Connect with us

መስጂድ ደጅ ላይ የናፈቁን አይኖች

መስጂድ ደጅ ላይ የናፈቁን አይኖች
Photo: Social media

ባህልና ታሪክ

መስጂድ ደጅ ላይ የናፈቁን አይኖች

መስጂድ ደጅ ላይ የናፈቁን አይኖች
(ጀማል አሕመድ)

እንደምን ዋላችሁ?
በሠላም በጤና ለሊቱን አሳልፈን ያነጋን ምስጋናችንን ለፈጣሪ እናድርስ፡፡ አላህምዱሊላህ፡፡ ቀናችንንም ብርሩህና ራሳችንን የምንጠብቅበትና መልካሙን ሁሉ የምንሰማበት ያድርግልን፡፡

ትላንት ጁመዓ ነበር፡፡ ጁመዓና ጀመዓ በቤታችሁ ስገዱ ተብላናል፡፡ ለሌውና ለራሳችን ጥንቃቄ ሲባል፡፡ እንዲሁም ቤተ ክርስቲያናትም ተዘግተው ምእምናኑ በየቤታቸው እንዲጽልዩ ተውስኗል፡፡ ነግር ግን በዚህ ምክንያት የእልት ጉርሳቸውን በማጣት ተጎጂ የሆኑ ወገኞቻችን አሉ፡፡

በትላንትናውን እለት በአንዳንድ መስጂዶች ተዘዋውሬ አንድተመለከትኩት የእኔ ቢጤ ነዳያን፣ መስገጃ ወረቀትና ውዱ ማድረጊያ ውሃ የሚሸጡ ምስኪኖች ደንበኞቻቸውን በሚናፍቁ አይኖች ወዲያ ወዲህ አይኖቻቸው ሲንከራተቱ ተመልክቻለው፡፡ ውሀና ወረቀት ይሸጡላቸው የነበሩ ደንበኞቻቸውን ሲያጡ ‹ራበን › እያሉ እጃቸውን ለምጽት ሲዘረጉም ተምልከቻለው፡፡ እነዚያ እኛን የናፈቁ አይኖች ‹እስከመቼ?በሚል ግራ ተጋብተው ታዝቢያለሁ፡፡ እነዚህ ምስኪኖች ምን አልባት የኮሮና ቫይረስ የአለምን ሥርዓት አናግቶ መጽዋቾቻቸውን ከመስጅድ እንዳባረሩባቸው አላወቁ ይሆናል ፡፡

እናም ወገኖቼ እነዚህን የእኛን እጅ የሚናፍቁ ወገኖቻችንን እናስታውሳቸው፡፡ ድጋፍ እያሰባሰበባችሁ ለአቅመ ደካሞች በማከፋፋል ላይ ያላችሁ በጎፈቃደኛ አስተባባሪዎችም እነዚህን ምስኪኖች አስታውሷቸው፡፡

በዚህ አጋጣሚ በአንዳንድ አነስተኛ መስጂዶች አንዳስተዋልኩት የጁመዓ ሰላት መሰገዱን መታዘብ ችያለሁ፡፡ የመስጂዱን ቅጥር ጊቢ ውስጥ በድብቅ እያስገቡና ከተሰገደም በኃላ ‹ የሚቆጣጠር ኃይል ይኖር ይሆን?. እያሉ በመስጋት በየተራ በድብቅ ሲያሶጡ ተመልክቻላው፡፡

ይህን የምናደርግ የመስጂድ ኢማሞችና የየመስጂዶቹ የኮሚቴ አባላት ከሁሉም በላይ አላህን ነው መፍራት ያለብን ፡፡ አማኙን ከጉዳት የመጠበቅ ኃላፊነት አለብን፡፡ በጀመዓና ጁመዓ በየቤታችን እንስገድ እየተባልን መስጂድ ማሰገድና መስገድ የእምነት ከፍታን አያሳይም፡፡ ጀግንነትም አይደለም፡፡

እንታገስ! ህዝቡን ለጉዳት አንዳርገው፡፡ አሁን አርፈን ተቀምጠን ለረመዳን አላህ ከፈቀደም ከዚያ በፊት በየመስጂዶቻችን መስገድ እንፈልጋለን ፡፡ ይሕን የምንናፍቀውን ቀን አታራዝሙብን፡፡ ሙስሊሙ ከየመስጂዱ በግድ ተገፍትሮ እንዲወጣ በማድርግ መስጂዱንና ሙስሊሙን አታስደፍሩ፡፡

በተረፈ አጥፍቼ ከሆነ አውፍ በሉኝ! ርቀታችንን በመጠበቅ፣ እጃችንን በመታጠብ፣ ከቻልን ከቤት ባለመውጣት፣ ራሳችንንና ሌላውን ከቫይረሱ በመጠበቅ ማህበራዊ ኃላፊነታችንን እንወጣ!

Continue Reading
Advertisement News.et Ad
You may also like...
Click to comment

More in ባህልና ታሪክ

To Top