Connect with us

የኢቦላ መድኃኒት ኮሮናቫይረስን ለማከም እንዲውል ተፈቀደ

የኢቦላ መድኃኒት ኮሮናቫይረስን ለማከም እንዲውል ተፈቀደ
President Trump in the Oval Office on Friday flanked by, from left, Vice President Pence; Daniel O’Day, the Gilead Sciences C.E.O.; and Stephen Hahn, the F.D.A. commissioner.Credit...Erin Schaff/The New York Times

ጤና

የኢቦላ መድኃኒት ኮሮናቫይረስን ለማከም እንዲውል ተፈቀደ

የኢቦላ መድኃኒት ኮሮናቫይረስን ለማከም እንዲውል ተፈቀደ

የአሜሪካ ምግብና መድኃኒት አስተዳደር ተቋም የቦላ በሽታን ለማከም የሚውለውን ሬምዴሲቪር የተባለውን መድኃኒት ለአስቸኳይ ጊዜ የኮሮናቫይረስ ህክምና እንዲውል ፈቀደ።

በዚህም መሰረት ይህ ጸረ ቫይረስ የሆነው ይህ መድኃኒት በኮሮናቫይረስ በጽኑ ታመው ሆስፒታል የሚገኙ ሰዎችን ለማከም ይውላል።

የአሜሪካ ምግብና መድኃኒት አስተዳደር ኮሚሽነር የሆኑት ስቴፈን ሃን እንዳሉት “ይህ የኮሮናቫይረስን ለማከም ዕውቅና የተሰጠው የመጀመሪያው መድኃኒት ነው” ብለዋል።

በቅርቡ ሬምዴሲቪርን በመጠቀም በተደረገ ሙከራ በኮሮናቫይረስ ክፉኛ ታመው ሆስፒታል የገቡ ሰዎች የሚያገግሙበትን ጊዜ ለማፋጠን እንዳስቻለ ተረጋግጧል።

ነገር ግን ይህ በተቋሙ መድኃኒቱን ለመጠቀም የተሰጠው የአስቸኳይ ጊዜ ፈቃድ ሙሉ ፈቃድ አለመሆኑ የተገለጸ ሲሆን፤ መደበኛ ዕውቅና ለማግኘት ከፍ ያለ ምዘናን ይጠይቃል።

ባለሙያዎች እንደሚሉት ይህ ኢቦላን ለማከም የተሰራው መድኃኒት ኮሮናቫይረስን እንደሚፈውስ ተአምረኛ መፍትሄ መወሰድ የለበትም።

ጊሌድ የተባለው የመድኃኒቱ አምራች ኩባንያ ዋና ሥራ አስፈጻሚ ዋይት ሐውስ ውስጥ ከዶናልድ ትራምፕ ጋር በነበራቸው ውይይት እንዳሉት ለመድኃኒቱ የተሰጠው ፈቃድ ጠቃሚ እርምጃ መሆኑን አመልከተው፤ ከፍተኛ መጠን ያለው መድኃኒት ጥቅም ላይ እንዲውል እንደሚለግሱ አሳውቀዋል።

(BBC)

Click to comment

More in ጤና

To Top