Connect with us

ህወሓት እና ኦነግ “ሸኔ” ምን እና ምን ናቸው ?

ህወሓት እና ኦነግ “ሸኔ” ምን እና ምን ናቸው ?
Photo: Social media

ነፃ ሃሳብ

ህወሓት እና ኦነግ “ሸኔ” ምን እና ምን ናቸው ?

ህወሓት እና ኦነግ “ሸኔ” ምን እና ምን ናቸው ?

( ኃይሌ ተስፋዬ )

 

እስካሁን ከህወሓት ያልጠቀስኩት አንድ “ኳሊቲ ¡¡” አለ። እሱም፦ ግለሰብን ወይም ቡድንን በጠላትነት ከመፈረጇ በፊት፥ የእሷን እኩይ ዓላማ አስፈጻሚ ትሆን ዘንድ ዕድሉን መስጠት ነው። ዕድሉን ስትሰጥህ ያኔ ከተስማማህ፣ አትነካህም፤ በተለይ ከእሷ ሥር እያጎበደድክ፣ ተላላኪ እና አሸርጋጅ ኾነህ የምትኖር ከሆነ፣ በጥርጣሬ ውስጥ ያለ ንቄትም ላይ ሆና በሕይወት ታኖርሃለች።

የህወሓት ጠባይ እንደ ጃርት ነው። ጃርት በርቀት ላይ ሆነህ እሾኾቿን አትወድርብህም። ይልቁንም እየቀርብካት በሄድክ ቁጥር ሊያጠፋኝ ነው በሚል “ሜንታሊቲ” ያለ የሌለ ኃይሏን ትጠቀማለች። ሕወሓትም እንዲሁ ነች። በርቀት አትነካህም። በማንኛውም ሁኔታ ስትቀርባት ግን የጃርቷን ሥራ ትሠራለች።

ህወሓት ኦነግን በሽግግሩ ሰሞን እንደ ቂል ነበር የምትቆጥረው። ምክንያቱ ደግሞ ዓላማና ኢላማውን ያልጠነቀቀ አማጺ እንደሆነ አድርጋ ቀድሞውኑ ስለፈረጀችው ነበር።

 በርግጥ ሁላችን እንደምናውቀው ኦነግ ትላንትናም ዛሬም ዓላማና ኢላማ የሌለው ቡድን ነው። ኦነግ በወቅቱ ዓላማ ቢኖረው ፥ በአቶ መለስ ዜናዊ ፖለቲካዊ ቁማር ፈዞ ወታደሮቹን “ሚኒ” ካምፕ አያስገባም ነበር። ኦነግ ዓላማ ቢኖረው፥ በዚህ በለውጡ ዘመን በፓርቲነት ተመዝገብ ሲባል “ እኔ ከሃያ ዓመት በፊት በሀገሪቱ ምርጫ ቦርድ ባህር መዝገብ ውስጥ የምታወቅ በመሆኑ፥ ድጋሚ በምርጫ ቦርድ መመዝገብ አያስፈልገኝም” ባላለ ነበር። ኦነግ ዓላማ ቢኖረው፥ እንደ ጭራቅ ይፈራ የነበረውን ማንነቱን አንጽቶለት፣ ወደ ሀገር ቤት ገብተህ በሰላማዊ መንገድ ታገል ያለውን የለውጥ ኃይል መልሶ በጠመንጃ አይወጋም ነበር።

ኦነግ ኢላማ ቢኖረው፥ ከቡራዩ እስከ ቅርብ ጊዜ ድረስ በተለያዩ አካባቢዎች በንጹሐን ላይ የተካሄዱ አሰቃቂ፣ ዘግናኝ እና አሳዛኝ ግድያዎችን አይፈጽምም ነበር። ኦነግ ኢላማ ቢኖረው፥ አሥር ቀን ባልሞላ ጊዜ ውስጥ አሥራ ሰባት ባንኮችን አይዘርፍም ነበር።

ግን ኦነግ ዓላማም ኢላምም የሌለው፣ ሀገር የሚያደማ፣ ጠባብና ከፋፋይ የኾነ የአድኀሪያን ስብስብ በመሆኑ በእንዲህ ዓይነት የክህደት ግብር ተገልጦ አይተነዋል። ትላንት በአሸባሪነት ስታሳድደው የነበረችውም ህወሓት ዛሬ ለኦነግ ወዳጇ ነው፤ ተልዕኮም የምትሰጠው ራሷ ነች።

ሥለሆነም ፦

ኦነግ ሸኔ የኦሮሞ ህዝብ ጠላት ነው !!

ኦነግ ሸኔ የህወሓት መጠቀሚያ ዕቃ ነው !!

ኦነግ ሸኔ ኦሮምኛ ተናጋሪ የህወሓት ክንፍ ነው !!

ኦነግ ሸኔ ሁሌ በፖለቲካ የሚሸነፍ፣ተመራጭ ሀሳብ የሌለው ቡድን ነው !!

ኦነግ ሸኔ ግልገል ጁንታ ነው !!

ሥለሆነም ህወሓትና ኦነግ ሸኔ በባህርይም፣ በጠባይም፣ በአካሄድም፣ በሞራልም በአንድም በሌላም መንገድ አንድ ናቸው። የሁለቱም መሠረታዊ ዓላማ ፥ በኃይል እና በአመጽ የመንግስትን ስልጣን ተቆናጦ ኢትዮጵያን በሚፈልጓት መልኩ መቅደድና መስፋት ነው።

ይሁንና ፥ ህወሓትና ኦነግ ሸኔ በአሁኑ ሰዓት ትዳር መስርተው አገር ሊያፈርሱ ቢሰናዱም፣ ያልጠበቁት እና ያልገመቱት የእሳት ዱብዳ በላያቸው ላይ ሲወርድባቸው እየተመለከትን እንገኛለን።

እንግዲህ ከዚህ በኋላ መንግስት በእነዚህ እኩያን ኃይላት ላይ አንድ የቤት ሥራ ይቀረዋል። ይኸውም ሁለቱንም ጽንፈኞች በአሸባሪነት ዶሴ መዝግቦ፣ድርጅቶቹን በሕግ አፍርሶና ዳግም ወደ ፖለቲካ እንዳይመለሱ ደንግጎ፣  አቋማቸውን ማራመድ፣ መጋራት እንዲሁም ስምና ምልክታቸውን መጠቀም ወንጀል አድርጎ፣ ሀብታቸውን ሙሉ በሙሉ በመውረስ እኩያንን ከምድራችን ማስወገድ ግድ ይለዋል  ።

 

Click to comment

More in ነፃ ሃሳብ

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

  • ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን

    ነፃ ሃሳብ

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤

    By

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ...

Trending

Advertisement News.et Ad
To Top