Connect with us

አብን፤ በእስር ላይ የሚገኙት የአስራት ቴሌቪዥን ጋዜጠኞች እና ሰራተኞች እንዲፈቱ ጠየቀ

አብን፤ በእስር ላይ የሚገኙት የአስራት ቴሌቪዥን ጋዜጠኞች እና ሰራተኞች እንዲፈቱ ጠየቀ
A man dressed in a traditional Oromo costume is seen in Addis Ababa, Ethiopia, on December 12, 2019. (Reuters/Tiksa Negeri)

ነፃ ሃሳብ

አብን፤ በእስር ላይ የሚገኙት የአስራት ቴሌቪዥን ጋዜጠኞች እና ሰራተኞች እንዲፈቱ ጠየቀ

አብን፤ በእስር ላይ የሚገኙት የአስራት ቴሌቪዥን ጋዜጠኞች እና ሰራተኞች እንዲፈቱ ጠየቀ
(ሙሉ መግለጫው እነሆ)

ከአማራ ብሐራዊ ንቅናቄ(አብን) የተሰጠ መግለጫ፤
*****
ድርጅታችን የአማራ ብሔራዊ ንቅናቄ(አብን) በቅርቡ በኦሮሚያ ክልል በተለያዩ አካባቢዎች የተፈፀመው «የዘር ማጥፋት ወንጀል» እንደሆነ በመግለፅ በጥፋቱ የተሳተፉ፣ ሕዝቡን ከጥቃት የመከላከል ኃላፊነታቸውን ያልተወጡ የመንግስት አመራሮችም በጉድለታቸው ልክ በሕግ ተጠያቂ እንዲሆኑ እና ጉዳት የደረሰባቸው ወገኖችን የመልሶ ማቋቋም ስራ እንዲሰራ ጥሪ ማቅረቡ ይታወሳል።

አብን ጥቃቱ መፈፀም ከጀመረበት ዕለት አንስቶ የነቃ ክትትል በማድረግ በርካታ ወገናዊ ኃላፊነቱን ሲወጣ ቆይቷል። ጥቃቱ ወደተፈፀመባቸው ቦታዎች በጊዜው በመንቀሳቀስ ዝርዝር ማስረጃዎችን ሰብስቦ እና አጠናቅሮ በልዩ ሁኔታ በጉዳዬ ዙሪያ ለሚሰሩ የአማራ ማኅበራት እና ተቋማት አስተላልፏል። በቅርቡ በተቋማቱ በኩል ለመላው ዓለም በተለይም ለሚመለከታቸዉ የሰብዓዊ መብቶች ተቆርቋሪ ለሆኑ ድርጅቶች እና ዓለምአቀፍ የድፕሎማቲክ ተቋማት የሚያቀርብ ይሆናል።

ከዚሁ ጋር ተያይዞ በኦሮሚያ ክልል በሆሮጉድሩ ዞን ጃርኔጋ ወረዳ ነሽ ተብሎ በሚጠራው አካባቢ ከነሐሴ 12 ቀን 2012 ዓ.ም ጀመሮ በተፈፀሙ ዘር-ተኮር ጥቃቶች ከአስራ አምስት(15) በላይ አማራዎች በአሰቃቂ ሁኔታ የተገደሉ ሲሆን በርካቶችም መፈናቀላቸውን አብን አረጋግጧል፡፡ በአካባቢው እስካሁን የጸጥታ ስጋት እንዳለም ለማወቅ ችለናል። የሕግ የበላይነትን በፅኑ እናስከብራለን በሚል የኦሮሚያ ክልል እና የፌዴራል መንግስት በቃል የገለፁትን በተሟላ መልኩ በተግባር የማረጋገጥ ኃላፊነት አለባቸው። መንግስት ይሄን ታቅዶ እየተፈፀመ ያለ የዘር ማጥፋት እና ማፅዳት ወንጀል በአስቸኳይ እንዲያስቆም አብን ይጠይቃል።

በሌላ በኩል በኦሮሚያ ክልል ከነበረው ጥቃት ጋር በተያያዘ ከታሰሩት ግለሰቦች መካከል የተወሰኑትን ጉዳይ ስንመለከት ወንጀልን በሰበብነት ተጠቅሞ የፖለቲካ አመለካከትን ለመደፍጠጥ ወይም ለጥፋተኞች የፖለቲካ ሚዛን መጠበቂያነት የማዋል ዝንባሌ እንዳለ ለመገንዘብ ችለናል። በመንግስት በኩል ይህ ጉዳይ በአስቸኳይ ተጣርቶ ተገቢው እርምት እንዲሰጥ አብን ያሳስባል።

በተለይም የአስራት ቴሌቪዥን ጋዜጠኞች እና ሰራተኞች የሆኑት አቶ በላይ ማናየ፣ አቶ ሙሉጌታ አንበርብር፣ አቶ ዬናታን ሙሉጌታ እና አቶ ምስጋናው ከፈለኝ የታሰሩት ለአማራ ሕዝብ ድምፅ በመሆናቸው ብቻ እንደሆነ አብን ያምናል። ለአማራ ሕዝብ ድምፅ ሆነው በሰሩባቸው ጊዜያት ሙስናን፣ ዘረኝነትን እና በሕዝባችን ላይ የሚፈፀም ግፍን ሲያጋልጡ መቆየታቸውን እያስታወስን በሌላ በኩል በዘረኛ እና ሙሰኛ የመንግስት ባለስልጣናት ቂም እንደተያዘባቸው እና አጋጣሚውን በመጠቀም ለእስር እንደዳረጓቸው መረዳት ይቻላል።

ለዘመናት በአማራ ሕዝብ ላይ ሲፈፀሙ የቆዩ ግፎች የሚዲያ ዘገባ እንዳይኖራቸው ጭምር ይደረግ እንደነበር ይታወቃል። የአስራት ቴሌቪዥን ወሳኝ ለሆኑ የአማራ ሕዝብ ጉዳዬች የሚዲያ ሽፋን በመስጠት ጉልህ ድርሸ ሲወጣ ቆይቷል። በትግሉ የተለያዩ ዘርፎች እንደታዩት በርካታ ክፍተቶች ሁሉ በድጋፍ ማነስ ምክንያት በቅርቡ በኦሮሚያ ክልል ውስጥ ወንጀሎች ሲፈፀሙ የአስራት ቴሌቪዥን ከሳተላይት ስርጭት ውጭ እንደነበረ እየታወቀ በመንግስት ከፍተኛ ኃላፊዎች በጣቢያው ላይ ሲነገር የነበረው ፍፁም የተሳሳተ ፍረጃ/ውንጀላ/ በቀጣይ የተፈፀመውን እስራት ተዓማኒነት ያሳጣዋል።

እነዚህን ጉዳዬች በተመለከተ ድርጅታችን ያለውን ቅሬታ በወቅቱ ለሚመለከታቸው የመንግስት ኃላፊዎች የገለፀ እና በተደጋጋሚ ያሳሰበ ሲሆን በቀጣይ በነበሩ ጊዜያት ኃቀኛ እና ፈጣን እልባት ሊያገኙ ይችላሉ የሚል እምነት ነበረው። አብን በአንድ በኩል በግልፅ የጥፋት ቅስቀሳ ሲያደርጉ የነበሩ የሚዲያ ተቋማት፣ መላ የኢትዬጵያ ሕዝብ የታዘበው የጥፋት ጥሪ እና እንቅስቃሴ ሲያደርጉ የነበሩ ግለሰቦች በሕግ እንዲጠየቁ እያሳሰበ በመንግስት በኩል ከፖለቲካ አመለካከታቸው ባለፈ ይህ ነው የሚባል ተጨባጭ ጥፋት በሌለባቸው ወገኖች ላይ የተፈፀመውን እስር ለመኮነን ውስብስብ እና ፍትኅ አልባ የሆነው የሀገራችን ወቅታዊ የማኅበረ-ፖለቲካ ቅኝት ወሳኝ ተግዳሮት ሆኖበት እንደቆየ ለመግለፅ ይወዳል።

በእስር ላይ የሚገኙት ወገኖቻችን እንቅስቃሴያቸው በሙሉ ሰላማዊ ብቻ እንደሆነና የተቀነባበሩ ጥቃቶች የተፈፀሙባቸውን ወገኖች ጉዳይ በማጋለጥ አተኩረው እንደሚሰሩ ጭምር እናውቃለን። ሁሉም ሰላማዊ መሆናቸው፣ አማራ መሆናቸው፣ በመንግስት ባለስልጣናት ላይ የሰላ ትችት ሲያቀርቡ የነበሩ መሆኑን ስናስተውል የታሰሩት አጋጣሚውን በመጠቀም ለበቀል ወይም ድምፃቸውን ለማፈን እንደሚሆን ለመገመት ይቻላል።

በመሆኑም ያለምንም ተጨባጭ ጥፋት በእስር ላይ የሚገኙት የአስራት ቴሌቪዥን ጋዜጠኞች እና ሰራተኞች በአስቸኳይ ከእስር እንዲፈቱ አብን ይጠይቃል።

አዲስ አበባ ፥ ሸዋ ፥ ኢትዮጵያ
ነሐሴ 22 ቀን 2012 ዓ.ም

Click to comment

More in ነፃ ሃሳብ

  • የሚያዚያ የታሪክ ኩነቶች-እስከ መቅደላ መስዋዕትነት የሚያዚያ የታሪክ ኩነቶች-እስከ መቅደላ መስዋዕትነት

    ባህልና ታሪክ

    የሚያዚያ የታሪክ ኩነቶች-እስከ መቅደላ መስዋዕትነት

    By

    የሚያዚያ የታሪክ ኩነቶች-እስከ መቅደላ መስዋዕትነት (ተጓዡ ጋዜጠኛ ሄኖክ ስዩም የወርሃ ሚያዚያ ኩነቶችን ከታሪካችን ትዝታዎች እየጨለፈ እስከ...

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

To Top