ከ3 እስከ 5 ቀናት ውሀ የሚቋረጥባቸው አካባቢዎች

በአዲስ አበባ ውሃና ፍሳሽ ባለስልጣን ከአቃቂ ጥልቅ ጉድጓዶች ወደ ከተማ ውሃ ይዞ የሚመጣው 800 ሚሊ ሜትር ከባድ የውሃ መስመር በድጋሚ ስብራት አጋጥሟል፡፡

ስብራቱም በለቡ አካባቢ ያጋጠመ ሲሆን ጥገና ለማከናወን ከ3 አስከ 5 ቀን ይወስዳል ።

በመሆኑም  ማለትም ከመጋቢት 21 ጀምሮ እስከ መጋቢት 25 /2012 ዓ.ም ድረስ መስመሩ ተዘግቶ ጥገና የሚከናወን በመሆኑ ፤ ከታች በተገለጹ ወረዳዎች ውሃ ይቋረጣል ፡፡

ኮልፌ ቀራንዮ ክ/ከተማ ከወረዳ 6 እስከ 15፣
አዲስ ከተማ ክ/ከተማ ከወረዳ 1 እከ 10፣
ጉለሌ ክ/ከተማ ከወረዳ 7 እስከ 10 እንዲሁም
ልደታ ክ/ከተማ ወረዳ 2 በሙሉ እና በከፊል ከ3 አስከ 5 ቀን ላላነሰ ጊዜ የውሃ አቅርቦት ይቋረጣል፡፡

ባለስልጣኑ የተሰበረውን ከፍተኛ የውሃ መስመር በአጭር ጊዜ ለመጠገን ከፍተኛ ጥረት እያደረገ ያለ ሲሆን መደበኛ የሆነው የውሃ ስርጭት እስኪስተካከል በአለም ባንክ፣ ወይብላ እና ኬ3 ተብሎ በሚጠሩት ማጠራቀሚያዋች ውሃን በቦቴ አመላልሶ በመሙላት እና ለህብረተሰቡ ለማሰራጨት ጥረት የሚደረግ መሆኑን እየገለፅን ፤በዚህ አጋጣሚ በተጠቀሱት አካባቢዎች የውሃ እጥረት ቢከሰት ደንበኞቹ ችግሩን ተረድተው እንዲታገሱት በትህትና እንጠይቃለን ሲል

የአዲስ አበባ ውሃና ፍሳሽ ባለስልጣን ማሳሰቢያ ሰጥቷል።