Connect with us

ዛሬ 333 ዜጎች ከሊባኖስ ወደ አገራቸው ተመለሱ

333 ኢትዮጵያን ዛሬ ከሊባኖስ ወደ ሀገራቸው ተመለሱ
Photo: ውጭ ጉዳይ ሚኒስቴር ቃል አቀባይ ጽ/ቤት

ዜና

ዛሬ 333 ዜጎች ከሊባኖስ ወደ አገራቸው ተመለሱ

የኢፌዴሪ የውጭ ጉዳይ እና የሰላም ሚኒስቴሮች በጋራ በመሆን ነው ኢትዮጵያውያኑ ወደሀገራቸው እንዲመለሱ ያደረጉት።

ኢትዮጵያውያኑ ቦሌ ዓለም አቀፍ አውሮፕላን ማረፊያ ሲደርሱ የውጭ ጉዳይ ሚኒስትር ዴኤታ ወይዘሮ ጽዮን ተክሉ፣ የሰላም ሚኒስትር ዴአታ ወይዘሮ ፍሬዓለም ሽባባው፣ የሰራተኛና ማህበራዊ ጉዳይ ሚኒስትር ዴኤታ ወይዘሮ አየለች እሸቴ፣ የዳያስፖራ ኤጄንሲ ዋና ዳይሬክተር ወይዘሮ ሰላማዊት ዳዊት እንዲሁም ሌሎች ከፍተኛ የመንግስት አካላት ተገኝተው አቀባባል አድርገውላቸዋል።

ዛሬ ለሀገራቸው የበቁት እነዚህ ኢትዮጵያውያን በለይቶ ማቆያ ውስጥ እንደሚቆዩም ነው የተገለጸው።
በመካከለኛው ምስራቅ ሀገራት የሚኖሩ ኢትዮጵያዊያን ዜጎች ካላቸው የስራ ባህሪ አንጻር በኮሮና ወረርሽኝ ምክንያት ስራ በማቆማቸው ለተለያዩ ችግሮች መጋለጣቸው ይታወቃል።

በመሆኑም የዓለም አቀፍ ተቋማትን ስጋት እና ማሳሰቢያ እንዲሁም የዜጎቻችን ከአቅም በላይ በሆነ ተጋላጭነት ምክንያት ከሚኖሩበት ሀገር ወደ ሀገራቸው የመመለስ ከፍተኛ ፍላጎት ከግምት ውስጥ በማስገባት እየተሰራ ይገኛል ነው የተባለው።

በዚህም ዜጎች ክብራቸው ተጠብቆ ወደ ሀገር ቤት እንዲመለሱ ለማድረግ በኢፌዲሪ የውጭ ጉዳይ ሚኒስትር ዴኤታ ወይዘሮ ጽዮን ተክሉ የሚመራ 11 አባላት ያሉት ኮሚቴ ተቋቁሞ በሀገር አቀፍ ደረጃ ከተቋቁመውና በሰላም ሚኒስቴር ከሚመራው ግብረ ሃይል ጋር በቅንጅት እየሰራ መሆኑ ይታወቃል።

በዚህም ሲደረግ የነበረው አስፈላጊው ዝግጅት በመጠናቀቁ ዛሬ 333 ኢትዮጵያዊያን ዜጎች ከሊባኖስ እንዲመለሱ ተደርጓል።

በቀጣዩ ቅዳሜም 320 ኢትዮጵያዊያን ዜጎቻችን ከሊባኖስ ወደ አገራቸው ይገባሉ ተብሏል።

ባለፈው ግንቦት 13 ቀን 2012 ዓ.ም በተባበሩት ዓረብ ኢምሪቶች በአስቸጋሪ ሁኔታ ውስጥ ይኖሩ የነበሩ 57 ኢትዮጵያዊያን በራሳቸው ፈቃድ እንዲመለሱ መደረጉም ይታወሳል።

በቀጣይ ቀናቶች በተለያዩ የአረብ ሀገራት በአስቸጋሪ ሁኔታ ውስጥ የሚገኙ ኢትዮጵያውያንን ወደሀገራቸው የመመለሱ ስራ እንደሚከናወንም ነው የተመለከተው።

ውጭ ጉዳይ ሚኒስቴር ቃል አቀባይ ጽ/ቤት
ግንቦት 20 ቀን 2012 ዓም

Click to comment

More in ዜና

To Top