ኤምባሲው ኬንያ ውስጥ ታስረው የነበሩ 19 ዜጎችን ወደ አገራቸው መለሰ

በኬንያ የኢፌዴሪ ኤምባሲ ኬንያ ውስጥ ታስረው የነበሩ 19 ዜጎችን ከአገሪቱ የኢሚግሬሽን ባለስልጣን ጋር በመተባብር ዛሬ ሞያሌ ማድረሱን አስታውቋል።

ከ16-25 ዓመት ዕድሜ ያላቸው ዜጎቹ የተያዙት ኬንያን አቋርጠው ወደ ደቡብ አፍሪካ ለመሄድ ሲሞክሩ ያለጉዞ ሰነድ በመገኘታቸው ነው።

በኢትዮጵያ መንግስትና በዓለም አቀፉ የፍልሰት ድርጅት (IOM) ጤንነታቸውን ጠብቆ ለቤተሰባቸው ለማብቃት በለይቶ ማቆያ ገብተዋል።

ቀደም ሲልም በተመሳሳይ ለይቶ ማቆያ የነበሩ 64 ዜጎች ጤናቸው ተረጋግጦ ወደ ቤተሰቦቻቸው መሸኘታቸውን ከኤምባሲው ያገኘነው መረጃ ያመለክታል።