Connect with us

ዛሬ የዓለም አቦ ሸማኔዎች ቀን ነው፤ፈጣኖቹ እንስሳት በፍጥነት ከሀገራችን ሳይጠፉ እንታደጋቸው 

ዛሬ የዓለም አቦ ሸማኔዎች ቀን ነው፤ፈጣኖቹ እንስሳት በፍጥነት ከሀገራችን ሳይጠፉ እንታደጋቸው
ተጓዡ ጋዜጠኛ ሄኖክ ስዩም

ነፃ ሃሳብ

ዛሬ የዓለም አቦ ሸማኔዎች ቀን ነው፤ፈጣኖቹ እንስሳት በፍጥነት ከሀገራችን ሳይጠፉ እንታደጋቸው 

ዛሬ የዓለም አቦ ሸማኔዎች ቀን ነው፤ፈጣኖቹ እንስሳት በፍጥነት ከሀገራችን ሳይጠፉ እንታደጋቸው 

(ተጓዡ ጋዜጠኛ ሄኖክ ስዩም)

 በየዓመቱ በዛሬው ቀን የሚከበረውን ዓለም አቀፍ የአቦ ሸማኔዎች ቀን አስመልክቶ ፈጣኖቹን እንስሳት እንታደግ ሲል የጥፋት ምክንያታቸውንና ዓለም አቀፍ እውነታቸውን እንዲህ ይተርክልናል፡፡)

(ከሄኖክ ስዩም በድሬ ቲዩብ)

ዓለም የስልጣኔው ጫፍ ደርሶም ከተፈጥሮ መታረቁ ከብዶታል፡፡ የስልጣኔ ድካም ፍሬውን እንዳይበላ ያወደመው ተፈጥሮ እያወደመ አሰቃይቶታል፡፡ በዚህ ጥፋት በበዛበት ዓለም ለመጥፋት ከደረሱት አውሬዎች አንዱ አቦ ሸማኔ ነው፡፡

አቦ ሸማኔ የዓለም ፈጣኑ ሯጭ እንስሳ ነው፡፡ የብስ ላይ አድኖ ከሚበላ ፍጥረት ማንስ እንደ እሱ ይሮጣል የተባለለት፡፡ ፈጣኑ እንሰሳ በፍጥነት ከምድራችን እየጠፋ ነው፡፡ እንደ መንግስታቱ ድርጅት ሪፖርት በመላው ዓለም ዱር ውስጥ የሚገኘው የአቦ ሸማኔ ቁጥር ሰባት ሺህ ገዳማ ነው፡፡

ቀድሞ ከመካከለኛው ምሥራቅ እስከ ሕንድ ጫፍ የትምና ማንም የሚያውቀው፤ በአፍሪቃ ሜዳዎች የሚምዘገዘገው አቦ ሸማኔ ዛሬ በዓለም ከፍተኛና እጅግ አሳሳቢ በኾነ ደረጃ የመጥፋት አደጋ የተጋረጠበት ዝርዝር ውስጥ የገባ እንሰሳ ተብሏል፡፡

ህንድ አቦ ሸማኔዋን ያጣችው በአንድ ጎልማሳ እድሜ ነው፡፡ አፍሪቃም እንዲሁ ከቀን ቀን የአቦ ሸማኔዋን መጠን ወደ አለመኖር እየወሰደችው እንደሆነ የአቦ ሸማኔ ጥበቃ ዓለም አቀፍ ተቋም መረጃ ያመላክታል፡፡

በሰዓት 120 ኪሎ ሜትር የሚሮጠው አቦ ሸማኔ በፍጥነት በሚሮጥበት ክስተት ውስጥ እንደ አሞራ ምድር ለቆ የሚቀዝፍ መሆኑ ልዩ ያደርገዋል፡፡ የእንባ መውረጃ በመሰሉ ጥቁር ከዓይኖቹ ወደ ከንፈሩ በሚወርዱ መስመሮች ከቤተሰቦቹ በቀላሉ የሚለየው ፍጥረት በኢትዮጵያ በከፍተኛ ደረጃ እየጠፋ ያለ እንሰሳም ነው፡፡

ቀደምት የኢትዮጵያ አባቶች በአቦ ሸማኔ ጥበቃ ከዓለም ረቀቅ ያለ ስልትን ጭምር የሚከተሉ እንደነበር ሰነዶች ይነግሩናል፡፡ በተለይም ከቅዱሳን አባቶች መንፈሳዊ ተጋድሎ ጋር ተያይዞ አቦ ሸማኔ የሚገደል እንስሳ ሳይሆን የአባቶች የታጋድሎ አጋር እንደሆነ አንብበናል፡፡ 

ከቅዱሳኑ ጋር ሳይቀር መነጋገር ይችል እንደነበር የሚነግሩን ገድሎች ዛሬ ዓለም ጭምር ፈተና ውስጥ ከገባበት የጥበቃ ስራው ጋር ስናነጻጽረው ብዙ የምንማርበት ይሆናል፡፡

የአቦ ሸማኔ የጥፋት ምክንያት ከሚባሉት ውስጥ ከሰው ጋር የሚገባበት ግጭት አንዱ ነው፡፡ ያም ቢኾን የሰው ልጅ ከተፈጥሮ ከመታረቅ ስልጣኔውንና ንቃቱን ተጠቅሞ የሚያደርሰው ጥቃት ውጤት ነው፡፡ ሌላው ደግሞ መኖሪያውን ማሳጣት ነው፡፡ 

የከተማ መስፋፋት፣ የአረንጓዴ ኢኮኖሚ አለመገንባት፣ የተፈጥሮ ጥበቃ ባህል መውደቅና መሰል ተግባራት በአቦ ሸማኔዎች መኖሪያ ላይ ጉዳት ሲያደርስ አብሮ የሚጎዳው ፍጥረት ቁጥሩ እየቀነሰ መጥፋት አፋፍ ደረሰ፡፡

ደግሞ የመካከለኛው ምስራቅ ሁሉን በገንዘብ የመግዛት በሽታ የአፍሪቃ አቦ ሸማኔዎች ከነ ሕይወታቸው እንዲሸጡ ሌላ የዚህ ዘመን ምክንያት ኾነ፡፡ የዚህም ውጤት በአያያዝና በጉዞ ወቅት ከሚሞተው ቁጥር በላቀ ድርጊቱ እንደ ገቢ ምንጭ የሚጠቀመው አዳኝ የአቦ ሸማኔ ጥፋት ማስፈጸሚያ ለመሆን በቃ፡፡ 

ህገ ወጥ አደኑና ውጤቱን ለመጠቀም መፈለጉም ሌላው ምክንያት ነው፡፡ ይኼ ሁሉ ተዳምሮ ግን አሁን አቦ ሸማኔ ዓለምን ያስጨነቀ የስስት ተፈጥሮ እስከመሆን ደርሷል፡፡ የራሳችንን አቦ ሸማኔዎች ስንታደግ፤ የዓለምን እንታደገለንና፤ ትኩረት ለአቦ ሸማኔ፡፡

 

Click to comment

More in ነፃ ሃሳብ

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

  • ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን

    ነፃ ሃሳብ

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤

    By

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ...

Trending

Advertisement News.et Ad
To Top