ሕገወጥ የፊት ጭንብል እና የስንፈተ ወሲብ መድሀኒት አዘዋዋሪዎች ተያዙ

ሕገወጥ የፊት ጭንብል እና የስንፈተ ወሲብ መድሀኒት አዘዋዋሪዎች ተያዙ

2 ነጥብ 4 ሚልዮን ብር የሚገመት ለኮቪድ-19 ለመከላከል ያገለግላሉ የተባሉ ህገ-ወጥ የፊት ጭንብል(face mask) እና ህገ-ወጥ ለስንፈተ ወሲብ የሚያገለግል በማለት(Vimax herbal supplement) አዘዋዋሪዎች በቁጥጥር ስር ዋሉ።

ሚያዚያ 23/2012 ዓ.ም በአዲስ አበባ ከተማ የኢትዮጵያ ምግብና መድኃኒት ቀጥጥር ባለስልጣን አስፈላጊዉን ጥናት ካጠናቀቀ በኋላ ከአዲስ አበባ ፖሊሥ ኮሚሽን ጋር በመተባበር ህገ-ወጥ ዝውውር ላይ ባከናወነው ኦፕሬሽን

1ኛ. መስቀል ፍላወር አካባቢ በተሽከርካሪ የፊት ጭንብል(N95 face mask) ብዛት 15,000 እና 05 የሙቀት መለኪያ ቴርሞ ሜትር/Infrared thermometer እና ፒያሣ አካባቢ Surgical face mask ብዛት 1,000 የሆነ በህገ-ወጥ መንገድ ለህገወጦች ሊሸጥ ሲል ከአራዳ ክፍለ ከተማ ፖሊስ መምሪያ ጋር በመተባበር ስምንት ግለሰቦች እጅ ከፈንጅ ተይዘው ምርመራ እየተካሄደ ይገኛል።

2ኛ. Vimax herbal supplement የተባለ በባለሥልጣኑ ያልተመዘገበና ደህንነቱ ያልተረጋገጠ ህገ-ወጥ ምርት ለስንፈተ ወሲብ የሚሆን በማለት በፌስቡክ ሲያስተዋዉቁ የነበሩ ግምቱ 17 ሺ 500 ብር የሆነ በአዲስ አበባ ሳሪስ አካባቢ ከአቃቂ ቃሊቲ ክፍለ ከተማ ፖሊስ መምሪያ ጋር በመተባበር አንድ ግለሰብ እጅ ከፈንጅ ተይዞ ምርመራ እየተካሄደ ይገኛል።