በትግራይ ክልል በትራፊክ አደጋ የ6 ሰዎች ህይወት አለፈ

አደጋው የደረሰው 28 ሰዎችን አሳፍሮ ከኮረም ከተማ ወደ ፋላ ይጓዝ የነበረ የሰሌዳ ቁጥሩ ኮድ 3- 06938 ትግ የሆነ የህዝብ ማመላለሻ አውቶቡስ ትላንት ቀትር ላይ ፍቅረ ወልዳ በተባለ ስፈራ በመገልበጡ መሆኑን የዞኑ ትራፊክ ፖሊስ ኃላፊ ኮማንደር አብርሃ ወረደ ተናግረዋል፡፡

በተሳፋሪዎቹ እና ረዳቱ መካከል ከክፍያ ጋር በተያያዘ የተነሳ ጠብ ለተሽካርካሪው መገልበጥ መንስኤ መሆኑን ገልጸዋል፡፡

ጠብ ሲፈጠር አሽከርካሪው አውቶቡሱን አቁሞ ሲወርድ ታኮ ባለማድረጉ ተሸካርካሪው 150 ሜትር ጥልቀት ካለው ገደል ተንሸራቶ መግባቱን ተናግረዋል።

ጉዳት የደረሰባቸው ተሳፋሪዎች በመቐሌ፣ማይጨውና ኮረም ሆስፒታሎች ህክምና እየተደረገላቸው ነው ብለዋል ።

ፖሊስ አሽከርካሪውን በቁጥጥር ስር አውሎ ጉዳዩን እያጣራ መሆኑም አስረድተዋል።

ምንጭ፡- ኢዜአ