Connect with us

“ኦነግ ሸኔን እየጠራረግነው ነው” ~ አቶ ሽመልስ አብዲሳ የኦሮሚያ ክልል ኘረዝደንት

ኦነግ ሸኔን እየጠራረግነው ነው ~ አቶ ሽመልስ አብዲሳ የኦሮሚያ ክልል ኘረዝደንት

ዜና

“ኦነግ ሸኔን እየጠራረግነው ነው” ~ አቶ ሽመልስ አብዲሳ የኦሮሚያ ክልል ኘረዝደንት

ኦነግ ሸኔን እየጠራረግነው ነው ~ አቶ ሽመልስ አብዲሳ የኦሮሚያ ክልል ኘረዝደንት

በወቅታዊ ጉዳዮች ላይ የኦሮሚያ ብሄራዊ ክልላዊ መንግስት ፕሬዚዳንት አቶ ሽመልስ አብዲሳ የተላለፈ መልዕክት።

ህገ ወጡ የወያኔ ጁንታ ቡድን በኢትዮጵያ ብሄር ብሄርሰቦችና ህዝቦች ላይ ከፍተኛ በደል ሲፈጽም እንደነበር ሀገር ያወቀው ጸሃይ የሞቀው ሀቅ ነው። በሀገራችን ለመስማት እንኳን የሚዘገንኑ ሰብዓዊ የመብት ጥሰቶችን፣ የተደራጀ የሀገር ሀብት ዝርፊያ፡ የዜጎች መፈናቀል፣አካል ማጉደል፣ አሰቃቂ ግድያዎችን መፈጸም፣ ባጠቃላይ አሰቃቂ ኢ-ሰብዓዊ የመብት ረገጣ መፈጸም የዚህ ሰው በላና ህገ ወጥ ጁንታ የሰርክ ተግባር እንደነበር ህዝባችን ከማንም በላይ ጠንቅቆ የሚያውቀው ሀቅ ነው።

ዘራፊው፣ከሃዳዊው የወያኔ ጁንታ ህዝቦች ላይ ሲፈጽመው የነበርው የበደል ጽዋ ሞልቶ በመፍሰሱ ህዝቡ በምሬት ከቤቱ ፣ከጫፍ እስከጫፍ ነቅሎ በመውጣት ይሄን ሰው በላ፣ ከሃዲና ዘራፊ ቡድን አንቅሮ በመትፋት ሲታገልው እንደነበር የሚታወቅ ጉዳይ ነው። በህዝቡ ግፊትና በለውጡ አመራር ሳቢነት በሀገራችን በተቀጣጠለውና በተፋፋመው የለውጥ እንቅስቃሴ የጁንታውን መረብ/ኔትወርክ በመበጣጠስ ህዝቡ የባርነት ቀንበሩን ከላዩ ላይ አሽንቀንጥሮ በመጣል ይህን ዘራፊ፣ገዳይና ከሃዲ ጁንታ ለአንዴና ለመጨረሻ ከላዩ በማስወገድ ጥግ እንዲይዝ አድርጓል።

ሆኖም ጁንታው ባለፉት ጊዜያት ሲፈጽማቸው የነበራቸውን በደሎች ለሀገር አንድነትና ሰላም፣ለወንድማማችነት መቻቻል፣ሲባል፡የለውጡ አመራር በሆደ ሰፊነት እና በትዕግስት በማየት/በማለፍ ባለፉት ጊዜያት የተፈጸሙትን እኩይ የቡዱኑ አስከፊና አሰቃቂ በደሎችን ሁሉ በመደመር ዕሳቤና በፍቅር እንዲታከሙ በሰፊው ጥረት ቢደረግም፡ይህን የመንግስትን ታጋሽነት ይህ ከሃዲ ቡድን እንደ ፍርሃት በመቁጠር የሀገር አንድነት ዓርማና የሁሉም ብሄር ብሄረሰቦች መመኪያና ጋሻ የሆነውን ጀግናው የመከለካያ ሰራዊታችን የሰሜን ዕዝ ላይ የፈሪ ዱላ በማሳረፍ ዘግናኝ ጭፍጨፋ በመፈጸም ኢትዮጵያን እና ኢትዮጵያውያንን ከጀርባ ወግቷል።ይሄም በሀገራችን ጥቁር ጠባሳ የሆነ ትልቅ የክህደት ታሪክ ሆኖ ተመዝግቧል።

ይህ ከሃዲ፣ ዘራፊ ጁንታ ቡድን መላው ሀገራችን ወደ ትርምስ ለማስገባት እንድ ኦነግ ሸኔ አይነት ተላላኪና ቅጥረኛ የጥፋት ሀይሎችን መልምሎ በማሰለፍ፣የፋይናንስና የሎጄስቲክ ድጋፍ በማድረግ ኢትዮጵያን በመውጋት ጸረ-ኢትዮጵያዊነቱን በተግባር ያረጋገጠ፡ኢትዮጵያዊያንን በመግደል፣በመዝረፍ ሀገርን የሚያተራምስና የሚበጠበጥ የእኩይ ሴራ ባለቤት ቡድን ነው።

ሀገራችን ላይ በተፈጸመው ክህደት ህግን የማስከበር ግዳጅ/ዘመቻ ላይ የሚገኘው ጀግናው የመከላከያ ሰራዊታችን በሁለት ምዕራፎች ላስመዘገባቸው አንጸባራቂ ድሎች እና ለከፈለው፣እየኸፈለ ላለው አኹሪ መስዕዋትነት የኦሮሚያ ብሄራዊ ክልላዊ መንግስትና ህዝብ ታላቅ ምስጋና እና አክብሮት ያለው መሆኑን ለመግለጽ እወዳለሁ።ህዝባችን በመከላከያችን ላይ የተፈጸመው የክህደት ክህደት ድርጊት አስቆጥቶትና አስቆጭቶት በራሱ ተነሳሽነት ታላላቅ የከሃዲው ጁንታ የክህደት ድርጊት ውግዘትና የመከላካያችን የድጋፍ ሰልፎችን በማድረግ፣ ደም በመለገስ፣በበርካታ ሺዎች የሚቆጠሩ የእርድ ሰንጋዎችና ፍየሎችን በማቅረብ፣እንዲሁም የገንዘብ መዋጮ በማድረግና እስከ ህይወት መስዕዋትነትም ከጎኑ በማሰለፍም ለጀግኖች ልጆች ያሳየው ድጋፍ ተጠናክሮ የሚቀጥል መሆኑን እገልጻለው።

ጀግናው የመከላከያ ሰራዊታችን ከሃዲውና ዘራፊው ጁንታ ላይ የህግ ማስከበር እርምጃ እየወሰደ ባለበት በአሁኑ ወቅት በኦሮሚያ ህዝባችንን የሚወጉ የወያኔ ትሮይ ተላላኪና ቅጥረኛ የኦነግ ሸኔ ላይ በኦሮሚያ የኦሮሚያ ልዩ ሀይል ፖሊስ የማያዳግም እርምጃ በመውሰድ አነጸበራቂ ድሎችን በማስመዘገብ ላይ ይገኛል።

በመሆኑም ጀግናው የመከላከያ ሰራዊታችን ህግን የማስከበር ተልዕኮውን በድል አጠናቆ ወደ ቀድሞው መደበኛው ስራው እስኪመለስ ድረስ ህዝባችን እስከ ህይወት መስዕዋትነት ከጀግናው መከላከያችን ጎን ለመቆም የጀመሩትን ድጋፍ አጠናክሮ በመቀጠል፡የኦነግ ሸኔን በመጠራረግ ህዝቦች፣በወንድማማችነት፡በዕኩልነት፡በፍቅርና በሰላም ሚኖሩባትን ኢትዮጵያና ኦሮሚያ ለማስቀጠል እንዲሁም እውን ለማድረግ የጀመርነው የህግ የበላይነት የማረጋገጥ ስራችን የሚቀጥል መሆኑን አረጋግጥላችኋለው።

ድል ለጀግናው መከላከያ ሰራዊታችን!
ድል ለኢትዮጵያዊያን!
ሽመልስ አብዲሳ
የኦሮሚያ ብሄራዊ ክልላዊ መስተዳድር ፕሬዝዳንት

Click to comment

More in ዜና

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • #ድሬደዋ #ድሬደዋ

    ዜና

    #ድሬደዋ

    By

    #ድሬደዋ በድሬዳዋ አስተዳደር የኮቪድ-19 ወርሽኝን ለመከላከልና ለመቆጣጠር የወጣውን መመሪያ በማያከብሩ ላይ አስፈላጊው ህጋዊ እርምጃ ይወሰዳል ተባለ፡፡...

  • የአፋር ክልል ምላሽ የአፋር ክልል ምላሽ

    ዜና

    የአፋር ክልል ምላሽ

    By

    የአፋር ክልል ምላሽ የአፋር ክልል መንግስት ንጹሀንን እየገደለና እያፈናቀለ ነው ሲል የሱማሌ ክልል ያወጣው መግለጫ ጥፋተኝነትን...

  • ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት - ቀዳሚ ሙፍቲ ሐጅ ዑመር እድሪስ ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት - ቀዳሚ ሙፍቲ ሐጅ ዑመር እድሪስ

    ዜና

    ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት – ቀዳሚ ሙፍቲ ሐጅ ዑመር እድሪስ

    By

    ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት – ተቀዳሚ ሙፍቲ ሐጅ ዑመር...

  • ብፁዕ አቡነ አረጋዊ (ዶ/ር) የኮሮና መከላከያ ክትባት ተከተቡ ብፁዕ አቡነ አረጋዊ (ዶ/ር) የኮሮና መከላከያ ክትባት ተከተቡ

    ዜና

    ብፁዕ አቡነ አረጋዊ (ዶ/ር)  የኮሮና መከላከያ ክትባት ተከተቡ

    By

    ብፁዕ አቡነ አረጋዊ (ዶ/ር)  የኮሮና መከላከያ ክትባት ተከተቡ በኢትዮጵያ ኦርቶዶክስ ተዋሕዶ ቤተክርስቲያን የብፁዕ ወቅዱስ ፓትርያርክ ልዩ...

Trending

Advertisement News.et Ad
To Top