Connect with us

ኢትዮጵያዊ ኢንጂነር ለጫማ ጠራጊነት ዳግም ተዳረገ…

ኢትዮጵያዊ ኢንጂነር ለጫማ ጠራጊነት ዳግም ተዳረገ...
Photo: Facebook

ነፃ ሃሳብ

ኢትዮጵያዊ ኢንጂነር ለጫማ ጠራጊነት ዳግም ተዳረገ…

ኢትዮጵያዊ ኢንጂነር ለጫማ ጠራጊነት ዳግም ተዳረገ…
(ታምሩ ገዳ)

የሀያ ሰባት አመቱ ቸኮለ መንበሩ እንደማንኛውም ወጣት ኢትዮጵያዊ ኑሮን አሸንፎ ፣ከትልቅ የስኬት ደረጃ ላይ በመድረስ ቤተሰቡን እና አገሩን በመጥቀም ፣በመልካም ስም ያማስጠራት ምኞት ነበረው።

ቢቢሲ በአማራ ክልል፣ባህርዳር ውስጥ ሰሞኑን ያነጋገረው ቸኮለ ወላጅ አባቱን በጨቅላ እድሜው በሞት ቢነጠቅም፣ ከአያቶቹ እና በእናቱ እቅፍ ውስጥ በመሆን ትምህርት ሊማር ቢወጥንም ዘመዶቹ በቂ ቅሬት ባለማፍራታቸው የተነሳ እራሱን ለመለወጥ ስል ከአጎቱ ቤት እየኖረ በጎችን በመጠበቅ ውድ ትምህርት ቤት ገብቶ ለመማር ይቋምጣል።

የትምህርት ቤት የመግባት ህልሙን በአያቶቹ ጣልቃ ገብነት ወረታ ከተማ ውስጥ የጀመረው ታዳጊው ቸኮለ ግስጋሴው ከሁለተኛ ክፍል ሊዘል አልቻላም።ሁኔታውንም ሲረዳ ጫማ ጠራጊ ጓደኛው አማካኝነት የጫማ መጥረጉን ስራ ስራዬ ብሎ የተያያዘው ቸኮለ በትርፍ ጊዜው የእውቀት ገበያውን በምከናወን፣ እንደርሱ ከትንሽ ስራ ተነስተው ለ ዶክተርነት እና ለኢንጂነርነት ለመሳሰሉት ከፍተኛ ደረጃ በደረሱ የአገሩ ልጆች ገድል በመጽናናት እጅግ አስቸጋሪ የህይወት ውጣ ውረዶችን በጽናት በመቋቋም ባለፈው 2013 እኤእ በባህር ዳር ዪኒቨርሰቲ በመግባት በትምህርት ቆይታው በወር የኪስ 200ብር($10 ወይም £8)በማግኘት በኬሚካል ኢንጂነሪንግ(Chemical Engineering )የትምህርት ከአምስት አመት ድካም እና ቆይታ በሁዋላ ለመመረቅ ችሏል።

“ኢትዮጵያ ለኢንጂነረኒግ ምሩቆች ምቹ ገበያ አላት የሚል ወሬን ተከትዮ ፣ በተመረቅኩ ማግስትም የስራ እድለኛ እና ደሞዝተኛ እሆናለሁ ብዬ ” ነበር የሚለው ምስኪኑ ቸኮለ ትምህርቱ ሊገባደድ ሲቃረብ ግን ያልጠበቀው ፍርሃት በውስጡ ገባ።እርሱም “ይህንን ሁሉ የህይወት ውጣ ውርድን በግሌ ጥረት እና በጓደኞቼ ድጋፍ ዘልቄ ስራ ባጣስ?” የሚል ነበረም።

የፈሩት ይደርሳል… እንዲሉ በተመርቀ ማግስት ስራ ለማፈላለግ ሲል ከትውልድ ቀየው 491 ኪሜ ደቡባዊ አቅጣጫ ፣አዲስ አበባ ውስጥ ለሶስት ወራት በስራ ፍለጋ ቢማስንም፣ሌላው ቀርቶ ለተማረበት እና ለተመረቀበት የስራ ዘርፍ የማይመጥን ስራ ቢያመለክትም” ወደፊት ደጎስ ያለ ደሞዝ እና ጥቅማጥቅም ሊጠይቀን ይችላል”የሚል ስጋት ያደረባቸው ባለሀብቶች እና የስራ ሀላፊዎች በእውቀቱ አይደለም በጉልበቱ እንኳን ሊቀጥሩት አለመፈለጋቸውን፣በ ፋብሪካ ውስጥ በቀን 29 ብር ( $1)ተቀጥሮ ለመስራት ቢሞክርም በህይወት በቀር ሁሉም ነገር ሰማይ ጥግ በደረሰባት አዲስ አበባ ውስጥ ኑሮን መቋቋም ባለመቻሉ ስራውን ለማቋረጥ መገደዱን ወጣቱ የኢንጂነሪግ ምሩቅ ቸኮለ መንበሩ አሳዛኙ ገጠመኙን ለቢቢሲ ዘጋቢ አካፍሏል።

ለስራ ፍለጋ ሲል ከባሕርዳር እስከ አ/አ ከዚያም እስከ ወልዲያ(ወሎ)የተጓዘው ወጣቱ ቸኮለ እድል ፊቷን ስታዞርበት ወደ ባሕር ዳር ከተማ በመመለስ በእውኑም ሆነ በህልሙ ያልጠበቀው እና ያላለመው ያ ከአመታት በፊት ጥሎት የ ሄደው የጫማ ጠረጋ ስራውን ዳግም ለመጀመር ተግዷል።

“ለትምህርት እና ለእውቀት ገበያ ያደረግኩት ውጣ ውረድ፣ በሽልማት ፈንታ ብዙ ዋጋ አስከፈለኝ፣ባልማር ኖሮ ዛሬ እንዲህ ባልተቆጨሁ ነበር ” የሚል መንፈስ በውስጡ ያደረበት ወጣቱ ኢንጂነር ቸኮለ በአሁኑ ወቅት በኢንጂነሪንግ ሙያው ሳይሆን የሰዎችን ጫማን በመጥረግ ላይ ተሰማርቶ የተመለከቱት በባህር ዳር ዩንቨርስቲ ውስጥ ለአምስት አመታት የእውቀት አባቶቹ የነበሩት መምህራኖቹ አንዳንዶቹ በአይናቸው የሚያዩትን ማመን አቅቷቸው በድንጋጤ ጥለውት እንደሚሄዱ፣እንዳንዶቹ በበኩላቸው ሞራል እንዳይሰበር ገንዘብ በመስጠት እንደሚያበረታቱት ፣የኮሌጅ ጓደኞቹ ጭምር ጫማቸው ሳይቆሽሽ እርሱን ለማበረታታት ሲሉ ብቻ ጫማቸውን እንዲያው ለአመሉ ቀለም በማስቀባት የገንዘብ ድጋፍ እንደሚያደርጉለት ሳይገልጽ አላለፈም።

ወጣቱ የኢንጂነሪንግ ምሩቁ ቸኮለ ምንም እንኳን የቱንም ያህል ፈተናዎች ቢበረቱበት፣ ላለፊት ሶስት አመታት ፊቷን ያዞረችበት እድል ፈንታው አንድ ቀን ትታደገው ዘንድ ተስፋ በማድረግ በተለያዩ ጊዜያት በማስታወቂያ ሰሌዳዎች ላይ የሚለጠፉ የተለያዩ ክፍት የስራ ማስታወቂያዎችን ከመቃኘት እና ከመሞከርም አልተቆጠበም።

ኢንጂነር ቸኮለ መንበሩ የመሳሰሉ የዚህ አለም ፈተናን እና መከራን ተጋፍጠው ከስኬት ማማ ላይ ለመድረስ ጥቂት ሲቀራቸው በተለያዩ እንከኖች ምክንያቶች ካለሙበት ሳይደርሱ መቅረታቸው እንደ ዜጋ እንደ ሰብአዊ ፍጡር ልብን በእጅጉ ይነካል።ኢንጂነር ቸኮለ የእውነተኛ እና ርሁረህ ኢትዬጵያኖችን እገዛ ከሚሹ ተተኪ ትውልድ እና ወገኖቻችንን መካከል አንዱ ለመሆኑ አሌ አይባልም።

ውድ ወገኖቼ :- ይህ የልጅነት ሆነ የወጣትነት ሕይወቱን ያላጣጣመው የነገው ተስፋ የሆነ ወገናችንን አቅሙ እና እድሉ ያለን ወገኖች ሀላፊነት በመውሰድ ” ጎ ፈንድሚ” (Gofundme)አማካኝነት ይሁን በቀጥታ ወንድማችን ኢንጂነር ቸኮለ መጠነኛ ስራ የሚያገኝበት እና የተሻለ ኑሮ የሚመራበት መንገድን ብንቀይስለት በፈጣሪ ዘንድ ትልቅ ብድር ማቆየት ሲሆን፣ ለእይምሯችንም ትልቅ ሰላም እና የመንፈስ እርካታ ነው። በአካል ሳናውቀው አሳዛኙ እና የብዙዎቻችን ቅስም የሰብረው ይሄን ገጠመኝን ያደረሰን ቢቢሲም ቢሆን ” ለጫማ መጥረግ ስራ ዳግም ተዳርጎ የነበረው ኢትዮጵያዊው፣ ኢንጂነር ቸኮለ መንበሩ/ Engineer Chekole Menberu ቅን በሆኑ ወገኖቹ አማካኝነት ከትልቅ ቦታ ደረሰ “የሚል አለማቀፋዊ ሽፋን ያዘለ ዜናውን በቅርቡ እንደሚያስነብበን ሙሉ ተስፋ አለኝ።

Continue Reading
Advertisement News.et Ad
You may also like...
Click to comment

More in ነፃ ሃሳብ

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

  • ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    ነፃ ሃሳብ

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release)

    By

    ከኢትዮጵያ ሕዝብ ዕንባ ጠባቂ ተቋም ወቅታዊ ሀገራዊ ጉዳዮች አስመልክቶ የተሰጠ ጋዜጣዊ መግለጫ (Press Release) “መንግስት የህግ...

  • ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን ፖለቲከኞቻችን፣ዲያስፖራው፣ ሚዲያዎቻችን እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ እንጂ የታሪክ ተወቃሽ አንሁን

    ነፃ ሃሳብ

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤

    By

    ፖለቲከኞቻችን፣ዲያስፖራው፣ ሚዲያዎቻችን  እና ማኀበረሰብ አንቂዎቻችን ከምንጊዜውም በላይ ኢትዮጵያና ኢትዮጵያዊነት በእሳት የሚፈተኑበት ወቅት ነው፤ እናስተውል ታሪክ ሰሪ...

Trending

Advertisement News.et Ad
To Top