Connect with us

ህወሓቶች ያበቃላቸው የሰሜን እዝን የተተናኮሉ ቀን ነው

ህወሓቶች ያበቃላቸው የሰሜን እዝን የተተናኮሉ ቀን ነው
Photo: Social media

ነፃ ሃሳብ

ህወሓቶች ያበቃላቸው የሰሜን እዝን የተተናኮሉ ቀን ነው

ህወሓቶች ያበቃላቸው የሰሜን እዝን የተተናኮሉ ቀን ነው

(እሱባለው ካሳ)

ዶ/ር ዐብይ አህመድ እድለኛ ነው፡፡ ሁሌም ለወዳጆቼ የምናገረው ቃል ነው፡፡ አሁን ማን ይሙት ሕወሓት ተንቀልቅላ የሰሜን እዝ ጦር በተኛበት ግፍ ባትፈጽምበት ኖሮ ዶ/ር ዐብይ ህወሓት ላይ ጦር ለማዝመት ይቸገር እንደነበር ስንቶቻችን እናውቃለን?

ለምን? እንዴት?… የሚሉ ጥያቄዎች እንደሚጎርፉ እጠብቃለሁ፡፡ አዎ! የጦር ሀይሎች ጠቅላይ አዛዥ ዶ/ር ዐብይ ህወሓት የፖለቲካ ልዩነት በማንጸባረቋ እና አንዳንድ ሴራዎችን በህቡዕ ስትጎነጉን በመዋልዋ ብቻ ጦር ላዝምት ቢል እንደአሁኑ ሳር ቅጠሉ ሊደግፈው አይችልም ነበር፡፡ ምናልባትም በሀገር ውስጥ የተሟላ ድጋፍ አለማግኘት ከባድ ዋጋ ሊያስከፍለው ይችልም ነበር፡፡ ግን እሱ ዕድለኛ ነው፡፡ በእርግጥም እናቱም መርቃዋለች፡፡

ህወሓት በጥጋብ መንፈስ ውስጥ ሆና ከባድ ማኖ ነካች፡፡ የሰራችው የክህደት ወንጀል የኢትዮጽያ ሕዝብን በእሷ የቁልምጫ ቃል ብሔር ብሔረሰቦችን በአንድ አሰለፈባት፡፡ የክፋት እርምጃዋ አይጥ ለአመልዋ የድመት አፍንጫን ታሸታለች የሚለውን ሀገርኛ ብሂል የሚያስታውስ ነው፡፡

 እነዶ/ር ደብረጽዮን በአንድ በኩል “በሰሜን እዝ ላይ ጥቃት አልፈጸምንም፣ የተቃጣብን ጥቃት መከትን፣ራሳችን ተከላከልን እንጂ” የሚል ወሬያቸው ከአየር ላይ ሳይተን የቀድሞ የአብዮታዊ ዴሞክራሲ ጋዜጣ ዋና አዘጋጅ አቶ ሴኮቱሬ ጌታቸው “መብረቃዊ እርምጃ” ወሰድን ብለው ወራሪነታቸውን አወጁ፡፡ ድንበር ጠባቂ ወታደርን በገዛ ወገኑ በተኛበት መውጋት እጅግ የከፋ ክህደትና ነውር በመሆኑ ዓለም ጭምር አዘነ፡፡

ይኸ በህወሓት አንደበት የተረጋገጠው የክህደት ወንጀል በመጀመሪያ ደረጃ ጦር ሰራዊቱን አስቆጣ፣ ቀጠለናም ሕዝቡን አስቆጣ፣ የፖለቲካ ፓርቲዎችንም በንዴት አንጨረጨረ፡፡ እናም የቁጭትና የተጠቃን ስሜት ከዳር እስከዳር ተቀጣጠለ፡፡ ወዳጄ ይህ ስሜት ሰሞኑን ለሰራዊቱ ክብር ለመስጠት በአርቲስቶች አነሳሽነት በተዘጋጀ አጭር ፕሮግራም ላይ ተንጸባርቆ ያየኸው ነው፤ የታዘብከው ነው፡፡ ምን ይኸ ብቻ፤ ሕዝቡ ከጥግ እስከጥግ የገንዘብና የአይነት (በሬና በጉ) በፍቃደኝነት ወደሰራዊቱ እያጎረፈ ያለው ቁጭቱ በፈጠረው ስሜት ተነሳስቶ ነው፡፡

ሌላም ልጨምርልህ፡፡ ዓለም አቀፍ ማህበረሰብ ከእንዲህ ዓይነት አፈንጋጭና ከሀዲ ቡድን ጎን ቆሞ መታየትን አይፈልግም፡፡ እንዲህ ዓይነቱ የክህደት ወንጀል መንግስታት በቀጥታም ይሁን በተዘዋዋሪ እውቅና መስጠት አይፈልጉም፡፡ ለዚህም ነው፤ የተባበሩት መንግስታት የጸጥታ ምክርቤት ሳይቀር በኢትዮጵያ የውስጥ ጉዳይ ለመነጋገር ተሰብስቦ ምንም ማለት ሳይችል የቀረው፡፡

ህወሓቶች “ጦርነት ባህላዊ ጨዋታችን ነው” ብለው ያዙን ልቀቁን እንዳላሉ ዛሬ የፌዴራል መንግስቱን ጠንካራ ጡጫ ሲቀምሱ አማልዱኝ ለማለት ያልረገጡት ደጃፍ፣ ያላንኳኩት በር፣ ተሰልፈው ያልጮኹበት የሰው ሀገር የለም፡፡ የግፍ ጽዋ ሞልቷልና የሁሉንም ምላሽ እንደቴሌዋ ሴትዮ “ጥሪ አይቀበልም” ሆነ፡፡

እናም በአጭሩ የህወሓት ነገር የሙት ፋይል ሆኗል፡፡ ህወሓቶች ፈጥነው በለኮሱት እሳት እየተለበለቡ ወደተማሰላቸው ጉድጓድ ቀስ በቀስ እያዘገሙ ነው፡፡ ከወዲሁ ነፍስ ይማር እንበላቸው፡፡ ነፍስ ይማር!

 

Click to comment

More in ነፃ ሃሳብ

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

  • ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን

    ነፃ ሃሳብ

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤

    By

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ...

Trending

Advertisement News.et Ad
To Top