በቻይና ጂያንግሱ ግዛት የምትገኘው ኩንሻን ከተማ ለድሬዳዋ ከተማ …

ድሬዳዋ ከተማ ኮቪድ-19ን ለመከላከል የሚያግዙ የሕክምና መሣሪያዎችን ከቻይናዋ የኩንሻን ከተማ በድጋፍ አገኘች

በቻይና ጂያንግሱ ግዛት የምትገኘው ኩንሻን ከተማ ኮቪድ-19ን ለመከላከል የሚያግዙ የሕክምና መሣሪያዎችን ለድሬዳዋ ከተማ አበርክታለች።

የሕክምና መሣሪያዎቹ በአጠቃላይ 70 ሺህ የአሜሪካ ዶላር የሚያወጡ አምስት አጋዥ መተንፈሻዎች (ቬንትሌተሮች)፣ 50 ሺህ ለአንድ ጊዜ የሚያገለግሉ ጭምብሎች፣ 5 ሺህ 120 KN95 ጭምብሎች እና 600 የሐኪሞች መከላከያ ልብሶች እንደሆኑ ተነግሯል።

የድሬዳዋ ከተማ ከንቲባ አህመድ ቡህ፣ ድጋፉ ዓለም አቀፉን ወረርሽኝ ለመከላከል የሚያግዝ ወቅቱን የጠበቀ ድጋፍ መሆኑን በሕክምና መሣሪያዎቹ ርክክብ ሥነ-ሥርዓት ላይ ተናግረዋል።

ድሬዳዋ እና ኩንሻን ከተሞች ወዳጅነት የመሠረቱት እ.አ.አ በ2018 ሲሆን በተለያዩ ፕሮከጅቶች ሥራ ላይ በትብብር እየሠሩ ነው ሲል ሽንዋ ዘግቧል።