Connect with us

ዶ/ር ደብረጽዮን ምን እያሉን ነው ? ምስጢር አወጣለሁ!

ዶ/ር ደብረጽዮን ምን እያሉን ነው ? ምስጢር አወጣለሁ!
Photo: Facebook

ፓለቲካ

ዶ/ር ደብረጽዮን ምን እያሉን ነው ? ምስጢር አወጣለሁ!

ዶ/ር ደብረጽዮን ምን እያሉን ነው ? ምስጢር አወጣለሁ!

(በኃይሉ ሚዴቅሳ ፍስሃጽዮን- መቐለ)

በመቐለ ከተማ እየተካሄደ ባለውና ‹ህገመንግስትን እና ህብረ ብሄራዊ ፌደራላዊ ስርአትን ማዳን›› የሚለው የምክክር መድረክ በርካታ ብሄራዊና ሃገራዊ የፖለቲካ ፓርቲዎች እንዲሁም ሌሎች ጥሪ የተደረገላቸው ተሳታፊዎች ታድመዉታል። ከተለያዩ ክልሎች (በተለይ ከሱማሌና ቤኒሻንጉል) የመጡት ተሳታፊዎች ልክ ሕገመንግሥቱ ሲፀድቅ እንደነበራቸው ስሜት ያለ መፈንደቅ ሲታይባቸው ነበር፡፡ ከደቡብ የመጡት ደግሞ ስሜታዊ የሚያደርግ ነገር ሲናገሩ ነበር፡፡

አንድ የቀድሞው ኢሕአዴግ አባልና የወላይታ ዩኒቨርሲቲ መምህር ‹‹ኢሕአዴግ አንድ ጊዜ ጀርባው ይጠና፤ ሌላ ጊዜ ፊቱ ይጠና እያለ አባሉንና አመራሩን ሁሉ ሲያሸማቅቅ ኖሮ፣ አሁን ፊታቸውንም ጀርባቸውንም እያስጠኑ የሆዳቸውን በሆዳቸው ይዘው በቀረቡት ሰዎች እንዳይሆን ሆነ›› ብላለች፡፡

ከሁሉም በላይ ግን የትግራይ ክልል መንግሥት ፕሬዚዳንትና የሕወሓት ሊቀመንበር ዶ/ር ደብረጽዮን ገ/ሚካኤል በመክፈቻው ላይ ያደረጉት ንግግር በአዳራሹ ውስጥ መነጋገሪያ ነበር፡፡ ወደ ስብሰባው የሚመጡ ሰዎችን የመንግሥት ቢሮክራሲ ሆን ብሎ እንዳስቀረ ገልፀው ‹ይህ የደካሞች ተግባር ነው›› ካሉ በኋላ ወዳልሆነ ነገር ከገባን እኛም ብዙ ምስጢር እናወጣለን ሲሉ በአጽንኦት ተናግረዋል፡፡

‹‹የተለየ ሃሳብ የሚፈሩ፥ በውይይት፥ በመድረክ የማያምኑ ደካሞች በዚህ መድረክ ፓርቲዎችና ግለሰቦች እንዳይሳተፉ በተለያየ መልኩና አግባብ ጫናዎች በማካሄድ ፀረ ዴሞክራሲያዊ አስተሳሰባቸውና ተግባራቸው አሳይተዋል። ይህ ጫናና ፀረ ዴሞክራስያዊ ተግባር መወገዝ ያለበት እና ህዝቡ በሕገ መንግስቱ የተጎናፀፈውን መብት የረገጠ አፋኝ ተግባር በመሆኑ በአስቸኳይ መቆምና ስርአት መያዝ ይገባዋል። ሃሳብ በሃሳብ መግጠም እንጂ አስተዳደራዊ በሆኑ ጫናዎች ልዩነቶች እንዳይወጡ፥ እንዲቀበሩ እየተደረጉ ያሉ የሃሳብ ደካሞች ተግባር መቆም አለበት። አለም አንድ መንደር በሆነበት ጎረቤታሞችም እንዳይገናኙ የሚከለክሉ የአለማችን ጉደኞች ከድርጊታቸው ቢቆጠብ ይሻላቸዋል። ካልሆነ በየአካባቢው እየተከናወነ ያለው ዘርፈ ብዙ ጫና የት፥ በማን ምን እንደተፈፀመ ለህዝቡ እውነታው እንደምናወጣ ከወዲሁ ይታወቅ›› ሲሉ የተናገሩት ነገር በሻሂ ዕረፍት ወቅትና ከዚያም በኋላ በአዳራሹ ውስጥና ግቢ መነጋገሪያ ነበር፡፡

አንዳንዱ ‹በቃ አቶ ጌታቸው አሰፋ ሥራውን ሊጀምር ነው የባለሥልጣናትን ጉድ ሊያወጣ ነው›› ይላል፡፡ ሌላው ደግሞ ‹‹ስለ ስመኘውን ሞት ፤ስለ ጀኔራሎቹን ግድያና ስለ ባለሥልጣናት መገደል የሚያውቁት ምስጢር አለ ማለት ነው›› ሲል፣በሌላኛው ጥግ ደግሞ ‹‹ስለ ሕዳሴ ግድብ፣ከኤርትራ ጋር ስለተደረገ ምስጢራዊ ግንኙነት፣ስለ ለማና ዐቢይ የኋላ ታሪክ ወዘተ የሚያውቁት ነገር ይኖር ይሆን፣ እነዚህ ሰዎች እኮ 27 ዓመታት የአገሪቱን ቁልፍ ይዘው የነበሩ ናቸው›› ወዘተ እያለ ይጎረማረማል፡፡

በርግጥ ግን ዶ/ር ደብረጽዮን ምን ማለታቸው ነው?!

Click to comment

More in ፓለቲካ

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የአፋር ክልል ምላሽ የአፋር ክልል ምላሽ

    ዜና

    የአፋር ክልል ምላሽ

    By

    የአፋር ክልል ምላሽ የአፋር ክልል መንግስት ንጹሀንን እየገደለና እያፈናቀለ ነው ሲል የሱማሌ ክልል ያወጣው መግለጫ ጥፋተኝነትን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

Trending

Advertisement News.et Ad
To Top