Connect with us

Ethiopia

በፓዊ በንፁሃን ወገኖች ላይ ጥቃት ደረሰ

Published

on

በፓዊ በንፁሃን ወገኖች ላይ ጥቃት ደረሰ

በቤንሻንጉል ጉምዝ ክልል ፓዊ ወረዳ ያለዉ የፀጥታ ሁኔታ አሳሳቢ መሆኑንና የሰዉ ህይወት እየጠፋ ፣ አካል እየጎደለ እና ንብረት እየተዘረፈ መሆኑን ነዋሪዎች ለአብመድ አስታውቀዋል ።

ከሚያዝያ 17 ጀምሮ በዳንጉር ወረዳ በጫኝና አዉራጆች መካከል በተነሳው ግጭት የተጀመረው አለመረጋጋት ወደተለያዩ አካባቢዎች መስፋፋቱን ነዉ ነዋሪዎች ያስታወቁት ።

ከፓዊ ወደ ህዳሴ ቀበሌ አስተያየታቸውን የሠጡ ነዋሪዎች ” እረኞች ላይ ጥቃት እየተፈጸመ ከብቶችንም እየተነዱ እየተወሰዱ ነዉ ። ከትናንት በስቲያ ገበያ መዉጣት አልቻልንም ፤ ትላንትም በዐሉን ለማክበር ተቸግረን ፍርሀት ዉስጥ ነን ” ብለዋል ።

ማምቡርክ መንደር 49 አካባቢ ያሉ ነዋሪዎቹ ደግሞ ሁኔታው አሳሳቢ እንደሆነ ተናግረዋል ። ” ዛሬ ገበያ ነበር ፤ ገና ከመቆሙ በጠዋቱ ተበትኗል ። በጫካው ዉስጥ ተኩስና ቀስት ማወናጨፍ አለ። ከዳንጉር አካባቢ ነዉ የግጭቱ መሠረት ያለዉ ፤ መንግሥት በፍጥነት ሊደርስልን ይገባል ። ሠዎች በየጫካዉ እየሞቱ ነዉ ” ብለዋል ። አስተያየት ሰጭዎቹ እያናገሩን እያለ የሀገር መከላከያ ሠራዊት በቦታው መድረሡንም ገልፀዉልናል ።

የቤኒሻንጉል ጉምዝ ክልል መንግሥት በበኩሉ በመተከል ዞን ዳንጉር ወረዳ ተከስቶ የነበረው የጸጥታ ችግር አንጻራዊ መረጋጋት ላይ መሆኑን አስታውቋል ። ሚያዝያ 17 ቀን 2011 ዓ.ም ጀምሮ በመተከል ዞን ዳንጉር ወረዳ አይሲካ ቀበሌ በአሽከርካሪ ጫኝና አዉራጅ ሥራ በተሠማሩ ወጣቶች መካከል ግጭት መፈጠሩ ተነግሮ ነበር ።

አሁን ላይ ችግሩን የፈጠሩ ግለሰቦች በቁጥጥር ሥር መዋላቸውንና ተጨማሪ የሠዉ ህይወት እንዳይጠፋ እየተሠራ መሆኑን የክልሉ ምክትል ርዕሰ መስተደድር አቶ አድጎ አምሳያ ለአብመድ ገልፀዋል ።

የሀገር መከላከያ ሠራዊት ፣ የፌደራል እና የክልሉ የፀጥታ ሀይል በጋራ በመሆን ችግሩ ወደ ሌሎች አካባቢዎች እንዳይስፋፋ እየሠራ እንደሆነ አስታውቋል ።

(ምንጭ:- የአማራ መገናኛ ብዙሀን)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close