Connect with us

Business

በኢትዮጵያ ቱሪዝም ድርጅት የተጀመሩ ግንባታዎች ለረዥም ጊዜ በመቋረጣቸው የሀገር ሀብትና ንብረት እየባከነ ነው ተባለ

Published

on

በኢትዮጵያ ቱሪዝም ድርጅት የተጀመሩ የመሠረተ ልማት ግንባታዎች ለረዥም ጊዜ በመቋረጣቸው የሀገር ሀብትና ንብረት እየባከነ ነው ተባለ

የኢትዮጵያ ቱሪዝም ድርጅት በብሔራዊ ፓርኮች ውስጥ አስጀምሯቸው የነበሩ የመዳረሻ ግንባታዎች ለረዥም ጊዜ በመቋረጣቸው የሀገር ሀብትና ንብረት እየባከነ ነው ተባለ፡፡ ****

ከዓመታት በፊት በባህልና ቱሪዝም ሚኒስቴር ስር የነበረውን የቱሪዝም ልማት ዘርፍ የበለጠ ለማሰራት እንዲቻል በአዋጅ የኢትዮጵያ ቱሪዝም ድርጅት ተቋቋመ፡፡

የመዳረሻ ልማትና የማስተዋወቅና ገበያ መሳቡን ስራ ለመስራት የተቋቋመው ይህ ድርጅት በጥቂት መዳረሻዎች ላይ የሽንት ቤት ማስገንባት ስራዎችን ከሰራ በኋላ በነጭ ሳር፣ ሰንቀሌ ቆርኪዎች መጠለያና ጨበራ ጩርጩራ ብሔራዊ ፓርኮችን በመሳሰሉ የተፈጥሮ መዳረሻዎች የቱሪስት ማረፊያዎችን፣ የመግቢያ በሮችንና መሰል የመሠረተ ልማት ስራዎችን ለመስራት ጨረታ አውጥቶ ማሰራት ጀምሮ ነበር፡፡

የድሬቲዮብ ዘጋቢ በተወሰኑት አካባቢዎች ተዘዋውሮ እንደተመለከተው ሁሉም በኢትዮጵያ ቱሪዝም ድርጅት የተጀመሩ የመሠረተ ልማት ስራዎች ከአንድ ዓመት ወዲህ እንዲቋረጡ ተደርጓል፡፡ ምክንያቱን የጠየቅናቸው የብሔራዊ ፓርኮች የስራ ሃላፊዎች አጥጋቢ መልስ ሳይሰጥ የግንባታው ስራ እንዲቆም በመደረጉ የተጀመሩ ግንባታዎች በዝናብና በጸሐይ እንዲፈራርሱ ምክንያት ሆነዋል ነው የሚሉት፡፡

በሰንቀሌ ቆርኪዎች መጠለያም ሆነ በነጭ ሳር ብሔራዊ ፓርክ የተጀመሩት ግንባታዎች መቋረጥ በሀገር ሀብት ላይ ጨዋታ መሆኑን ማንም ሰው ሊመለከተው የሚችል ነው፡፡ በተመሳሳይ በጨበራ ጩርጩራ ብሔራዊ ፓርክም ግንባታው ሲቋረጥ የግንባታው ቁሳቁሶች ተበትነው የመዳረሻ ልማት ስራው ባለቤት አልባ ሆኖ መቅረቱን ነው የተመለከትነው፡፡

ጉዳዩን በተመለከተ ያነጋገርናቸው የዱር እንስሳት ልማትና ጥበቃ አንድ የስራ ሃላፊ አሁን የተፈጠረውን ችግር ቁጭ ብሎ በመነጋገር ለመፍታት ቢሞከርም በቱሪዝም ኢትዮጵያ በኩል ያለው አሰራር ቅንጅትን የተከተለ አለመሆኑ ችግር መፍጠሩንና በጉዳዩ ላይ ከዚህ ያለፈ ምላሽ መስጠት እንደማይችሉ ነው የገለጹልን፡፡

ቱሪዝም ኢትዮጵያ በቅርቡ ከብሔራዊ ፓርኮች የስራ ሃላፊዎችና ብሔራዊ ፓርኮቹ ከሚገኙበት አካባቢ የዞንና የከተማ አመራሮች ጋር ባደረገው ውይይት ከፍተኛ የሆነ ትችትና ወቀሳ የቀረበበት መሆኑን ከስሜን ተራሮች ብሔራዊ ፓርክ ልዑካን አንዱ ለድሬቲዩብ ዘጋቢ ገልጸዋል፡፡

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ

** ኢትዮ ጵያን የተመለከቱ የተለያዩ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close