Connect with us

የትግራይ ጊዜያዊ አስተዳደር የክልሉን የአስተዳደር መዋቅሮች እንደሚለውጥ አስታወቀ

የትግራይ ጊዜያዊ አስተዳደር የክልሉን የአስተዳደር መዋቅሮች እንደሚለውጥ አስታወቀ
ሪፖርተር

ዜና

የትግራይ ጊዜያዊ አስተዳደር የክልሉን የአስተዳደር መዋቅሮች እንደሚለውጥ አስታወቀ

የትግራይ ጊዜያዊ አስተዳደር የክልሉን የአስተዳደር መዋቅሮች እንደሚለውጥ አስታወቀ

በትግራይ ክልል የተጀመረውንና መንግሥት ‹‹የሕግ ማስከበር ተግባር›› ያለውን ዘመቻ ተከትሎ፣ በፌዴሬሽን ምክር ቤት የተቋቋመው የትግራይ ጊዜያዊ አስተዳደር ዋና ሥራ አስፈጻሚ ሙሉ ነጋ (ዶ/ር)፣ በትግራይ ክልል በየደረጃው ያሉ የሕግ አውጪና አስፈጻሚ አካላትን፣ እንዲሁም የዞኖችን የአስተዳደር መዋቅሮች እንደሚለውጡ አስታወቁ፡፡

ዋና ሥራ አስፈጻሚው ከአስቸኳይ ጊዜ አዋጅ ኮማንድ ፖስት የመረጃ ፍሰት ቃል አቀባይ ሬድዋን ሁሴን (አምባሳደር) ጋር፣ ኅዳር 10 ቀን 2013 ዓ.ም. በሰጡት ጋዜጣዊ መግለጫ እንዳስታወቁት፣ አሁን ያሉት የክልሉ ሥራ አስፈጻሚ፣ የክልል ምክር ቤት አካላትና የዞን የሥራ አስፈጻሚና ምክር ቤቶችን ሙሉ ለሙሉ በአዲስ የመተካት ዕቅድ እንዳላቸው ገልጸዋል፡፡

 በዚህም መሠረት፣ ለጊዜያዊ አስተዳደሩ የሚሾሙ ሰዎችና በተለያዩ ዘርፎች የሚያገለግሉ ባለሙያዎች፣ ‹‹ብቁና የሕዝብ ድጋፍ ያላቸው እንዲሆኑ ይደረጋል›› ያሉት ሙሉ (ዶ/ር)፣ ሥራውን ውጤታማ ለማድረግም ከሕዝቡ ጋር ምክክር ይደረጋል ብለዋል፡፡

‹‹ምንም እንኳን ይኼ ጊዜያዊ አስተዳደር በሕዝብ ያልተመረጠ ቢሆንም፣ ለሕዝቡ እንደምንሠራ በመናገር ሳይሆን በማሳየትም ጭምር የሕዝቡን እምነት ለማግኘት እንጥራለን፤›› ብለውዋል፡፡

‹‹እኛ የተቋቋምነው ለዓመታት የምንቆይ አይሆንም፣ ሰላማዊ ሽግግር እንዲኖርና የሥልጣን ክፍተት እንዳይፈጠር ነው፤›› ብለዋል፡፡

በዚህም አግባብ በምርጫ ቦርድ ሕጎች መሠረት ዴሞክራሲያዊ፣ አሳታፊ፣ ፍትሐዊና ነፃ ምርጫ እንዲደረግ እንደሚሠሩና ለውጥ በተለያዩ ዘርፎች ማምጣት እንደሚቻል ለማሳየትም እንደሚሹ ጊዜያዊ ዋና አስተዳደሩ ተናግረዋል፡፡

‹‹በመናገር ብቻ ሳይሆን ጊዜያዊ አስተዳደሩ ከሕዝቡ ጎን እንደሆነ ካሳየ ከትግራይ ሕዝብ ድጋፍ ማግኘት ይችላል፤›› በማለትም አክለዋል፡፡

ጊዜያዊ አስተዳደሩ የክልሉን አስፈጻሚ መሾም፣ ሕግና ሥርዓት ማስፈን፣ የስድስተኛውን አገራዊ ምርጫ ክንውን ማስተባበር፣ እንዲሁም በፌዴራል መንግሥት የሚሰጠውን ተግባራት የመፈጸም ሚናዎች እንደሚኖሩትና ለዚህም ማስፈጸሚያ የሚሆን ረቂቅ ቻርተር ማዘጋጀቱን ተናግረዋል፡፡

በዚህ ቻርተር መሠረት የሚደለደለው የሥራ አስፈጻሚ አካል ገለልተኛ ባለሙያዎችን እንደሚያቅፍና የሕዝብ ተቀባይነታቸው ላይ ልዩ ትኩረት እንደሚሰጥ ጠቁመዋል፡፡

በዚሁ ጋዜጣዊ መግለጫ ላይ ማብራሪያ የሰጡት ሬድዋን (አምባሳደር) በጦርነቱ ቀጣና ሰብዓዊ ዕርዳታ ለማቅረብ ከዓለም አቀፍ የቀይ መስቀል ኮሚቴ፣ ከተባበሩት መንግሥታት ድርጅት የሰብዓዊ ዕርዳታ አስተባባሪ፣ ከተባበሩት መንግሥታት ድርጅት የኢትዮጵያ አስተባባሪ፣ እንዲሁም ከተባበሩት መንግሥታት ድርጅት የስደተኞች ጉዳይ ከፍተኛ ኮሚሽነር ቢሮ ጋር እየሠራ እንደሆነ በመግለጽ፣ ጦርነቱን በመሸሽ ወደ ሱዳን የተሰደዱ ኢትዮጵያውያንን መልሶ ወደ አገር ቤት ለማምጣት በማቀድ፣ ለመጠለያዎች ዕድሳትና ማሻሻያ እየተደረገ ይገኛል ብለዋል፡፡ 

ለዚሁም ሥራ እንዲሆን በፌዴራል መንግሥት በተያዙ ሥፍራዎች መንግሥት ዕርዳታዎችን እንዲያደርስ፣ መንግሥት ያልደረሰባቸው አካባቢዎች ደግሞ ለሰብዓዊ ዕርዳታ አቅራቢዎች ደኅንነቱ የተጠበቀ መተላለፊያ ለመፍጠር እየተሠራ እንደሆነ አስታውቀዋል፡፡(ብሩክ አብዱ – ሪፖርተር)

 

Click to comment

More in ዜና

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • #ድሬደዋ #ድሬደዋ

    ዜና

    #ድሬደዋ

    By

    #ድሬደዋ በድሬዳዋ አስተዳደር የኮቪድ-19 ወርሽኝን ለመከላከልና ለመቆጣጠር የወጣውን መመሪያ በማያከብሩ ላይ አስፈላጊው ህጋዊ እርምጃ ይወሰዳል ተባለ፡፡...

  • የአፋር ክልል ምላሽ የአፋር ክልል ምላሽ

    ዜና

    የአፋር ክልል ምላሽ

    By

    የአፋር ክልል ምላሽ የአፋር ክልል መንግስት ንጹሀንን እየገደለና እያፈናቀለ ነው ሲል የሱማሌ ክልል ያወጣው መግለጫ ጥፋተኝነትን...

  • ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት - ቀዳሚ ሙፍቲ ሐጅ ዑመር እድሪስ ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት - ቀዳሚ ሙፍቲ ሐጅ ዑመር እድሪስ

    ዜና

    ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት – ቀዳሚ ሙፍቲ ሐጅ ዑመር እድሪስ

    By

    ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት – ተቀዳሚ ሙፍቲ ሐጅ ዑመር...

  • ብፁዕ አቡነ አረጋዊ (ዶ/ር) የኮሮና መከላከያ ክትባት ተከተቡ ብፁዕ አቡነ አረጋዊ (ዶ/ር) የኮሮና መከላከያ ክትባት ተከተቡ

    ዜና

    ብፁዕ አቡነ አረጋዊ (ዶ/ር)  የኮሮና መከላከያ ክትባት ተከተቡ

    By

    ብፁዕ አቡነ አረጋዊ (ዶ/ር)  የኮሮና መከላከያ ክትባት ተከተቡ በኢትዮጵያ ኦርቶዶክስ ተዋሕዶ ቤተክርስቲያን የብፁዕ ወቅዱስ ፓትርያርክ ልዩ...

Trending

Advertisement News.et Ad
To Top