Connect with us

ከውጭ ጉዳይ ሚኒስትር የተሰጠ የፕሬስ መግለጫ

ከውጭ ጉዳይ ሚኒስትር የተሰጠ የፕሬስ መግለጫ
Photo: Facebook

ፓለቲካ

ከውጭ ጉዳይ ሚኒስትር የተሰጠ የፕሬስ መግለጫ

በውጭ ጉዳይ ሚኒስትር አቶ ገዱ አንዳርጋቸው የተመራው የኢትዮጵያ የልዑካን ቡድን በአሜሪካ መንግስት ጋባዥነት በዋሽንግተን ዲሲ በተደረገው የታላቁ የኢትዮጵያ ህዳሴ ግድብ ግንባታ ዙሪያ በተደረገ የምክክር ስብሰባ ላይ ተሳትፏል።

ኢትዮጵያ በስብሰባው የተሳተፈችው በአሜሪካ መንግስት በተደረገ ግብዣ መሰረት ሲሆን ጥሪው ምክክር እና ሂደቱን የማስቀጠል አልሞ የተዘጋጀ ነው። በዚሁ አጋጣሚ የአሜሪካ መንግስት በግድቡ ዙሪያ ያሉ ልዩነቶች በውይይት እንዲፈቱ በሚል ይህን መድረክ በማመቻቸት ላደረገው አጋርነት የኢፌዴሪ መንግስት ያመሰግናል።

ምክክሩ በሁለት ምዕራፍ የተከፈለ ነበር። የመጀመሪያው ከአሜሪካ ፕሬዝዳንት ዶናልድ ጄ. ትራምፕ ጋር በነጩ ቤተ-መንግስት የተደረገ ሲሆን ሁለተኛው ደግሞ የአሜሪካ የገንዘብ ተቋም ኃላፊ ስቴቨን መኒቺን እና የአለም ባንክ ፕሬዝዳንት ዴቪድ ማልፓስ በተገኙበት በአሜሪካ የገንዘብ ሚኒስቴር የተደረገ ነው።

በምክክሩ ወቅት በኢትዮጵያ በኩል እስካሁን የተደረጉ ገንቢ ውይይቶችን እንዲሁም ከቅርብ ጊዜያት ወዲህ ለሶስትዮሽ ድርድሩ አለመቀጠል ምክንያት የሆኑ ጉዳዮች በዝርዝር ቀርበዋል። ኢትዮጵያ በናይል ወንዝ ላይ ፍትሃዊና ሚዛናዊ የውሃ መብት እንዳላትም አስገንዝባለች። ኢትዮጵያ 70 ሚሊዮን ያክል የኤሌክትሪክ ኃይል የማያገኝ ህዝቧን ተደራሽ ለማድረግ እና ለድህነት ቅነሳ ጥረቷ እንጂ ማንንም አካል የመጉዳት አላማ እንደሌለት አስረድታለች። ኢትዮጵያ ለሶስትዮሽ ውይይቱ አሁንም ትልቅ ግምት እንደምትሰጥ፣ በግድቡ ዙሪያ ያሉ ማናቸውም አለመግባባቶች በቴክኒክ ባለሙያዎች ሙያዊ ምክክር ብቻ እንደሚፈቱም እንደምታምን፣ ጉዳዩን ኢ-ምክንያታዊ ያልሆነ የፖለቲካ ይዘት ማላበስም ለአገራቱ እንደማይጠቅም አስገንዝባለች። ይህም በተሳታፊዎቹ ዘንድ የነበረውን ብዥታ ግልጽ እንዲሆንና የኢትዮጵያ አቋም ገንቢ መሆኑን እንዲገነዘቡ አስችሏል።

በተደረገው ውይይት መሰረትም የሶስቱ አገራት ሚኒስትሮች በታላቁ የህዳሴ ግድብ አሞላል ዙሪያ ገንቢ፣ ቀጣይነት ያለውና የጋራ ተጠቃሚነትን የሚያረጋግጥ ስምምነት ላይ ለመድረስ ተስማምተዋል። በተጨማሪም የቴክኒክ ውይይቱ እንዲቀጥል እንዲሁም ለቴክኒክ ኮሚቴው ድጋፍ ለማድረግ እና በሚኒስትሮች ደረጃ ያለው ውይይት በ2015ቱ የመርሆዎች ስምምነት መሰረት እንዲቀጥልም ከመግባባት ላይ ተደርሷል። አሜሪካ እና የአለም ባንክ የቴክኒክ ውይይቱ እንዲቀጥል ማበረታታቸውንና በቀጣይ በሚደረጉ ውይይቶችም በታዛቢነት የሚሳተፉ ይሆናል። ምናልባት በቀጣይ የሚደረጉ ውይይቶች ለመጨረሻ ውሳኔ ባያደርሱ እ.ኤ.አ በ2015 በተፈረመው የመርሆዎች ስምምነት (Declarations of Principles) ሶስቱም አገራት በሚያደርጉት ውሳኔ ሊመረጥ እንደሚችልም መግባባት ላይ ተደርሷል።

የግብጽና የኢትዮጵያ መሪዎች በቅርቡ በሩሲያ ተካሂደ በነበረው የሩስያ-አፍሪካ ጉባኤ ጎን ለጎን ባደረጉት ውይይት በሰጡት መመሪያ መሰረት በዚህ ስብሰባም ተጠናክሮ ስምምነት የተደረገበት የሶስቱ አገራት ብሔራዊ የቴክኒክ ቡድን ገንቢ ወደ ሆነ ምክክር እንዲመለስ ኢትዮጵያ ዝግጁ ነች። ለዚህም የሶስቱን አገራት ባለሙያዎች ወደ አዲስ አበባ ለስብሰባ ጠርታለች።
በመጨረሻም ውይይቱ በዚሁ የትብብር መንፈስ እንደሚቀጥል እምነታችን መሆኑን እየገለጽን ሁላችንም አሸናፊ ልንሆን ወደምንችልበት መድረክ ትኩረት እንድናደርግ ጥሪያችንን እናቀርባለን።

ምንጭ:- ውጭ ጉዳይ ሚኒስትር

Continue Reading
Advertisement News.et Ad
You may also like...
Click to comment

More in ፓለቲካ

  • ሥልጠና እየተካሄደ ነው ሥልጠና እየተካሄደ ነው

    ዜና

    ሥልጠና እየተካሄደ ነው

    By

    ሥልጠና እየተካሄደ ነው የሙሐዘ ጥበባት ዲያቆን ዳንኤል ክብረት የምርጫ ቅስቀሳ አስተባባሪ ግብረሀይል የምርጫ ክልል 28 የአስተባባሪዎች...

  • የአብን ዕጩ ግድያ የአብን ዕጩ ግድያ

    ነፃ ሃሳብ

    የአብን ዕጩ ግድያ

    By

    የአብን ዕጩ ግድያ በቤንሻንጉል ጉሙዝ ክልል በመተከል ዞን ወንበራ ወረዳ ለክልል ምክር ቤት እጩ የነበረው አባላችን በሪሁን አስፈራው ላይ በመተከል ዞን በለስ ልዩ ቦታው ካርባር ግድያ የተፈፀመበት መሆኑን እያሳወቅን ፓርቲያችን በአባላችን ግድያ የተሰማውን መሪር ሐዘን ይገልጻል። የአማራ ብሔራዊ ንቅናቄ(አብን) በቀጣይ ግንቦት 2013 ዓ.ም በሚደረገው አገራዊ ምርጫ ተሳታፊ ከመሆኑ ጋር ተያይዞ በሁሉም የአገራችን ክፍሎች በርካታ እጩ ተወዳዳሪዎችን ያስመዘገበ መሆኑ ይታወቃል። ይሁን እንጅ በተለያዩ የአገራችን ክፍሎች በመንግስት ካድሬዎች በአባላቶቻችን ላይ ተደጋጋሚ ዛቻ፣ እስር እና ድብደባ እየፈተፀመ ይገኛል። በተለይ በኦሮሚያ ክልል እና በቤንሻንጉል ጉሙዝ ክልሎች በስፋት እንዲሁም አልፎ አልፎ በአማራ ክልል የተለያዩ አካባቢዎች የአባላት ማጉላላት፣ እስር እና ድብደባ እየደረሰ ይገኛል ። በተደጋጋሚ ጊዜ ሰላማዊ ዜጎችን ከመጨፍጨፍ እስከ ጅምላ ማፈናቀል የዘለቀው የቤንሻንጉል ጉሙዝ ክልል ቀደም ብሎ የክልሉ ካድሬዎች የተወዳዳሪዎች ምዝገባ እንዳይሳካ ለማድረግ ብዙ ጥረት ያደረጉ ቢሆንም በምርጫ ቦርድ ትብብር ምዝገባው ሊከናወን ችሏል። ከዚያ በኋላም የምርጫ ተወዳዳሪ እጩዎቻችን ቅስቀሳ ላይ በነበሩበት ወቅት ያለመከሰስ መብታቸውን በጣሰ መልኩ አስሮ በማጉላላት እና በማስፈራራት እጩዎቻችን ላይ አላስፈላጊ ጫና ለማሳረፍ ሞክሯል።  ይህ ሁሉ አልበቃ ያለው ቤኒሻንጉል ጉሙዝ መንግስት የፀጥታ ሰወች ለክልል ምክር ቤት እጩ ተወዳዳሪያችን የነበረውን አቶ በሪሁን አስፈራው ከቻግኒ ወደ በለስ ጉዞ ላይ እያለ ልዩ ቦታው ካርባር ላይ ግድያ ፈፅሞበታል። አብን ግድያው ፖለቲካዊ መሰረት ያለውና ንቅናቄው በቤኒሻንጉል ጉምዝ ክልል የሚያደርገውን እንቅስቃሴ ለመገደብ ሆነ ተብሎ የተደረገ እንደሆነ ያምናል። ለዚህም የወንድማችንን ግድያ ጨምሮ በአሶሳ እና አካባቢው በተደጋጋሚ ጊዜ በእጩዎቻችንና አመራሮቻችን ላይ ሲፈፀሙ የነበሩ ምክንያት አልባ እስሮችና ወከባዎች ከበቂ በላይ አስረጂዎች ናቸው። በመላው ኢትዮጵያ በተለይም የግጭት ተጋላጭ በሆኑ አካባቢዎች ምርጫ ሲቃረብ መሰል ግድያዎች፣ ጭፍጨፋዎች፣ ማፈናቀሎችና ወከባወች እንደሚኖሩ ደጋግመን ለመንግስት ያሳሰብን ቢሆንም ከስሕተቱ መማር ያልፈለገው መንግስት ዛሬም ድረስ ዜጎች በጅምላ እና በተናጥል ሲገደሉ፣ ሲፈናቀሉ እና ኃብት ንብረታቸው ሲወድም በዝምታ እየተመለከተ ይገኛል። ፓርቲያችን አብን ይህ ጉዳይ ቀስ በቀስ አገር የሚያፈርስ አደገኛ ጉዳይ መሆኑን ይገነዘባል። ሰላማዊ እና ፍትኃዊ ምርጫ ይደረጋል የሚለውን የዜጎች ተስፋም ከወዲሁ ያጨለመ ነው የሚል ግምገማ ላይ ደርሰናል። አስቸኳይ የእርምት እርምጃ እንዲወሰድም አበክሮ የሚታገልበት ይሆናል። ስለሆነም አብን መንግስት በምርጫ እጩ አባላችን ላይ የተፈፀመውን ግድያ በአስቸኳይ እንዲመረምር እና ገዳዮችን ለፍርድ እንዲያቀርብ በአንክሮ እየጠየቀ፤ መሰል ነገሮች አፋጣኝ ምላሽ ተሰጥቶባቸው ለምርጫ እጩዎቻችን ተገቢው የጸጥታ ከለላ በመንግስት በኩል እንዲሰጥ እናስገነዝባለን። ይህ ሳይሆን ቀርቶ በእንዝላልነት ተጨማሪ ሕይወት ቢጠፋ እና አገራችን ወዳልተፈለገ ምዕራፍ ብትገባ ተጠያቂነቱ ሙሉ ለሙሉ መንግስት የሚወስድ መሆኑን ከወዲሁ አብክረን ማሳሰብ እንወዳለን። ለሰማዕቱ ወንድማችንና ጓዳችን አቶ በሪሁን አስፈራው ቤተሰቦችና ለመላው የንቅናቄያችን አባላትና ደጋፊወች መጽናናትን እንመኛለን። የአማራ ብሔራዊ ንቅናቄ(አብን)

  • ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤ ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    ነፃ ሃሳብ

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን እናመሰግናለን፤

    By

    ብዙ የሀገር ዋርካዎች እንዳቀረቀሩ አልፈዋል፡፡ ክቡር ጠቅላይ ሚኒስትር እናመሰግናለን ብለው እውቅና ስለሰጧቸው የጥበብ አንጋፋዎች እኛም እርስዎን...

  • የአፋር ክልል ምላሽ የአፋር ክልል ምላሽ

    ዜና

    የአፋር ክልል ምላሽ

    By

    የአፋር ክልል ምላሽ የአፋር ክልል መንግስት ንጹሀንን እየገደለና እያፈናቀለ ነው ሲል የሱማሌ ክልል ያወጣው መግለጫ ጥፋተኝነትን...

  • የሰባት ቁጥር ምስጢርና የይባቤ አዳነ አዲስ ሥራ፡፡ የሰባት ቁጥር ምስጢርና የይባቤ አዳነ አዲስ ሥራ፡፡

    ነፃ ሃሳብ

    የሰባት ቁጥር ምስጢርና የይባቤ አዳነ አዲስ ሥራ፡፡

    By

    የሰባት ቁጥር ምስጢርና የይባቤ አዳነ አዲስ ሥራ፡፡ ሰባት ቁጥርና ሕይወት፤ (አፈወርቅ ልሣኑ ~ ድሬቲዩብ) ሰባት ቁጥር...

To Top