Connect with us

ይድረስ ለኢ/ር ታከለ ኡማ ~ በነካ እጅዎ መንግሥትዎንም ይማፀኑልን?

ይድረስ ለኢ/ር ታከለ ኡማ ~ በነካ እጅዎ መንግሥትዎንም ይማፀኑልን?
Photo Facebook

ነፃ ሃሳብ

ይድረስ ለኢ/ር ታከለ ኡማ ~ በነካ እጅዎ መንግሥትዎንም ይማፀኑልን?

ይድረስ ለኢ/ር ታከለ ኡማ ~ በነካ እጅዎ መንግሥትዎንም ይማፀኑልን?

ክቡር ከንቲባ፤ ሠላምታዬ ባሉበት ይድረስዎ!!

የአዲስአበባ ከተማ አስተዳደር ምክትል ከንቲባ ኢ/ር ታከለ ኡማ ሆይ፤ የኮሮና ወረርሽኝ ( የኮቪድ 19) በኢትዮጵያ መከሰት ተከትሎ በማህበረሰብ ውስጥ የመተሳሰብ፣ የመደጋገፍ ባህል እንዲሰፍን በማሰብ በቀና ልቦናዎ እያደረጉ ያሉትን መጠነ ሰፊ ጥረት በማየቴ በእውነቱ ደስ መሰኘቴን ልነግርዎ እፈልጋለሁ። ካከናወኑት ተግባራት መካከል ቤት አከራዮች የኪራይ ዋጋ እንዲቀንሱ ወይንም የተወሰኑ ወራት በነፃ እንዲተው፤ የግል ት/ቤቶች እንዲሁ ወርሀዊ ክፍያ የመጠየቁን ነገር እንዲያስቡበት መማፀንዎ በእውነቱ ለህዝቡ ያልዎትን ቀናኢነት ስለሚያሳይ በበጎ መልኩ የምወስደው ነው።

ክቡርነትዎ፤ ይህን ወገናዊ ጥሪዎን አክብረው የቤት ኪራይ ዋጋ የቀነሱ ወይንም የተወሰኑ ወራትን ለመተው የወሰኑ አከራዮች ቁጥራቸው እየጨመረ መምጣት የእርስዎ ተማፅኖ ፍሬ በመሆኑ ሊኮሩ ይገባል።

ክቡርነትዎ፤ ይኸም ሆኖ ግን እንደጥያቄ አንስቼ ማለፍ የምፈልገው አንድ ትልቅ ነጥብ አለ። በዚህ መልክ የግብር ከፋዩ ገቢ ሲቀንስ የመንግሥት የግብር ገቢም እንደሚቀንስ ልብ ብለውታል ወይ የሚለውን ነው። የመንግሥት ገቢ መቀነስ ጋር ተያይዞ እንደገና ነገ ተነገ ወዲያ የከተማው ህዝብ እንዳይጎዳ ምን ታስቧል የሚለው እንደአንድ ዜጋ አሳስቦኛል። ለዚህም ግን መላ እንደማያጡለት ስለማምን ብዙ ከማውራት ተቆጥቤአለሁ።

ክቡር ከንቲባ ሆይ፤ እንዲያው በነካ እጅዎ የሚከተሉትን ጉዳዮች መንግሥትዎን እንዲማፀኑልን ሳሳብዎ በታላቅ አክብሮት ነው። ያው በአሁን ሰዓት የግሉ ዘርፍ ህብረተሰቡ ውስጥ ያለውን ጫና እንዲካፈል ደጋግመው በመወትወትዎ ፈጣንና አኩሪ ምላሽ እያገኙ ነው። ነገር ግን መንግሥትዎስ የህዝቡን ሸክም በማቃለል ረገድ ምን እየሰራ ነው? በግሉ ዘርፍ ያደረጉት ሁሉ የሚደነቅ ሆኖ ሳለ ነጋዴ መንግሥትዎን በተሳሳይ ሁኔታ የህዝቡን የወጪ ጫና እንዲያቃልል እንዲወተውቱልን የምናስታውስዎ በታላቅ አክብሮት ነው።

ክቡርነትዎ፤ ያው እርስዎም እኛም እንደምናውቀው የኮቪድ 19 ወረርሽኝ ተከትሎ በአለም አቀፍ ደረጃ የነዳጅ ዋጋ አሽቆልቁሏል። ነገርግን ዋጋ በአለም አቀፍ ደረጃ ዋጋ ሲጨምር ፈጥኖ የሚጨምረው መንግስታችን ጉዳዩን ባላየ አልፎታል። የነዳጅ የችርቻሮ ዋጋ በዚህ ወቅት እንዲቀንስ ቢደረግ የትራንስፖርትና ተያያዥ ዘርፎች ዋጋ ሊቀንስ፣ ሊረጋጋ እንደሚችል ለእርስዎ መንገር ለቀባሪ ማርዳት ይሆናል።

በተጨማሪ እንደኢትዮ ቴሌኮም ያሉ መንግሥታዊ ተቋማት በኮቪድ 19 ምክንያት ቤቱ እንዲቀመጥ ለተገደደው ህዝብ የኢንተርኔት ተደራሽነትን ለማሳደግ እና የእርስ በርስ ግንኙነትን ለማሳለጥ በድምፅም ሆነ በዳታ ቋሚ ወይንም በፓኬጅ መልክ ጊዜያዊ የዋጋ ቅናሽ እንዲያደርግ ቢያመላክቱልን እጅግ አድርገን እናመሰግንዎታለን።

በተመሳሳይ ሁኔታ የአዲስአበባ የውሀና ፍሳሽ መ/ቤት የመጠጥ ውሀ አቅርቦት ከማሻሻል ጎን ለጎን የታሪፍ ቅናሽ ሁኔታ የሚያዩበትን መንገድ እንዲሁም የኤሌክትሪክ አገልግሎት ተመሳሳይ እርምጃ እንዲወስድ ከሚመለከተው አካል ጋር እንዲመክሩልን እናስታውሳለን።

የፌደራሉም ሆነ የአዲስ አበባ ገቢዎች ቢሮ ለግብር ከፋዮች በዚህ ክፉ ወቅት ሊኖር የሚችለውን የንግድ መቀዛቀዝና መቆም ግምት ውስጥ ያስገባ የታክስና ግብር ቅነሳ የሚያደርጉበትን ሁኔታ ቢመካከሩልን ስንል ጥያቄያችንን እናቀርባለን።
ባንኮችም የተበዳሪዎቻቸውን ቢያንስ ወለዱን እንኳን በመተው ይኸን ክፉ ጊዜ በመተጋገዝ ማለፍ እንዲቻል እንዲማፀኑልን ማስታወስ እንፈልጋለን።

ክቡርነትዎ፤ ይኸንንም አሳክተው እንደሚያስደምሙን እናምናለን።
ፈጣሪ የመጣብንን መቅሰፍት በጥበቡ ይመልስልን!!

አክባሪዎ:- ጫሊ በላይነህ

Click to comment

More in ነፃ ሃሳብ

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

  • ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን

    ነፃ ሃሳብ

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤

    By

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ...

Trending

Advertisement News.et Ad
To Top