ውሀና ፍሳሽ 44 ሚልየን ብር ውዝፍ ክፍያ ከደንበኞቼ ሰበሰብኩኝ አለ

የአዲስ አበባ ውሃና ፍሳሽ ባለስልጣን ከጥቅምት 26 እስከ ህዳር 17 ቀን 2012 ዓ.ም በስምንቱም ቅርንጫፍ ጽ/ቤቶች ውዝፍ የውሃ አገልግሎት ክፍያን ለመሰብሰብ ባደረገው ዘመቻ ከ43 ነጥብ 8 ሚሊየን ብር በላይ ሰበሰበ፡፡

ባለሥልጣኑ ገቢውን የሰበሰበው ከ2 ወር በላይ ውዝፍ ዕዳ ካለባቸው ከ38 ሺህ በላይ ደንበኞች ሲሆን የሰበሰበውም በጋራ መኖሪያ ቤቶች አካባቢ የቅጣት መክፈያ ጊዜያዊ የክፍያ ጣቢያዎችን በማቋቋም፣ ቅስቀሳ በማድረግ እና አገልግሎቱን በማቋረጥ ነው፡፡

አገልግሎት ከተቋረጠባቸው ደንበኞች መካከል 14.4 ሚሊየን ብር በላይ ዕዳ ያለባቸው ደንበኞች እስካሁን ቀርበው አልከፈሉም፡፡

ባለሥልጣኑ ውዝፍ ክፍያ ላለባቸው ደንበኞቹ የአገልግሎት የክፍያ ጊዜ በየወሩ ከ26 እስከ 18 መሆኑን አስታውሶ፤ የኢትዮጵያ ንግድ ባንክ ባቀረበው አማራጮች በመጠቀም በተጠቀሱት ቀናት ብቻ ደንበኞች ክፍያቸውን የማይፈፅሙ ከሆነ በህግ ለመጠየቅ እንደሚገደድ አስጠንቅቋል።

(ምንጭ:- የአ/አ ውሀና ፍሳሽ ባለሥልጣን)