የከባድ መኪና ሾፌሮች መገደል

አሽከርካሪዎች በየጊዜዉ ይደርስብናል ያሉት ግድያ፣ ድብደባና እግታን መንግስት እንዲከላከልላቸዉ አቤት አሉ። አዲስ አበባ ወደ ምሥራቅ ኢትዮጵያ፣ ጅቡቲና ሱዳን ሽቀጦችን የሚያመላልሱ ተሽከርካሪዎች ሾፌሮች እንደሚሉት በቅርቡ ብቻ አራት ባልደረቦቻቸዉ በታጣቂዎች ተገድለዉባቸዋል።

የኢትዮጵያ ድንበር አቋራጭ አሽከርካሪዎች በየጊዜዉ ይደርስብናል ያሉት ግድያ፣ ድብደባና እግታን መንግስት እንዲከላከልላቸዉ አቤት አሉ።

አዲስ አበባ ወደ ምሥራቅ ኢትዮጵያ፣ ጅቡቲና ሱዳን ሽቀጦችን የሚያመላልሱ ተሽከርካሪዎች ሾፌሮች እንደሚሉት በቅርቡ ብቻ አራት ባልደረቦቻቸዉ በታጣቂዎች ተገድለዉባቸዋል። ሌሎች ቁጥራቸዉ በዉል ያልተነገረ ሾፌሮች ደግሞ ታግተዋል፣ ተደብድበዋል፣ ተዘርፈዋልም። የኢትዮጵያ የፌደራል ፖሊስ ሾፌሮች መገደላቸዉንና ሌላ ጥቃት እንደደረሰባቸዉም እንደሚያዉቅ አስታዉቋል። DW