በድንገተኛ ናዳ የጣርማ በር መንገድ ተዘጋ

በድንገተኛ ናዳ ምክንያት የተዘጋውን የጣርማበር መንገድ ለትራፊክ ክፍት ለማድረግ ርብርብ እየተደረገ ነው።

በአካባቢው በጣለው ከፍተኛ ዝናብ ሳብያ ጣርማበር አካባቢ የመሬት ናዳ ተከስቶ መንገዱን በመዝጋቱ ትራንስፖርቱ ተቋርጧል። በአሁን ሰአት የተዘጋውን መንገድ ለመክፈት የኢትዮጵያ ኮንስትራክሽን ስራዎች ቦታው ላይ ማሽኖችን አሰማርቶ እንቅስቃሴ እያደረገ ይገኛል።

ከሁለት ሰአታት በኋላም የተዘጋውን መንገድ ክፍት እንደሚደረግና መደበኛ የትራንስፖርቱ እንደሚጀመር የኢትዮጵያ መንገዶች ባለስልጣን የኮምኒኬሽን ዳይሬክቶሬት ይገልጻል።

አሽከርካሪዎችም መንገዱ እስኪከፈት በትእግስት እንዲጠባበቁ የባለስልጣኑ መ/ቤት ትብብራችሁን ይጠይቃል።