Connect with us

“የፋይናንስ ተቋማት ሚና ለቱሪዝም እድገት” በሚል ኃሳብ የተዘጋጀ የውይይት መድረክ ተካሄደ

"የፋይናንስ ተቋማት ሚና ለቱሪዝም እድገት" በሚል ኃሳብ የተዘጋጀ የውይይት መድረክ ተካሄደ
ባህልና ቱሪዝም ሚ/ር

ዜና

“የፋይናንስ ተቋማት ሚና ለቱሪዝም እድገት” በሚል ኃሳብ የተዘጋጀ የውይይት መድረክ ተካሄደ

“የፋይናንስ ተቋማት ሚና ለቱሪዝም እድገት” በሚል ኃሳብ የተዘጋጀ የውይይት መድረክ ተካሄደ

በመርሀ ግብሩ የተገኙት የባህልና ቱሪዝም ሚኒስቴር ሚኒስትር ዶክተር ሂሩት ካሳው ከቅርብ ዓመታት ወዲህ መንግስት ለቱሪዝም ዘርፈ በሰጠው ልዩ ትኩረት እና የግል ዘርፉ የመዳረሻ አከባቢ የሚገኙ መህበረሰቦች እንዲሁም ሌሎች ባለ ድርሻ አካላት እያደረጉ ባለው የተቀናጀ ጥረት ኢንዱስትሪው ጉልህ መሻሻሎችን አሳይቷል ብለዋል።

የቱሪዝሙ ዘርፍ በርካታ መልካም እድሎች ያሉት የመሆኑን ያህል ብዙ ተግዳሮቶች ያሉበት በመሆኑ  ከእነዚህ አንዱ ለዘርፉ የሚሰጡ የብድር አቅርቦቶችና የፋይናንስ ድጋፍ አነስተኛ መሆን እንዲሁም ኢንዱስትሪው በኮረና ወረርሽኝ ምክንያት በዘርፉ ለተሰማሩ ባለሀብቶች፣አገልግሎት ሰጭ ድርጅቶችና ባለሙያዎች ከመቸውም ጊዜ በተለየ ሁኔታ ዘርፉ በርካታ ችግሮችን የተጋፈጡበት ወቅት ላይ እንገኛለን ብለው ይህ ዘርፍ እንዲያንሰራራ ለማድረግ ልዩ ማነቃቂያ ፓኬጅ ነድፎ ተግባራዊ ማድረግ አስፈላጊ ነው ብለዋል።

የዚህ መድረክ ዓላማም በኮቪድ ወረርሽኝ ሳቢያ የተቀዛቀዘውን የቱሪዝም ኢንዱስትሪ ለማነቃቃት እና መልሶ እንዲያገግም ለማስቻል የሚረዱ አቅጣጫዎች እና እርምጃዎች ላይ በመምከር የጋራ መግባባት ለመፍጠር ስለሆነ ትልቅ ፋይዳ ይኖረዋል ብለዋል።

በውይይቱ የተገኙ በዘርፉ የተሰማሩ ባለሀብቶች እንደተናገሩት ዘርፉ በጣም አዋጭ እና በርካታ የሰው ሀይል የያዘ ስለሆነ በዚህ አስቸጋሪ ወቅት የፋይናንስ ተቋማት እንደ ሀገር አብረውን ሊሰሩ ይገባል፤ የፋይናንስ ተቋማት ሌሎች ዘርፎቹን እንደሚደግፉ ሁሉ ይህንን ዘርፍ እኩል መደገፍ አለባቸው፤ከዚህ በፊት በዘርፉ የተሰማሩ ተቋማት ላይ የተጀመረው የእዳ ጊዜ ማራዘሚያ አሁንም ቢራዘም፤የተሰጡ ብድሮች ላይ የወለድ መጥን እንዲቀንስ ቢደረግ፤ከፍተኛ የውጭ ምንዛሬ የሚያመጣ ዘርፍ መሆኑን የፋይናንስ ተቋማት በሚገባ አልተገነዘቡትም ይህንን ሊረዱ ይገባል የሚሉ ሀሳቦች ያነሱ ሲሆን ለእነዚህ እና መሰል ችግሮች መፍትሄ እንዲሰጣቸው ጠይቀዋል።

በውይይቱ የተሳተፉ የፋይናንስ ተቋማት  ተወካዮች እንዳሉት አዋጭ ከሆኑ የስራ አይነቶች  የቱሪዝም መስክ አንዱ ነው፤ ትልቅ ትኩረት ተሰጥቶት መሰራት ያለበት ነው ፤ዘርፉን ትኩረት አድርገን እየሰራን ነው ነገር ግን ከተደራሽነት አንፃር እስከ ታችኛው ተቋማት ድረስ መውረድ አለብን የተሰጡንን አስተያየቶች እንደ ግብዓት በመውሰድ ተግባራዊ እናደርጋለን ብለዋል።

ዘርፉ ተስፋ የምንቆርጥበት ሳይሆን በሚቀጥለው 10 ዓመት ለሀገር ልማት ትልቅ የገቢ ምንጭ የሚሆን ዘርፍ ነው ያሉት በባህልና ቱሪዝም ሚኒስቴር የቱሪዝም ልማት ዘርፍ ሚኒስቴር ዴኤታ ክብርት ቡዜና አልከድር ይህንን ጥናት ላጠኑ የሆቴልና ቱሪዝም ማሰልጠኛ ማዕከል ሰራተኞች እና በዘርፉ ያላችሁ ባለ ድርሻ አካላት ምስጋናቸውን አቅርበው ከፋይናንስ ጋር የተነሱ ጥያቄዎች መፍትሄ እንዲያገኙ ሚኒስቴር መስሪያ ቤቱ አብሮ እንደሚሰራ ተናግረው ይህንን ዘርፍ ለመደገፍ ያስችል ዘንድ የቱሪዝም ፖሊሲ እየከለስን ስለሆነ እነዚህ የተነሱ ችግሮች እና በዘርፉ ያሉ ማነቆዎችን ይህ የምንከልሰው ፖሊሲ መፍትሄ ይሰጣል ብለው ሁሉም ባለ ድርሻ አካላት በመወያየት የዘርፉን ችግር እንፈታለን ብለዋል።(ባህልና ቱሪዝም ሚ/ር)

 

Click to comment

More in ዜና

To Top