Connect with us

ወ/ሮ ኬሪያ ኢብራሂምን አለማድነቅ አይቻለኝም!!

Photo: Facebook

ፓለቲካ

ወ/ሮ ኬሪያ ኢብራሂምን አለማድነቅ አይቻለኝም!!

ወ/ሮ ኬሪያ ኢብራሂምን አለማድነቅ አይቻለኝም!! | (ጫሊ በላይነህ)

የፌዴሬሽን ምክርቤት አፈጉባዔ የሆኑት ወ/ሮ ኬሪያ ኢብራሂም ከዋልታ ቴሌቭዥን ባልደረባ ስሜነህ ባይፈርስ ጋር ያደረጉትን ቃለምምልስ ተከታተልኩት፡፡ በእውነቱ የሴትየዋ ጠንካራና የማያወላውል አቋም እንዲሁም ለፓርቲያቸው ህወሓት/ኢህአዴግ ያላቸው ታማኝነት በእጅጉ አስደንቆኛል፡፡ በተለይ የያዙትን ሹመትና ጥቅማጥቅም ላለማጣት ስንትና ስንት አጸያፊ ተግባራትን ጭምር የሚሰሩ አጎብዳጅና አስመሳይ የገዥው ፓርቲ ባለሥልጣናት በበዙበት በዚህ ወቅት የወ/ሮ ኬሪያ የማያወላውል አቋም ማስገረሙ የሚጠበቅ ነው፡፡ በዚህ ላይ ቀለል ባለ መንገድ ሃሳባቸውን ለመግለጽ ያደረጉት ጥረት መሳጭ ነው፡፡

ወ/ሮ ኬሪያ ምንድነው ያሉት?

ወ/ሮ ኬሪያ ኢብራሂም የኢፌዲሪ የፌዴሬሽን ምክርቤት አፈጉባዔ ለዋልታ ሲያስረዱ ካነሱት ዐብይ ጉዳይ አንዱ ሲሾሙ የገቡትን ቃለመሀላ የሚመለከት ነበር፡፡ የቀድሞው አፈ ጉባኤ አቶ ያለው አባተ ለምክር ቤቱ የሥራ መልቀቂያ ማስገባታቸውን ተከትሎ የፌዴሬሽን ምክርቤት አፈጉባዔ ሆነው የተሸሙት ሚያዚያ 22 ቀን 2010 ዓ.ም ነበር፡፡ ወይዘሮዋ በህወሐት ማዕከላዊ ኮሚቴ ውስጥ ካሉት ጥቂት ሴቶች አንዷ ሲሆኑ፤የፌዴሬሽን ምክር ቤት አፈ ጉባኤ ሆነው ከመሾማቸው በፊት በትግራይ ክልል ከወረዳ ጀምሮ እስከ ክልል ባሉ የተለያዩ መዋቅሮች ውስጥ በተለያዩ የኃላፊነት ደረጃዎች አገልግለዋል፡፡

ወ/ሮ ኬሪያ “መቐሌ ሲሄዱ ሌላ እዚህ ሲመጣ ሌላ ይሆናሉ” ስለመባሉ ተጠይቀው የሰጡት ምላሽ ግልጽና ቀጥተኛ ነበር፡፡ “አዎ መሆን አለብኝ” የሚል፡፡ ይኸን ሲያብራሩም “…የማምንበት ፖለቲካ አለኝ፡፡ እዚህ ስመጣ ደግሞ (ፌዴሬሽን ም/ቤት ማለታቸው ነው) የተሾምኩበት አለ፡፡ ለሕገመንግሥቱ ነው የተሾምኩት፡፡ ለሕገመንግሥቱና ለፌዴራል ሥርዓቱ ጥብቅና አለኝ፡፡ ….እኔ ስሾም ህወሓትን ወክዬ ነው፡፡ እዚህ ፌዴሬሽን ምክርቤት ስሾም የማልኩት ኢህአዴግ ሆኜ ነው፡፡ …ሁለተኛ መሀላ አልፈጸምኩም” ብለዋል፡፡

የወ/ሮ ኬሪያ ኢብራሂም ቃለምልልስ በእኔ አረዳድ ፓርቲያቸው ህወሓት ከውህደት ሀሳብ ጋር ተያይዞ ያሳለፈውን ውሳኔ የሚደግፍ ነው፡፡ የኢህአዴግን መፍረስ የማይቀበል ነው፡፡ ይህ ሃሳባቸው እነጠ/ሚ ዐብይን የሚያስኮርፍ ነው፡፡ ምናልባትም የብልጽግና ፓርቲ አስተሳሰብ ባለመደገፋቸው ብቻ ከሥልጣን ሊነሱ ወይንም በሥልጣን እያሉም መገለል ሊደርስባቸው የሚችልበት ዕድሉ ሰፋ ያለ ነው፡፡ እንግዲህ የሴትየዋ ጠንካራ የፓርቲ ዲሲፒሊን የሚገርመው ከዚህ አንጻር ነው፡፡ እንደአንዳንዶች ሆዳቸውን አላስቀደሙም፡፡

ከሴትየዋ አነጋገር ለመረዳት እንደቻልኩትም የመጣውን ሁሉ ለመቀበል፣ ተገቢውን ዋጋ ለመክፈል የቆረጡ ይመስላሉ፡፡ ጠ/ሚኒስትር ዐብይ በሰሞኑ የፓርላማ ጥያቄና መልስ ቆይታቸው በቅርቡ የንግድና ኢንደስትሪ ሚኒስትርዋን ወ/ሮ ፈትለወርቅ ገብረእግዚአብሔር ከሥልጣን ያነሱበት ምክንያት ከህወሓት ማፈንገጥ ጋር እንደማይገናኝ ለማስረዳት የወ/ሮ ኬሪያ ኢብራሂም አለመነሳት መጥቀሳቸው የሚታወስ ነው፡፡ አሁን ጥያቄው ወ/ሮ ኬሪያ የገዥው ፓርቲ አስተሳሰብ በዚህ መልክ እየነቀፉ በከፍተኛ የመንግሥት አመራርነት ቦታ ምን ያህል ርቀት ሊጓዙ ይችላሉ የሚለው ነው፡፡ በሰለጠኑ አገራት ቢሆን እንዲህ ዓይነት የልዩነት ሃሳብ የሚያነሱ ባለሥልጣናት በገዛ ፈቃዳቸው ከሥልጣን ለመነሳት ለደቂቃም ቢሆን አያንገራግሩም፡፡ በጥቅሉ በኢትዮጵያ ግን ይህ ባህል እንደጎጂ ልማድ ስለሚቆጠር አስፈጻሚው የበላይ አካል እስኪያሰናብት ባለሥልጣናት ወንበራቸው ላይ እያንጎላጁም ቢሆን መክረም የተለመደ ነው፡፡ የወ/ሮ ኬሪያም ቀጣይ ዕጣ ፈንታ ከዚህ ውጪ ባይሆን ሊገርም አይገባም፡፡

ያም ሆነ ይህ ወ/ሮ ኬሪያ ኢብራሂም እሳቸው ላመኑበት አቋም ያሳዩት ጥንካሬ በግሌ የማደንቀው ነው፡፡ የገዥው ፓርቲ ብዙዎቹ አመራሮች ላመኑበት እንዲህ ያለ ጠንካራ የፓርቲ ዲሲፒሊን ቢኖራቸው ኖሮ አሁን በየደረጃው ያለው ቀውስ ባልተፈጠረም ነበር ብዬ አስባለኹ፡፡ ደህና ክረሙልኝ!

Click to comment

More in ፓለቲካ

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የአፋር ክልል ምላሽ የአፋር ክልል ምላሽ

    ዜና

    የአፋር ክልል ምላሽ

    By

    የአፋር ክልል ምላሽ የአፋር ክልል መንግስት ንጹሀንን እየገደለና እያፈናቀለ ነው ሲል የሱማሌ ክልል ያወጣው መግለጫ ጥፋተኝነትን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

Trending

Advertisement News.et Ad
To Top