Connect with us

ለአፍሪካ ፀረ-ሽብር ጥናት ማዕከል ተመራማሪዎች ገለፃ ተሰጠ

ለአፍሪካ ፀረ-ሽብር ጥናት ማዕከል ተመራማሪዎች ገለፃ ተሰጠ
አዲስ ሚዲያ ኔትወርክ

ዜና

ለአፍሪካ ፀረ-ሽብር ጥናት ማዕከል ተመራማሪዎች ገለፃ ተሰጠ

ለአፍሪካ ፀረ-ሽብር ጥናት ማዕከል ተመራማሪዎች ገለፃ ተሰጠ

በአልጀርስ የሚገኘው የአፍሪካ ኀብረት ፀረ-ሽብር ጥናት ማዕከል ተመራማሪዎች በወቅታዊ የኢትዮጵያ መንግሥት ሕግን የማስከበር እርምጃ ዙሪያ በኀዳር 17 ቀን 2013 በሚሲዮኑ በተዘጋጀ ኘሮግራም ሠፊ ገለጻና ውይይት ተካሂዷል፡፡

ገለፃውን የሰጡት የሚሲዮኑ መሪ  አምባሳደር ነብያት ጌታቸው ሲሆኑ፤ የጥናት ማዕከሉ በአፍሪካ ሠላምና ፀጥታ ጉዳዮች ዙሪያ ክትትል የሚያደርግ ተቋም እንደመሆኑ የኢ.ፌ.ዲ.ሪ መንግሥት በትግራይ ክልል እያካሄደ ያለውን የሕግ ማስከበር እንቅስቃሴ ዓላማ፣ በክልሉ የመሸገው የጥፋት ቡድን አባላት በመከላከያ ሰራዊቱ ላይ የወሰዱት የክህደት ጥቃት እርምጃ መሆኑን፣ ሠራዊቱ ባደረገው ዘመቻም በርካታ ይዞታዎችን ነፃ በማውጣት በአሁኑ ወቅት የዘመቻው የመጨረሻ ምዕራፍ ላይ እንደሚገኝ አስረድተዋል፡፡

የመንግሥት ሕግንና ሥርዓትን የማስከበር እንቅስቃሴው አጥፊው ቡድን ላይ ያነጣጠረና የሕወሃት ጁንታም በአጭር ጊዜ ውስጥ ለህግ የሚቀርብና ይህም የመላውን የትግራይ ህዝብና ለኢትዮጵያ ሕዝብ ትልቅ እፎይታ እንደሚሰጥ ገልፀዋል፡፡

ይህ ቡድን ማይካድራ በተባለ አካባቢ ሠላማዊ ዜጐችን መጨፍጨፉንና ይህም ኢ-ሠብዓዊ ድርጊቱ በዓለምአቀፉ የሰብዓዊ መብት ተሟጋች አምነስቲ ኢንተርናሽናል በሃገሪቱ የሰብዓዊ መብት ኮሚሽን ዝርዝር ሪፖርቶች የወጡ መሆኑን ገልፀዋል፡፡

በግጭቱም ምክንያት የተፈናቀሉ ዜጐችን ወደ ተረጋጋ ሕይወት እነዲመለሱ መንግሥት አስፈላጊውን ድጋፍ እያደረገ መሆኑን አስታውቀዋል፡፡

ኢትዮጵያ በአፍሪካ ቀንድ የሠላምና መረጋጋት መልህቅ አገር መሆኗን በቀጠናው ሠላምና መረጋጋት እንዲሰፍን በፀረ-ሠላም ሃይሉ የሚያደርገውን አጥፊ እንቅስቃሴ መንግሥት በቁጥጥር ሥር የማዋል ሙሉ አቅም እንዳለውም አስረድተዋል፡፡

የአፍሪካ ኀብረት ፀረ-ሽብር ጥናት ማዕከል ተመራማሪዎች ጋር በተደረገው ውይይት የቡድኑ አባላት ላነሱት ጥያቄዎች በተሰጣቸው ምላሽ ስለ ሁኔታው ሙሉ ግንዛቤ መጨበጣቸውን እንዳስታወቁ ከዉጭ ጉዳይ ሚኒሰቴር የተገኘዉ መረጃ ያሳያል፡፡(አዲስ ሚዲያ ኔትወርክ)

 

 

Click to comment

More in ዜና

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • #ድሬደዋ #ድሬደዋ

    ዜና

    #ድሬደዋ

    By

    #ድሬደዋ በድሬዳዋ አስተዳደር የኮቪድ-19 ወርሽኝን ለመከላከልና ለመቆጣጠር የወጣውን መመሪያ በማያከብሩ ላይ አስፈላጊው ህጋዊ እርምጃ ይወሰዳል ተባለ፡፡...

  • የአፋር ክልል ምላሽ የአፋር ክልል ምላሽ

    ዜና

    የአፋር ክልል ምላሽ

    By

    የአፋር ክልል ምላሽ የአፋር ክልል መንግስት ንጹሀንን እየገደለና እያፈናቀለ ነው ሲል የሱማሌ ክልል ያወጣው መግለጫ ጥፋተኝነትን...

  • ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት - ቀዳሚ ሙፍቲ ሐጅ ዑመር እድሪስ ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት - ቀዳሚ ሙፍቲ ሐጅ ዑመር እድሪስ

    ዜና

    ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት – ቀዳሚ ሙፍቲ ሐጅ ዑመር እድሪስ

    By

    ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት – ተቀዳሚ ሙፍቲ ሐጅ ዑመር...

  • ብፁዕ አቡነ አረጋዊ (ዶ/ር) የኮሮና መከላከያ ክትባት ተከተቡ ብፁዕ አቡነ አረጋዊ (ዶ/ር) የኮሮና መከላከያ ክትባት ተከተቡ

    ዜና

    ብፁዕ አቡነ አረጋዊ (ዶ/ር)  የኮሮና መከላከያ ክትባት ተከተቡ

    By

    ብፁዕ አቡነ አረጋዊ (ዶ/ር)  የኮሮና መከላከያ ክትባት ተከተቡ በኢትዮጵያ ኦርቶዶክስ ተዋሕዶ ቤተክርስቲያን የብፁዕ ወቅዱስ ፓትርያርክ ልዩ...

Trending

Advertisement News.et Ad
To Top