Connect with us

“ለደቂቃም ቢሆን የፍርድ ቤት ትዕዛዝ ተፈፅሞ ነፃነቴን ባገኝና እንደገና ብታሰር ግድ የለኝም” አቶ ልደቱ አያሌው

"ለአንድ ደቂቃም ቢሆን የፍርድ ቤት ትዕዛዝ ተፈፅሞ ነፃነቴን ባገኝና እንደገና ብታሰር ግድ የለኝም"
Photo: Social media

ነፃ ሃሳብ

“ለደቂቃም ቢሆን የፍርድ ቤት ትዕዛዝ ተፈፅሞ ነፃነቴን ባገኝና እንደገና ብታሰር ግድ የለኝም” አቶ ልደቱ አያሌው

“ለአንድ ደቂቃም ቢሆን የፍርድ ቤት ትዕዛዝ ተፈፅሞ ነፃነቴን ባገኝና እንደገና ብታሰር ግድ የለኝም”

አቶ ልደቱ አያሌው፤ መስከረም 28 ቀን 2013 ዓ.ም በችሎት ላይ ከተናገሩት…

“በአጠቃላይ እጄ በፖሊስ ቁጥጥር ስር ከዋለበት ቀን ጀምሮ እስከዛሬ ድረስ የታየው ሂደት የሚያሳየው ህግ አስፈፃሚው አካል በእኔ ላይ የፈጠራ ክሶችን በማቅረብ፣ በጊዜ ቀጠሮ በማጉላላት፣ የዋስትና መብቴን ያለ አግባብ በመከልከልና ይባስ ብሎም የፍርድ ቤቶችን ትዕዛዝ ባለማክበርና በመጣስ እኔን በእስር ቤት ለረዥም ጊዜ ለማቆየት እየጣረ መሆኑን ነው፡፡

ክቡር ፍርድ ቤት፣ እኔ ለህግ የበላይነት ከፍተኛ እምነት ያለኝና ለችሎት እና ለዳኞች ከፍተኛ አክብሮት ያለኝ ሰው ነኝ፡፡ ምክንያቱም ከዚህ ቀደም የፖለቲካ ሰዎች፣ በፖለቲካ አመለካከቴ ምክንያት አምስት ጊዜ አስረውኝ አምስት ጊዜ የፈቱኝ ደግሞ ዳኞችና የፍርድ ቤት ችሎቶች ናችው፡፡ አሁን ግን የፍርድ ቤቶች ትዕዛዝ አለመከበር በጣም አሳስቦኛል፡፡ ያሳሰበኝ ችግሩ በእኔ ላይ መፈጠሩ ሳይሆን የፍርድ ቤት ትዕዛዝ የማይከበርበት አንድ አገር፣ አገር አይደለም ብዬ ስለማምን ነው፡፡

እኔ አንድ ሰው ነኝ፣ ከማንም የበለጠ መብት የለኝም፡፡ ይህ የፍርድ ቤት ትዕዛዝ ያለመከበር ጉዳይ ግን የእኔ የግል ጉዳይ ሳይሆን የአገር እና የስርዓት ጉዳይ ነው፡፡ ክስ እየፈጠረ መብቴን የሚጥሰው አካል መቼም ቢሆን አዲስ ክስ እየፈጠረ መብቴን ሊገፈው እንደሚችል አውቃለሁ፡፡ ማንኛውንም ዋጋ ለመክፈል የተዘጋጀሁ የፖለቲካ ሰው ስለሆንኩ ይህ መሆኑ ቅንጣት አያሳስበኝም፡፡ 

ከሁሉም በላይ የሚያሳስበኝ የፍርድ ቤት ትዕዛዝ አለመከበሩ ነውና ለአንድ ደቂቃም ቢሆን የፍርድ ቤት ትዕዛዝ ተፈፅሞ ነፃነቴን ባገኝና እንደገና ብታሰር ግድ የለኝም፡፡ 

እኔ የፖለቲካ እስረኛ ነኝ፡፡ የታሰርኩትም የፖለቲካ አመለካከቴ ለህዝብ እንዳይቀርብ ስለተፈለገ ነው፡፡ በእኔ ላይ ይህ መድረሱ ምንም አያስደንቀኝም፡፡ እኔ ላይ ሲደርስ መንግስት ጥሩና የህግ የበላይነትን የሚያከብር ሊሆን አይችልምና፡፡ የራሱ እንድ ተቋም የሆነውን የፍርድ ቤት ትዕዛዝ አልቀበልም ማለቱ ግን ከልቤ አሳስቦኛል፡፡ የሚከበር ፍርድ ቤት ከሌለ አገር የለምና፡፡ 

ስለዚህ ክቡር ፍርድ ቤቱ ያለምንም ተጨማሪ ትዕዛዝ ከዚሁ በችሎቱ ፊት ሊለቀኝና መብቴን ሊያስከብርልኝ ይገባል፡፡ በዚህ ጉዳይ ላይ ቀጠሮ መስጠት ዞሮ ዞሮ እኔን ያለ በቂ ምክንያት በእስር ቤት ለማቆየት እየጣረ ላለው ሃይል በተዘዋዋሪ ተባባሪ መሆን ነውና፡፡ ይህ ጉዳይ የእኔ የአንድ ዜጋ ጉዳይ ሳይሆን፣ የህገ-መንግስት፣ የአገርና የህዝብ ጉዳይ ነው፡፡ የፍርድ ቤቱ ትዕዛዝ እንዲፈፀም ለማድረግ ፍርድ ቤቱ የእኔን ሳይሆን የራሱን ስልጣን ሲያስከብር ማየት እፈልጋለሁ፡፡

አመሰግናለሁ”(ምንጭ:- ኢዴፓ)

 

Click to comment

More in ነፃ ሃሳብ

  • የሚያዚያ የታሪክ ኩነቶች-እስከ መቅደላ መስዋዕትነት የሚያዚያ የታሪክ ኩነቶች-እስከ መቅደላ መስዋዕትነት

    ባህልና ታሪክ

    የሚያዚያ የታሪክ ኩነቶች-እስከ መቅደላ መስዋዕትነት

    By

    የሚያዚያ የታሪክ ኩነቶች-እስከ መቅደላ መስዋዕትነት (ተጓዡ ጋዜጠኛ ሄኖክ ስዩም የወርሃ ሚያዚያ ኩነቶችን ከታሪካችን ትዝታዎች እየጨለፈ እስከ...

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

To Top