Connect with us

ኦነግ ሸኔ በነጭ ሳር ብሔራዊ ፓርክ ውስጥ መመሸጉ ሕገ-ወጦችን መከላከል አላስቻለም

ኦነግ ሸኔ በነጭ ሳር ብሔራዊ ፓርክ ውስጥ መመሸጉ ሕገ-ወጦችን መከላከል አላስቻለም
ሕ/ተ/ም/ቤት

ዜና

ኦነግ ሸኔ በነጭ ሳር ብሔራዊ ፓርክ ውስጥ መመሸጉ ሕገ-ወጦችን መከላከል አላስቻለም

ኦነግ ሸኔ በነጭ ሳር ብሔራዊ ፓርክ ውስጥ መመሸጉ ሕገ-ወጦችን መከላከል አላስቻለም

 የነጭ ሣር ብሄራዊ ፓርክን ወደ ቀደመ ይዞታው ለመመልስ የጋሞ ዞን አስተዳደር  በሕገ-ወጦች ላይ ተገቢውን ሕግ የማስከበር ሥራ ሊሰራ እንደሚገባ በሕዝብ ተወካዮች ምክር ቤት የግብርና ፣ አርብቶ አደርና አካባቢ ጥበቃ ጉዳዮች ቋሚ ኮሚቴ አባልና የቡድኑ አስተባባሪ የተከበሩ ወ/ሮ ቸርነት ኃይለማሪያም አሳስበዋል ፡፡

አስተባባሪዋ  ይህንን ያሳሰቡት  የነጭ ሣር ብሄራዊ ፓርክ ያለበትን ይዞታ አስመልክቶ ቡድኑ  ከጋሞ ዞን አስተዳደር አመራሮች ጋር በነበረው ውይይት ነው ፡፡

ቡድኑ ከአመራሩ ጋር በነበረው ውይይት የፓርኩ መለያ የነበረው   ነጩ ሣር በሕገ-ወጥ ግጦሽ እና ሰደድ እሣት  ምክንያት   እንደጠፋ ወ/ሮ ቸርነት ተናግረዋል ፡፡

 አሁን ላይ ፓርኩ በሰደድ እሣት ፣ በሕገ-ወጥ አደንና በመሬት ወረራ ምክንያት ሕልውናው አደጋ ውስጥ እንደወደቀም አስተባባሪዋ ገልጸዋል  ፡፡

በፓርኩ ውስጥ የሚገኘው የኩልፎ ወንዝ በከፍተኛ መጠን በመሙላቱ የፓርኩ 70 ሄክታር ደን በውሃ እንደተዋጠ እና ድልድዩ በደለል በመዋጡ ምክንያት ፓርኩን ለመጎብኘት የሚመጡ ቱሪስቶች ለከፍተኛ ወጭ እየተዳረጉ እንደሚገኙ ነው ወ/ሮ ቸርነት ያብራሩት ፡፡

በፓርኩ ውስጥ አስፈላጊው የመንገድ ግንባታ ባለመሰራቱ ፓርኩ አስፈላጊውን የቱሪስት  አገልግሎት እየሰጠ እንዳልሆነም አስተበባሪዋ አክለው ገልጸዋል ፡፡

ፓርኩ ያለበትን ይዞታ ለመመልከት ቡድኑ ወደ ፓርኩ ያመራ  ቢሆንም  የኦነግ ሸኔ ቡድን ፓርኩ ውስጥ መመሸጉ እና በቡድኑ ላይ ጥቃት ሊሰነዝር እንደሚችል  በዞኑ ሠላምና ፀጥታ መምሪያ ኃላፊ ስለተነገረው  የኩልፎ ወንዝን ተሻግሮ ወደ ፓርኩ  ምሥራቃዊ እና ምዕራባዊ ኦሮሚያ ክፍል መግባት አልቻለም ፡፡

የፓርኩን ደሕንነት ለማስጠበቅ ከውጭ በመጡ ባለሙያዎች 70 ስካዉቶች መሰልጠናቸው ፣ በኩልፎ ወንዝ መሙላት ምክንያት የተፈናቀሉ የማኅበረሰብ ክፍሎች በፍጥነት ተመልሰው እንዲቋቋሙ መደረጉን እና በፓርኩ ደቡባዊ ክፍል ሕገ-ወጥ ስራዎች እንዳይበራከቱ ሕግ የማስከበር ስራዎች መሰራታቸውን አስተባባሪዋ በጥንካሬ ጠቅሰዋል ፡፡

የጋሞ ዞን የሠላምና ፀጥታ መምሪያ ኃላፊ አቶ ሙናዬ ሞሶሌ  በበኩላቸው  በፓርኩ ምሥራቃዊ እና ምዕራባዊ  ኦሮሚያ  ክፍል የኦነግ ሸኔ ቡድን በመመሸጉ ምክንያት እና ቡድኑ ከአቅማቸው በላይ መሆኑን ጠቁመው . በፓርኩ ውስጥ የሚደረጉ  ሕገ-ወጥ አደኖችን ፣ የመሬት ወረራንና ሕገ–ወጥ ግጦሽን ለመከላከል አዳጋች እንደሆነባቸው ተናግረዋል ፡፡

በፓርኩ ምዕራባዊ የኦሮሚያ  ክፍል ገላና ወረዳ ሦሥት ቀበሌዎች ፓርኩ ውስጥ  ተመስርተው ትምህርት ቤቶችና ቤተ-እምነቶች እንደተሟሉላቸው  አቶ ሙናዬ አስረድተዋል ፡፡

በፓርኩ ምዕራባዊና ምሥራቃዊ የኦሮሚያ ክፍል ሕገ-ወጥ ስራዎች ሲሰሩ ለመከላከል እና ሕገ-ወጦችን ወደ ሕግ ለማቅረብ የምዕራብ ጉጂ ዞን አመራሮች ተባባሪ አለመሆናቸውንም  የመምሪያ ኃላፊው ገልጸዋል ፡፡

በፓርኩ ውስጥ የመሸገው ኦነግ ሸኔ  የሰገንን እና አማሮ ብሄረሰቦችን እያተራመሰ እንደሚገኝም አቶ ሙናዬ አክለው ተናግረው ፣ መንግስት ችግሩን እንዲፈታላቸው ጥሪ አቅርበዋል  ፡፡

የፓርኩን ይዞታ ለማየት የሕዝብ ተወካዮች ምክር ቤት በ 2009 እና በ2011 ዓ.ም. ወደ ፓርኩ መምጣታቸውን የገለጹት የፓርኩ ስራ አስኪያጂ አቶ ሽመላሽ ዘነበ ፣ የፓርኩን ችግር አዳምጠው ከመሄድ ውጭ በጊዜው ተነስቶላቸው ለነበረው ችግር መፍትሄ አለመስጠታቸውን አውስተዋል ፡፡

የፓርኩ ወሰን ባለመካለሉ ምክንያት  በፓርኩ ምዕራባዊ ኦሮሚያ በኩል  ፓርኩ የኦሮሚያ ነው ሚል የባለቤትነት ጥያቄ እየተነሳ እና ከፍተኛ ሕዝብ የማስፈር አዝማሚያዎች  እየተስተዋሉ ስለሆነ የፓርኩ ሕልውና ሳያከትምለት መንግስት ለጉዳዩ ልዩ ትኩረት ሰጥቶ ለችግሩ እልባት እንዲፈልግለት ቡድኑን ተማጽነዋል ፡፡(ሕ/ተ/ም/ቤት)

 

Click to comment

More in ዜና

To Top