Connect with us

የጨርቅ ማስክ አስፈላጊነት…

የጨርቅ ማስክ አስፈላጊነት...
Photo: Social media

ነፃ ሃሳብ

የጨርቅ ማስክ አስፈላጊነት…

የጨርቅ ማስክ አስፈላጊነት… | (ቅዱስ መሀሉ)

የአሜሪካ የበሽታ መከላከያ እና ቁጥጥር መስሪያ ቤት(ሲዲሲ) ቀደም ሲል ሃኪሞች ወይም በሳንባ ቆልፍ የተጠረጠሩ ወይም እነሱን የሚያስታሙ ሰዎች ብቻ ማስክ ይጠቀሙ ይል የነበረውን መመሪያ ሰርዞ ዛሬ ሁሉም አሜሪካዊ የጨርቅ ማስክ እንዲጠቅም በማለት አሻሽሎታል። የጨርቅ ማስክ አስፈላጊነት አሁን በደንብ ሁሉም እየተናገረው ነው።

እኔም የሚታጠብ የጨርቅ ማስክ የሳንባ ቆልፍ በሽታ እንዳይዛመት በተለይ በኢትዮጵያ ሁኔታ ወሳኝ መሆኑን እና ከሌሎች አማራጭ መፍትሄዎች አንጻር በመመዘን ገልጫለሁ።

አሁንም መንግስት ግራ ከመጋባት እና ከጥድፊያ ወጥቶ የሚፈለገውን ሁሉ ሳይሆን ከመፍትሄዎቹ ውስጥ በውስን አቅም ከፍተኛ ውጤት ሊያመጡ የሚችሉት ላይ ብቻ ማተኮር አለበት። ማስክ በከፍተኛ ሁኔታ የበሽታውን ስርጭት፣ ኢኮኖሚያዊ ኪሳራን እና ማህበራዊ ምስቅልቅልን ይታደጋል። የጨርቃ ጨርቅ ፋብሪካ ያለባቸው ከተሞች ደግሞ በራሳቸው ወጭ ለከተማው ህዝብ እና በዙሪያው ላለው አካባቢ ነዋሪዎች የሚታጠብ የጨርቅ ማስክ አምርተው ማህበራዊ ግዴታቸውን በዚህ በክፉ ቀን ሊወጡ እና ከህዝብ ጋር ሊቆሙ የግድ ነው።

ለምሳሌ የባህር ዳር ጨርቃ ጨርቅ ፋብሪካ፣ የኮምቦልቻ ጨርቃ ጨርቅ ፋብሪካ፣ የአዋሳ ጨርቃ ጨርቅ ፋብሪ፣ የአዲ ግራት ጨርቃ ጨርቅ ፋብሪካ፣ የአርባ ምንጭ ጨርቃ ጨርቅ ፋብሪካ ወዘተ በየአካባቢው ያሉ ፋብሪካዎች ለህዝቡ በፍጥነት አምርተው የፋብሪካዎቹ በዚያ መገኘት በዚህ ክፉ ቀን ለህዝቡ ሊኖራቸው የሚችለውን ጥቅም በተግባር ማሳየት ይኖርባቸዋል።

የጨርቃ ጨርቅ ፋብሪካ በሌለባቸው ስፍራዎች የሚገኙ ሌሎች ፋብሪካዎች እና አምራች ድርጅቶች ደግሞ ቢያንስ ፋብሪካ እና ምርታቸን ለሚያመርቱበት አካባቢ ህዝብ የሚታጠብ የጨርቅ ማስክ አስመርተው በነጻ እንዲከፋፈል ማድረግ አለባቸው።

መንግስት ደግሞ የጨርቃ ጨርቅ ፋብሪካዎች ለህዝብ ሲሉ በሚገቡበት አዲስ ምርት ተጨማሪ ወጭ እና ስራ ለሚጠብቃቸው የጨርቃ ጨርቅ ፋብሪካዎች ማበረታቻ በዚህ ረገድ የሚያወጡትን ወጭ ታሳቢ ያደረገ የግብር ቅነሳ በማድረግ በፍጥነት ለሁሉም ኢትዮጵያዊያን የሚበቃ ምርት እንዲመረት ማድረግ ይኖርበታል።

ከዚህ በተጨማሪ አስፋልት ላይ ኬሚካል የሚረጩ ከተሞች ከሚገኘው ውጤት አንጻር ይህ ድርጊታቸው ውስን የኢኮኖሚ አቅምን ማባከን እንደሆነ ተረድተው በጀቱን ለሚገኙበት አካባቢ ህዝብ አፍና አፍንጫ መሸፈኛ የጨርቅ ማስክ በማስመረት ለህዝቡ በነጻ ቢያከፋፍሉ መልካም ነው።እንዴት ሊከፋፈል እንደሚችል እኔ በጽሁፎቼ አንዳንዱን መንገድ ጠቁሚያለሁ።

ርጭት ማከናወን ካስፈለገ መደረግ ያለበት አስፋልት ላይ ሳይሆን ሰዎች ቀን ቀን የሚበዙበት እንደ መናከሪያ እና ገበያዎች ያሉ ስፍራዎች ሲሆኑ እሱም ማታ ሰዎች ወደየ ቤታቸው ከገቡ እንጅ በቀትር ሰዎች እየተንቀሳቀሱ መሆን የለበትም። በዚህ ረገድ የሚረጨው ነገር ውህድ ውሎ አድሮም ሰዎችን እንደማይጎዳ በአካባቢ ጥበቃ እና በጤና ጥበቃ በባለሙያዎች ሊረጋገጥ ይገባል።

ከሳንባ ቆልፍ ወረርሽኝ አደጋ የሚያወጣን ኢትዮጵያዊ መፍትሄ ብቻ ነው። ፈረንጆቹ መፍትሄ የሚሉትን በሙሉ ኮፒ ፔስት ለማድረግ ከሞከረን ማድረግ የምንችለውንም ሳናደርግ ያለችንን አቅም አሟጠን ጨርሰን እንዲሁ ባክነን እንቀራለን። ያን ማድረግ የለብንም። ያን ካደረግን ከሳንባ ቆልፉ በፊት ብዙ ህይወትን የሚቆልፉ ማህበራዊ ምስቅልቅልን የሚያነግሱ፣ ኢኮኖሚያዊ እና ሰብዓዊ ውጥንቅጦች ቀድመው ሊከሰቱ ስለሚችሉ በደንብ ይታሰብበት ለማለት ነው!!

Click to comment

More in ነፃ ሃሳብ

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

  • ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን

    ነፃ ሃሳብ

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤

    By

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ...

Trending

Advertisement News.et Ad
To Top