የተዋሀደው ፓርቲ ህገ ደንብ ፀድቆ ወደምክር ቤት ተመራ

የኢህአዴግ ማዕከላዊ ኮሚቴ በተዋሐደዉ ፓርቲ ሕገ ደንብ ላይ በመወያየት አፅድቆ ወደ ህአዴግ ኢምክር ቤት እንዲመራ መወሰኑን ጠቅላይ ሚኒስትር ዐቢይ አህመድ ገለፁ።

ማዕከላዊ ኮሚቴው በሦስቱ ቀናት ስብሰባው ሦስት መሠረታዊ ጉዳዮችን ማፅደቁን የገለፁት ጠቅላይ ሚኒስትሩ የመጀመሪያው በጥልቅ ተወያይቶ ያጸደቀው የፓርቲውን ውሕደት፤ አሳታፊነትና አካታችነት ነው ብለዋል።

ሁለተኛው ሁሉንም ማኅበረሰብ ወደፊት የሚያራምደውን የፓርቲዉን ፕሮግራም ሲሆን ሦስተኛው ሕገ ደንቡን ነው ብለዋል ጠቅላይ ሚኒስትሩ።

የሦስቱም ቀናት ውይይት ግልጽና ደሞክራሲያዊ በሆነ መልኩ የተካሄደ ሲሆን ውይይቱ ይበልጥ አመራሮቹን ያቀራረበ ሆኖ በመጠናቀቁ ከፍተኛ ደስታ እንደተሰማቸውም በይፋዊ የፌስቡክ ገፃቸው አስፍረዋል።