ጠቅላይ ሚኒስትር አቢይ አህመድ ከአለም ጤና ድርጅት ዋና ዳይሬክተር ጋር ተወያዩ

ጠቅላይ ሚኒስትር አቢይ አህመድ ከአለም ጤና ድርጅት ዋና ዳይሬክተር ዶ/ር ቴድሮስ አድሃኖም ጋር የኮቪድ-19 ስርጭት በሚገታበት ሁኔታ ዙሪያ የስልክ ውይይት አድርገዋል፡፡

ጠቅላይ ሚኒስትሩ ወቅታዊ መረጃዎችን በመስጠት እና የቫይረሱን ሥርጭት ለመግታት ስለሚያከናውኑት ተግባር የዓለም የጤና ድርጅት ዳይሬክተሩን አመስግነዋል፡፡

የአለም ጤና ድርጅት ዋና ዳይሬክተር ዶ/ር ቴድሮስ አድሃኖም ይህ አስጨናቂ ጊዜ ከምንጊዜውም በላይ የጋራ አመራርን እንደሚጠይቅ አረጋግጠውላቸዋል።

ጠቅላይ ሚኒስትር አቢይም አመራራቸው ወቅቱንና ኃላፊነታቸውን የሚመጥን መሆኑን በፌስቡክ ገፃቸው ላይ ያሰፈሩት መረጃ ይጠቁማል።