Connect with us

የአማራ ብዙኃን-የብዝኃነት መንገድ፤ደግሞም የአንድነት ሸማኔ፡፡አህዳዊ ከሚሉት ቀድሞ ብዝኃነትን ያስተናገደ ሚዲያ፤

የአማራ ብዙኃን-የብዝኃነት መንገድ፤ደግሞም የአንድነት ሸማኔ፡፡አህዳዊ ከሚሉት ቀድሞ ብዝኃነትን ያስተናገደ ሚዲያ፤
Photo: ሄኖክ ስዩም

ነፃ ሃሳብ

የአማራ ብዙኃን-የብዝኃነት መንገድ፤ደግሞም የአንድነት ሸማኔ፡፡አህዳዊ ከሚሉት ቀድሞ ብዝኃነትን ያስተናገደ ሚዲያ፤

የአማራ ብዙኃን-የብዝኃነት መንገድ፤ደግሞም የአንድነት ሸማኔ፡፡አህዳዊ ከሚሉት ቀድሞ ብዝኃነትን ያስተናገደ ሚዲያ፤

 

ከሄኖክ ስዩም

የአማራ ብዙሃን መገናኛ ድርጅት አዲስ አበባ ቀጥታ ስቱዲዮ ምረቃ ላይ ታድሜያለሁ፡፡ አዳራሹ ጥቂት ሰዎች ብቻ ተገኝተውበታል፡፡ አንዱ ነኝ፤ ይኽ በእድሜ ትንሽ በተግባር አንጋፋ የሆነ ሚዲያ የሰራው ይወደሳል፡፡ ዓይኔን ስልክ በራያና በሁመራ ግንባሮች ከሠራዊቱ ጋር ዘምተው የነበሩ የሚዲያው ባለሙያዎችን ተመለከትሁ፡፡ ደግሞም በመድረኩ በህግ ማስከበር ዘመቻው የሚዲያው ቀዳሚ ሚና ይወደስ ነበር፡፡

የአማራ ብዙሃን መገናኛ ድርጅት ሥራ አስኪያጅ አቶ ሙሉቀን ሰጥዬ የተቋሙን ጉዞ ዛሬ ድረስ እንደምን እንደደረሰ ለታዳሚው ገለጹ፡፡ የክልሉ መንግሥትና የሥራ ኃላፊዎች ከትናንት እስከ ዛሬ ለዚህ የመብቃቱ ምክንያቶች መሆናቸውን ገልጸው አመሰገኑ፤ ቁርጠኛ የተቋሙ ቤተሰቦችንም ለዚህ መድረስ መስዋዕት መክፈልን ጭምር ሳይሸሹ ላበረከቱት አስተዋጽኦ አመሰገኑ፡፡

አንዱ የመንግስት አመራር እንዲህ አሉ፤ አማራ ብዙሃን ትህነግን የደፈረው ጥርሷ ሲረግፍ አይደለም፤ ገና ጥርስ እያላትና ሁሉም በሚፈራት ሰዓት የፈጸመችውን ለምን ያለ? የጎንደሩንና የባህር ዳሩን ሰልፍ ከነ አሰቃቂ ጭፍጨፋው የዘገበ፣ ቀድሞ የነቃ ሚዲያ ነው፤ ሲሉ የገቢዎች ሚኒስትር አቶ ላቀ አያሌው ምስክርነታቸውን ሰጡ፡፡

አማራ ብዙሃን ብዙ የሚወደስበት ነገር አለ፡፡ ብዙ ነገር ቢቀረውም፤ ሁሉም ነገር በሚቀራቸው ሚዲያዎች መካከል እንደ ጧፍ ጨለማውን ያበራ ባለውለታ ነው፡፡ እርግጥ ነው ያሙታል፡፡ አቶ ዘርዓይ አስገዶምም አሃዳዊ ብለው ብሮድካስት ባለስልጣንን ሲመሩ አምተውት ነበር፤ ከእሷቸው በርሃ ለብሔር መብት ታግያለሁ ከሚሉት በላይ ግን ለብዝሃ ቋንቋ ቀዳሚው ሚዲያ ነበር፡፡

አሁን በክልሉ በሚገኙ ሁሉም ብሔረሰብ ቋንቋዎች ተደራሽ ሆኗል፡፡ ልዩነትን የሚጠየፍ ሚዲያ አይደለም፡፡ ደግሞ በዚህ የአዲስ አበባ ስቱዲዮ ምረቃ ላይ የክልሉ ርዕሰ መስተዳደርና የሚዲያው የቦርድ ሰብሳቢ አቶ አገኘሁ ተሻገር በሌሎች ቋንቋዎች ሊመጣ እንደሆነ አብስረዋል፡፡

አማራ ብዙሃን መንገድ ላይ ነው፡፡ አፋርኛ፣ ሱማሊኛ፣ አረብኛና ትግርኛ ቋንቋዎችን ቋንቋው አድርጎ ስርጭቱን ይጀምራል፡፡ አንድ ነው እያሉ በአንድ ቋንቋ የሚያሙትን ብዙ ነኝና ብዝሃነትን አከብራለሁ ብሎ የሚነግራቸው በብዙ ቋንቋ ነው፡፡

ከሀገር ውስጥ ሚዲያ ጋር በመተባበር ከዓለም ሚዲያ ጋር በመፎካከር ሩቅ ስለመጓዝ አስቡ ሲል ሙሓዘ ጥበባት ዲያቆን ዳንኤል ክብረት በመርሐ ግብሩ ላይ ሀሳቡን ሰንዝሯል፡፡ የሚዲያው የቦርድ ሰብሳቢም ሀሳቡን ሀሳባችን አድርገን እየሰራን ነው ሲሉ ሩቅ ስለመጓዝ ውጥናቸው ገልጸዋል፡፡ በሀገራችን ዋና ዋና ከተሞች ዘጋቢ እንደሚኖረው የተናገሩት ክቡር አቶ አገኘሁ፤ ደግሞም በዓለም ዋና ዋና ከተሞች ጭምር አማራ ብዙሃን ዘጋቢ እንደሚኖረውና በአጭር ጊዜ ተወዳዳሪነቱን ወደ አህጉር አቀፍ አቅም እንደሚያሳድግ ገልጸዋል፡፡

የቀድሞው የክልሉ ርዕሰ መስተዳድርና የአሁኑ የጠቅላይ ሚኒስትሩ የደህንነት አማካሪ አቶ ገዱ አንዳርጋቸው ከአማራ ብዙሃን የነጻነት ዘገባ ጋር ስማቸው የሚጠራ የሙያ ነጻነቱ አባት የሚባሉ ናቸው፡፡ የክልሉን መሪዎች ሳይቀር የሚሞግት ተክለ ቁመና እንዲኖረው በማድረግም ይመሰገናሉ፤ እሳቸውም የአማራን ህዝብ ከፍታ በሚመጥን መልኩ ሚዲያው ራሱን አብቅቶ እንዲሰራና እንዳይወርድ ጭምር አሳስበዋል፡፡

የአማራ ብዙሃን አዲስ አበባ ስቱዲዮ መንደርደሪያ እንጂ የማቆሚያው ሪቫን አይደለም፡፡ በእኔ ምልከታ ሚዲያው የብዝሃነት መንገድ ነው፡፡ ልዩነት ይስተናገድበታል፡፡ ከሀገሪቱ ብሔራዊ ጣቢ ቀጥሎ ብዙ ቋንቋን የሚጠቀም፤ ገና ብዙ ቋንቋን መጠቀም የሚሻ የብዝሃነት አክባሪ ነው፡፡ ደግሞም የአንድነት ሸማኔ፤ ልዩነታችን የሚፈጥረውን አንድ ውበት የሚያሳይ፤ የአቶ ገዱን ሀሳብ እኔም እጋራዋለኹ፤ “ከከፍታችሁ እንዳትወርዱ!”

 

Click to comment

More in ነፃ ሃሳብ

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

  • ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን

    ነፃ ሃሳብ

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤

    By

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ...

Trending

Advertisement News.et Ad
To Top