Connect with us

ሚዲያዎች ተተቹ

ሚዲያዎች ተተቹ
Photo: Facebook

ዜና

ሚዲያዎች ተተቹ

አብዛኞቹ ሚዲያዎች የተራራቁ ሃሳቦችን፣ አተያዮችንና አመለካከቶችን በማቀራረብ ረገድ የሚጠበቅባቸውን እየተወጡ አለመሆናቸውን ጥናት አመላከተ፡፡ በዚህም ምክንያት ከሃሳብ ፍጭት ይልቅ ኃይል እንደ አማራጭ እየታየ መሆኑን የጠቅላይ ሚኒስትር ጽህፈት ቤት አስታወቀ፡፡

በጠቅላይ ሚኒስትር ጽህፈት ቤት የሚዘጋጀው አዲስ ወግ መድረክ “የሚዲያው ሚና ሃሳቦችን ለማቀራረብ” በሚል መሪ ቃል በሂልተን ሆቴል በትላንትናው ዕለት ተካሂዷል፡፡ ‹‹ሚዲያ በሽግግር ወቅት ሊኖረው የሚገባው ሚና›› በሚል ለውይይት መነሻ የሚሆን የዳሰሳ ጥናት የአዲስ አበባ ዩኒቨርሲቲ መምህሩ ዶክተር ሙላቱ አለማየሁ አቅርበዋል፡፡

አብዛኞቹ ዘገባዎች ዛሬም መደበኛ የሚዲያም ሆነ የማህበራዊ ሚዲያ ዘገባዎች ከአንድ ምንጭ የሚቀዱ ከመሆን ባለፈ አንድ አይነት አስተሳሰብና አስተያየት የሚያንጸባርቁ ናቸው፡፡ ሚዛናዊነት የሌላቸው፣ ብዝሃነትን በማስተናገድ ረገድ ከፍተኛ ክፍተት የሚስተዋልባቸው እንደሆኑም ጥናት አቅራቢው ዶክተር ሙላት አስታውቀዋል፡፡

የሚሰሩ ዘገባዎች ህዝብን ከህዝብ፣ አስተሳሰብን ከአስተሳሰብ፣ አመለካከትን ከአመለካከት ጋር ከማቀራረብ ይልቅ ግጭት ቀስቃሽ፣ የጥላቻ ጽሁፎችና ንግግሮች በመደበኛ እና በማህበራዊ ትስስር ገጾች በስፋት መሰራጨታቸውን በጥናቱ ተመላክቷል። አብዛኞቹ የክልል ሚዲያዎችም ከክልላቸው ውጪ ስላለው ነገር ለአድማጭ እያደረሱ አይደለም፡፡ ዘገባዎቹም ስሜት ቀስቃሽ በማድረግ ‹‹እኛና እነሱ›› በሚል መቅረባቸውን ተናግረዋል፡፡

ሚዲያዎቹ ስለ አንድ አካባቢ እና ስለ አንድ አመለካከት ብቻ በመዘገብና ስለ ሌላኛው አካል አሉታዊ ዘገባ ስለሚሰሩ ‹‹እኛና እነሱ›› የሚል እሳቤ በህዝቡ ዘንድ እንዲሰርጽ ማድረጋቸውን በዶክተር ሙላቱ የቀረበው የጥናት ውጤት አመላክቷል፡፡

እንደ ዶክተር ሙላቱ ማብራሪያ፤ በመደበኛና በማህበራዊ ሚዲያዎች በሚሰሩ ዘገባዎች ውስጥ ቀላል የማይባል የጥላቻ ቃላት ጥቅም ላይ መዋላቸውን ጥናቱ አሳይቷል፡፡ ከማህበራዊ ሚዲያ ከተወሰዱት 273 መረጃዎች ውስጥ አንድ ስድስተኛው የጥላቻ ቃላትን ተጠቅመዋል፡፡

ከአራት ዓመት በፊት አብዛኞቹ ሚዲያዎች መንግሥት ላይ አሉታዊ ዘገባዎችን በመስራት ላይ ትኩረት ያደርጉ የነበረ ሲሆን፤ አሁን ግን ሃይማኖትና ብሄርን ያነጣጠሩ አሉታዊ ዘገባዎች በስፋት መስተዋላቸውን ጥናቱ ጠቁሟል፡፡

ሚዲያዎች ለሀገር ሰላምና መረጋገጥ አዎንታዊ ሚና ይጫወታሉ ተብሎ ቢታሰብም ጥቂት የማይባሉት በተጻራሪ መቆማቸው ተጠቁሟል፡፡

የጠቅላይ ሚኒስትር ጽህፈት ቤት ፕሬስ ሴክሬታሪያት አቶ ንጉሱ ጥላሁን በበኩላቸው ሚዲያዎች የተለያዩ ሀሳቦች፣ አተያዮችና አመለካከቶች በሚዲያ እንዲፋጩ ባለመደረጉ ሀይልን የመጠቀም ሁኔታዎች መታየታቸውን ተናግረዋል፡፡ መጠላላት፣ መገዳደልና ቂም እንዲበራከት ሆኗል፡፡ ስለሆነም ሚዲያው በተራራቀ ጫፍ ላይ ያሉ ሀሳቦችን እንዲፋጩ ማድረግ ይጠበቅበታል፤ ሀሳቦች ሲፋጩ አካላት አይጋጩም ብለዋል፡፡

ይህንን ለማድረግ ሚዲያው ሀሳብ የመቅረጽ የማመንጨት፣ የማስተማር ኃላፊነት አለበት፡፡ ይህ ኃላፊነት መወጣት በእጅጉ የሚያስፈልግበት ወቅት አሁን ነው ብለዋል፡፡ ከመቼውም ጊዜ በላይ በሃሳብ ላይ መመካከርና መነጋገር የሚያስፈልግበት ወቅት ላይ ነን፡፡ ህብረተሰቡን በሰከነ ሁኔታ መደማመጥ በሚያስችል መልኩ ማስተማር የሚያስፈልግበት ወቅት ነው ብለዋል አቶ ንጉሱ፡፡

የብሮድካስት ባለስልጣን ምክትል ዋና ዳይሬክተር አቶ ወንድወሰን አንዱዓለም በሚዲያዎች ውስጥ የሚስተዋሉ ችግሮችን ለመቅረፍ አቅም መገንባት ትኩረት የሚሰጠው ጉዳይ በመሆኑ ባለስልጣኑ ሚዲያዎችን አቅም ለማጠናከር በርካታ ሥራዎችን ሲሰራ መቆየቱን ተናግረዋል፡፡

መሻሻል የሚገባቸው ህጎችም በማሻሻል ረገድም ሥራዎች ተሰርተዋል፡፡ መንግሥት የቤት ሥራውን ከጨረሰ በኋላ ሚዲያዎችን አደብ የማስገዛት ሥራዎችም በትኩረት እንደሚሰራ ተናግረዋል፡፡ ከዚህ ቀደምም ለተለያዩ ሚዲያዎች እስከ ከባድ ማስጠንቀቂያ እንደተሰጣቸው ጠቅሰዋል፡፡

የመገናኛ ብዙሃን ካውንስል ሊቀመንበር አቶ አማረ አረጋዊ በበኩላቸው የሙያ ስነ ምግባሩን ተከትሎ የሚሰራ ጠንካራ ሚዲያ ለመፍጠር የተቋማት ግንባታ ላይ ትኩረት ሊደረግ ይገባል ብለዋል፡፡

(ምንጭ፡-አዲስ ዘመን ታህሳስ 16/2012)

Continue Reading
Advertisement News.et Ad
You may also like...
Click to comment

More in ዜና

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • #ድሬደዋ #ድሬደዋ

    ዜና

    #ድሬደዋ

    By

    #ድሬደዋ በድሬዳዋ አስተዳደር የኮቪድ-19 ወርሽኝን ለመከላከልና ለመቆጣጠር የወጣውን መመሪያ በማያከብሩ ላይ አስፈላጊው ህጋዊ እርምጃ ይወሰዳል ተባለ፡፡...

  • የአፋር ክልል ምላሽ የአፋር ክልል ምላሽ

    ዜና

    የአፋር ክልል ምላሽ

    By

    የአፋር ክልል ምላሽ የአፋር ክልል መንግስት ንጹሀንን እየገደለና እያፈናቀለ ነው ሲል የሱማሌ ክልል ያወጣው መግለጫ ጥፋተኝነትን...

  • ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት - ቀዳሚ ሙፍቲ ሐጅ ዑመር እድሪስ ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት - ቀዳሚ ሙፍቲ ሐጅ ዑመር እድሪስ

    ዜና

    ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት – ቀዳሚ ሙፍቲ ሐጅ ዑመር እድሪስ

    By

    ሕዝበ ሙስሊሙ የረመዳንን ጾም በመተሳሰብ፣ በመተዛዘንና መልካም ተግባራት በመከወን ማሳለፍ አለበት – ተቀዳሚ ሙፍቲ ሐጅ ዑመር...

  • ብፁዕ አቡነ አረጋዊ (ዶ/ር) የኮሮና መከላከያ ክትባት ተከተቡ ብፁዕ አቡነ አረጋዊ (ዶ/ር) የኮሮና መከላከያ ክትባት ተከተቡ

    ዜና

    ብፁዕ አቡነ አረጋዊ (ዶ/ር)  የኮሮና መከላከያ ክትባት ተከተቡ

    By

    ብፁዕ አቡነ አረጋዊ (ዶ/ር)  የኮሮና መከላከያ ክትባት ተከተቡ በኢትዮጵያ ኦርቶዶክስ ተዋሕዶ ቤተክርስቲያን የብፁዕ ወቅዱስ ፓትርያርክ ልዩ...

Trending

Advertisement News.et Ad
To Top