ሰሜን ኮሪያ በኮሮና ቪረስ እንደተያዘ የጠረጠረችውን ግለሰብ መግደሏ አነጋጋሪ ሆኗል

ከቻይና በቅርቡ ወደ አገሩ የተመለሰንና የአገሪቱ የንግድ ዘርፍ ላይ በሃላፊነት እንደሚሰራ የተነገረለት ግለሰቡ ቅርብ የጤና ክትትል እየተደረገለት ባለበት ሁኔታ የህዝብ መጠቀሚያ በሆነው የመታጠቢያ ስፍራ ላይ በመገኘቱ ሰሜን ኮሪያ በሞት ቀጥታዋለች ሲል ዴይሊ ሜል ምንጮቹን ጠቅሶ ዘግቧል፡፡

የንግድ ባለሙያው የተላለፈበትን እገዳ ጥሶ ከተገኘ በኋላ የታሰረ ሲሆን ወዲያውም በመሳሪያ ተመቶ እንዲሞት ሆኗል፡፡

ሰሜን ኮሪያ የኮሮና ቫይረስን በሚመለከት በተጠርጣሪዎች ላይና ከቻይና ወደ አገሯ በሚገቡ ሰዎች ላይ የጦር ሃይሏን በመጠቀም ጭምር ተከታታይነት ያለው ምርመራን ታካሂዳለች፡፡እስካሁን ድረስ በኮሮና ቫይረስ የተያዘ የተጠቃ ሰዉ በምድሯ ላይ ባይገኝም እጅግ ለፍተኛ ጥንቃቄ የተሞላበት የምርመራ ሂደትን ተግባራዊ እያደረገች ትገኛለች፡፡

ግለሰቡ የጦር ሃይሉን ህግ በመተላለፍና ባልተፈቀደለት ቦታ በመገኘቱ እርምጃው ተወስዶበታል ተብሏል፡፡

ከዚህ ባለፈ የሰሜን ኮሪያ መሪዎች ቤተሰብና የደህንነት ኤጀጀንሲው አባል እንደሆነ የተነገረለት ሌላም ግለሰብ ወደ ቻይና ያደረገውን ጉዞ እንዳይታወቅበት አድርጓል በሚል ለብቻው ተገልሎ እንዲቆይ ተወስኖበታ፡፡

ቫይረሱ ከተስፋፋበት አገር ቆይታ የነበራቸው ሰዎች በቫይረሱ መጠቃታቸውንና አለመጠቃታቸውን ለማረጋገጥ የአለም የጠና ድርጅት ካስቀመጠው የ14 ቀን የጊዜ ገደብ በላይ ሰሜን ኮሪያ 30 ቀናትን እየተጠቀመች እንደምትገኝ መረጃው አመላክቷል፡፡

ሰሜን ኮሪያ በአሁኑ ሰዓት ብቸኛ የኢኮኖሚ አጋሯ ከሆነችው ቻይና ጋር የሚያዋስናትን ድንበር የቫይረሱን ስርጭት በመስጋት ዝግ አድርጋለች፡፡