ፓርቲ ብልጽግና በኩል እነዚህ ጥያቄዎች አልተሰሙም፡፡ ለምን? የግል መላልምቴን ላስቀምጥ፡

ምንም ቢሆን ህወሓት ኢህአዴግ ነበር፤ ያውም የኢህአዴግ ወላጅ አባት፡፡ ባለፉት ሁለት አስርት ዓመታት  በዚህች ሀገር ለተፈጠሩ ችግሮች ሁሉ መቶ በመቶ ኃላፊነት ብቻውን ሊወስድ አይችልም፡፡ ሌሎቹና በአሁን ሰዓት ብልጽግና ውስጥ ገብተው የከሰሙት የቀድሞዎ አዴፓ፣ ኦዴፓ እና ደኢህአዴን የድርሻቸውን ያነሳሉ፡፡ እና በአጭሩ ህወሓትን አሸባሪ ድርጅት ብለህ ስትፈርጅ እነአዴፓ እና ኤዴፓንም አሸባሪዎች ናቸው እያልክ ነው፡፡

በዚህ ደረጃ የተጠያቂነት መስመር ስትዘረጋ መስመሩ ስቦ ስቦ ሌሎቹ ጋርም መውሰዱ እንደማይቀር የብልጽግና ሰዎች በሚገባ ተረድተውታል፡፡ እናም ህወሓት በራሱ ተፈጥሮአዊ ሞቱን እንዲያጣጥም ትተውታል፡፡ ይህ ምን ማለት ነው?

አዎ!.. ህወሓት በአሸባሪነት ባለመፈረጁ፣ በምርጫ ቦርድ ባለመሰረዙ ሕጋዊነቱ አሁንም አለ፡፡ ዘንድሮ በሚካሄደው ሀገር አቀፍ ምርጫ በወንጀል ከሚፈለጉት በስተቀር እንደፓርቲ ቀርቦ መወዳደር ይችላል፡፡ ግን ጥያቄው ከዚህ ሁሉ ምስቅልቅል በኋላ፣ ከዚህ ሁሉ ቀውስ በኋላ ህወሓት የትግራይን ሕዝበ እወክላለሁ ብሎ ለመቆም ሞራል ያገኛል ወይ የሚለው የመጀመሪያ ጥያቄ ነው፡፡

እስቲ ይህንን አልፎ ሞራል አግኝቶ ወደምርጫ ቢመጣ በትክክለኛ ምርጫ ሰሞኑን እንዳደረገው 98 በመቶ አይደለም፤ 10 በመቶ ወንበር ማግኘት ይችላል ወይ የሚለው በጥያቄ መልክ የሚነሳ ነው፡፡ ለምን ቢባል ጦርነቱ ብዙ ዋጋ አስከፍሎታል፡፡ ደም ገብሬአሁ፣ ታግዩበታለሁ የሚለው ዓላማ ገና በጠዋቱ አንኮታኩቶት ራሱን የሙስና ባህር ውስጥ ወርውሯል፡፡

መልካም ስሙ የሚያጠለሹና ሕዝባዊ ነኝ የሚል የአንገት በላይ ዲስኩሩን ገደል የሚከቱ ወንጀሎችን ለአመታት ፈጽሟል፡፡ እናም ህወሓትን የሚረከብ አዲስ ትውልድ ማግኘት ሊቸግር ይችላል፡፡ ቢገኝ እንኳን ሕወሓትን አምኖ አብሮት የሚሰለፍ ሕዝብ ማግኘት ይከብደዋል፡፡

ዛሬ የትግራይ ሕዝብ ቢሆን እውነታውን በመረዳቱ እንደቀድሞ ጎሮ ወሸባዬ ሊልለት እንደማይችል የታወቀ ነው፡፡ ደግሞም ምርጫ ውስጥ ቢገባም በማጭበርበር ወንበር ማግበስበስ የለመደ ፓርቲ በነጻና ዴሞክራሲያዊ ምርጫ ተዘርሮ መወደቁ አይቀሬ ይሆናል፡፡ እነሆ ይኸ መንገድ አይቀሬውን የህወሓት ግብዐተ መሬት የሚፈጽም ይሆናል፡፡

Click to comment

More in ነፃ ሃሳብ

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

  • ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን

    ነፃ ሃሳብ

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤

    By

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ...

Trending

Advertisement News.et Ad
To Top