Connect with us

ጃዋር ከአባይ ሚዲያ ጋር ስላደረገው ቃለ-መጠይቅ በወፍ በረር!

ጃዋር ከአባይ ሚዲያ ጋር ስላደረገው ቃለ-መጠይቅ በወፍ በረር!

ፓለቲካ

ጃዋር ከአባይ ሚዲያ ጋር ስላደረገው ቃለ-መጠይቅ በወፍ በረር!

ጃዋር ከአባይ ሚዲያ ጋር ስላደረገው ቃለ-መጠይቅ በወፍ በረር!

1ኛ) ስለሞቱ ሰዎች አልጸጸትም

የ86 ሰዎች ሞት “ምነው ባልሆነ ኖሮ” ብዬ አልጸጸትም አለ። ይህ ከጃዋር የሚጠበቅ ፖለቲካዊ አቋም ቢሆንም ግን እንደ ማህበረሰብ እጅግ አስደንጋጭና አሳሳቢ ነው። እንኳን በአንድ ሰው የመደነባበርና የመደንገጥ ጩሀት ሳቢያ ደጋፊዎቹ ያለምንም መረጃ ብድግ ብለው 86 ሰው እምሽክ አድርገው ይቅርና እንደ ሀገር ጦርነት ውስጥ ገብተን ስለገደልናቸው ወታደሮች እንኳ ዞር ብለን ስናስበው ያመናል፣ ይጸጽተናል፣ ባልሆነ ኖሮ፣ “I am sorry this happened, በመሆኑ አዝናለሁ፣ አልፎ ሳስበው ይጸጽተኛል” ማለት እጅግ ሰባዊነት ነው።

ኤርትራና ኢትዮጵያ ዛሬ አልፎ ሲያዩት እጅግ ስህተት እንደነበረ ተረድተው እንደ ተጸጸቱ ገልጸዋል። የጃዋርን “በ86 ሰዎች ሞት” ምንም አይጸጽተኝም ንግግር በሚዲያ ማሰራጨት ከጥቅሙ ጉዳቱ ያመዝናል። ይህን የሚሰሙ ተከታዮቹ፣ ወጣት ዜጎች፣ ተመሳሳይ ፖለቲከኞች ለሚገድሏቸው፣ ለሚያስገድሏቸው፣ እንዲሁ በፖለቲካ ግርግር ህይወታቸው ለሚጠፋ ንጹሀን ዜጎች “አይጸጽተኝም” የሚለው ንግግር ሰብአዊነትን የሚያዋርድ፣ ትክክል ያልሆነ ምሳሌነት ነው።

በሰዎች ሞት አልጸጸትም ንግግር ከመረጃነቱ ይልቅ የሞራል ጥያቄ በመሆኑ ወይ ቀድሞም መጠየቅ አልነበረበትም ተጠይቆ ምላሹ “ጤናማ ማህበረሰባዊ አቅራቦት” እንደሌለው ሲታወቅ ተቆርጦ መጣል ነበረበት! ከሁሉ በላይ ደግሞ ጉዳዩ ከዛሬ ነገ ወደ ህግ አግባብ ይገባል ተብሎ የሚጠበቅ እንደመሆኑ የሞራል ጥያቄውን ወደ ጎን ትቶ ምርመራዊ ጥያቄኦች ላይ ማተኮር ይገባ ነበር።

2ኛ) ትከሻ አልተለካካሁም

ጃዋር ባንተና በጠቅላይ ሚኒስትሩ መካከል ባለ የትከሻ መለካካት እስከ መቼ ኦሮሚያ ውስጥ ውጥረት ይፈጠራል? ለሚለው ጥያቄ “ትግል እያካሄድኩ እንጂ ትከሻ እየተለካካሁ አይደለም” ሲል መልሷል። አልተሞገተም። እንዲሁ ታልፏል።

ጃዋር ከአብይ ጋር ትከሻ ሲለካካ ሁለት አመት አለፈው። ገና የኦህዴድ ሊቀመንበርነቱን ሲረከብ ነበር ጃዋር ትከሻውን ከአብይ በላይ አድርጎ ማሳየት የጀመረው። ከትከሻ መለካትም በላይ በተደጋጋሚ በግለሰቡ ማንነት ላይ አፍ እላፊ ሲናገር እንደነበረ ይታወቃል። ይህ ሁሉ ቢቀር እንኳ “ሁለት መንግስት አለ” ሲል የተናገረውን መሰረታዊ ጥያቄ ማንሳት በቂ ነበር።

በምንም አይነት ሳይንስ በአንድ ሀገር ውስጥ ሁለት መንግስት ሊኖር አይችልም። ጃዋር ግን የቄሮ ክንፉን በመመካት ያሻውን ማድረግ የሚችልና እንድያውም በተለይ በኦሮሚያ ክልል “መንግስት ነኝ” በሚል አካሄድ አብይ የጃዋርን ያህል ተጽኖ ፈጣሪ እንዳልሆነ ለማሳየት ሞክሯል። ይህ አባባሉ ምን ያህል ተቀባይነት ኖሮት በክልሉ ችግር ሲፈጥር እንደነበረም የታየ ነው።

3) የሚዲያ ክፍተት

ከጃዋር/ከኦሮሞ ፖለቲከኞች ጋር ቃለ-መጠይቅ የሚያደርጉ ሰዎች አንድ ጠንካራ ጥያቄ ከወረወሩ በኋላ መለስ የሚሉት ነገር፣ ወዲያው ተከታይ ጥያቄ (Followup questions) ለመጠየቅ አለመቻል ለብዙዎቹ የማርያም መንገድ እየሆነ፣ ጉዳዮቹ ተድበስበው ሲታለፉ ማየት የተለመደ ሆኗል። ይህ መታረም አለበት። መሰረታዊ ጥያቄዎችን ብቻ ሳይሆን ሀሳቦችን ሰብስቦ መሄድና ሰውዬውን ኢንተርፕሬት ማድረግ አስፈላጊ ነው። ያለዝያ የማርያም መንገድ በመስጠት ቀላል ፖለቲካዊ አመኔታ እንዲያገኙ መረማመጃ መሆን ይመጣል።

(የትነበርክ ታደለ)

Continue Reading
Click to comment

More in ፓለቲካ

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የአፋር ክልል ምላሽ የአፋር ክልል ምላሽ

    ዜና

    የአፋር ክልል ምላሽ

    By

    የአፋር ክልል ምላሽ የአፋር ክልል መንግስት ንጹሀንን እየገደለና እያፈናቀለ ነው ሲል የሱማሌ ክልል ያወጣው መግለጫ ጥፋተኝነትን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

Trending

Advertisement News.et Ad
To Top