ሥልጠና እየተካሄደ ነው

ሥልጠና እየተካሄደ ነው

የሙሐዘ ጥበባት ዲያቆን ዳንኤል ክብረት የምርጫ ቅስቀሳ አስተባባሪ ግብረሀይል የምርጫ ክልል 28 የአስተባባሪዎች ሥልጠና መርሐግብር በቢሾፍቱ ከተማ በሚገኘው የኢየሩሳሌም ሕፃናት ማኀበረሰብ ልማት ድርጅት የሥልጠና ማዕከል በመካሄድ ላይ መሆኑ ተሰማ።

ሥልጠናው የኢትዮጵያ የምርጫ ሕግ እና ሥርዓት፣ የምርጫ አስተባባሪዎች በሒደቱ  መከተል የሚገባቸው የሥነምግባር ሁኔታ እና የመሳሰሉት ላይ ያተኮረ ነው።

ዲያቆን ዳንኤል በዐዲስ አበባ ከተማ ምርጫ ክልል 28 (የካ ወረዳ 9፣10፣11፣12 እና 13 እና ቦሌ ወረዳ 10 በድምሩ ከ108 በላይ ንዑስ ምርጫ ጣቢያዎችን በሚሸፍን ቦታ ለሕዝብ እንደራሴ ም/ቤት በግል እንደሚወዳደር ይታወቃል።

የዛሬው የቢሾፍቱ የሥልጠና መርሐግብር ተሳታፊዎች የኮሮና ወርሽኝ ቅድመ ጥንቃቄዎችን ባሟላ መልኩ ማስክ፣ ሳኒታይዘር በማቅረብ የጤና ሚ/ር የኮቪድ መመሪያን በጠበቀ መልኩ እየተካሄደ መሆኑን ከአስተባባሪ ኮምቴው የተገኘ ዜና ጠቁሟል።

የሙሐዘ ጥበባት ዲያቆን ዳንኤል የመጀመሪያው የምርጫ ቅስቀሳ ማስጀመሪያ መርሐግብር መጋቢት 18 ቀን 2013 ዓ.ም በካፒታል ሆቴል ማካሄዱ የሚታወስ ነው።