Connect with us

የተከበርከው የትግራይ ህዝብ ሆይ፤ ኢትዮጵያን ሲዘርፍ የኖረው ጁንታ በመጨረሻም ትግራይን ዘረፈ፡፡ የእጅ አመል አይለቅም፡፡

የተከበርከው የትግራይ ህዝብ ሆይ፤ ኢትዮጵያን ሲዘርፍ የኖረው ጁንታ በመጨረሻም ትግራይን ዘረፈ፡፡ የእጅ አመል አይለቅም፡፡
FBC

ነፃ ሃሳብ

የተከበርከው የትግራይ ህዝብ ሆይ፤ ኢትዮጵያን ሲዘርፍ የኖረው ጁንታ በመጨረሻም ትግራይን ዘረፈ፡፡ የእጅ አመል አይለቅም፡፡

የተከበርከው የትግራይ ህዝብ ሆይ፤ ኢትዮጵያን ሲዘርፍ የኖረው ጁንታ በመጨረሻም ትግራይን ዘረፈ፡፡ የእጅ አመል አይለቅም፡፡

ከስናፍቅሽ አዲስ

ሰሞኑን የዲጂታል ወያኔ የውጪው ዓለምና ስም ቀያሬ የአዲስ አበባ አርበኞች በማኅበራዊ ሚዲያ ትግራይ በመከላከያ ሠራዊቱ እንደተዘረፈች ለማሳመን ሲደክሙ ይታያል፡፡ የኢትዮጵያ መከላከያ ሠራዊት እንኳን በሀገሩ የትም ዓለም ሄዶ የማይታማው በእጅ አመል ነው፡፡ ይልቁንስ በእጅ አመል ስናማው ብቻ ሳይሆን ያደረገውን አረጋግጠን ስንሞግተው የነበረ ጁንታ ተግባሩ ይታወቃል፡፡

የማኅበራዊ ሚዲያው አርበኞች የትግራይ ህዝብ እንደተዘረፈ ሊያሳምኑን ይሞክራሉ በር ሳይቀር ገንጥሎ ወሰደ አልጋ ጫነ ይሉናል፡፡ ቁሳቁስ የገዛውማ ቢሆን ለጁንታው ተገዝቶ እናት ሀገሩን ባፈረሰ ነበር፡፡

በሽሬ የነበረውን ደጀና ሆቴል እንደአልነበር አድርጎት የሸሸው ማን እንደሆነ የሽሬ ህዝብ ይመስክር፤ አክሱም ኤርፖርትን አውድሞ ተራ ቁስ ይዞ የፈረጠጠው ጁንታ ቢያንስ የእቃ መግፊያ ጋሪ ለጦርነት እንደማይጠቅም ጠፍቶት አይደለም፡፡ በመቀሌ ብዙ ዝርፊያዎች በማን እንደተሞከረ ነዋሪው የሚያውቀው እውነት ነው፡፡

የተከበርከው የትግራይ ህዝብ፤ ጁንታው ኢትዮጵያን ሲዘርፍ ነበር፤ ሀገሪቷ በአጥንቷ ቀርታ ባዶ ካዝና አስረክቦ ቂምና ጥላቻ ሊያቃባ መቀሌ ቢገባም ሀገር ሳያጠፋ መጥፊያው እውን ሆነ፡፡ ይሄ ቡድን የእጅ አመል አለበት፤ የማይነቅለው የለም፤ ገበሬውን ከቀዬው ነቅሎ ሀገር ለመበተን የደረሰ ጨካኝ ነበር፡፡ አንደርታን ከመሬቱ እንዴት እንደገፋው እንኳን ለመረዳት መቀሌ መኖር ግድ አይልም፡፡

ጁንታው ሲሮጥ እየዘረፈ መሮጥ ባህሉና ጠባዩ ስለሆነ ከአዲስ አበባ መቀሌ ሲገባ እንዳደረገው ከመቀሌ ሸሽቶ ዋሻ ሲገባና በዱር በገደል ሲበተንም የትግራይን ህዝብ ለመበተን ያገኘውን እየዘረፈ ነው፡፡ እውነቱን እያወቅነው መከላከያ ዘረፈ ብሎ ኡኡ ማለቱ ማን ያርዳ የነበረ ያስብለናልና ውሎ አድሮ ሃቁ ፍንትው ይላል፡፡

ጁንታው የእርዳታ እህል ሸጦ ሰው እንደ ቅጠል እየረገፈ መሳሪያ በመግዛት የስልጣን ጉዞውን እውን ስለማድረግ የሚያስብ ነው፡፡ ታሪኩም የሚነግረን ይሄንን ነው፡፡ ትግራይ ልጆችሽ ነን በሚሉት ዳግም ወድማለች፤ ተዘርፋለች፡፡ ትግራይ ጠላትሽ ተብላ በተቀሰቀሰችው ዳግም ትሰራለች፡፡ ድል ለኢትዮጵያና ኢትዮጵያዊነት፤

Click to comment

More in ነፃ ሃሳብ

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

  • ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን

    ነፃ ሃሳብ

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤

    By

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ...

Trending

Advertisement News.et Ad
To Top