Connect with us

Ethiopia

ለነፍስ ሔር ነጋሶ ጊዳዳ ዛሬ ብሔራዊ የሐዘን ቀን ይታወጃል

Published

on

ለነፍስ ሔር ነጋሶ ጊዳዳ ዛሬ ብሔራዊ የሐዘን ቀን ይታወጃል

የሕዝብ ተወካዮች ምክርቤት ከትላንት በስቲያ ሕልፈተ ሕይወታቸው የተሰማው የኢፌዴሪ የቀድሞ ፕሬዚዳንት ዶክተር ነጋሶ ጊዳዳ ብሔራዊ የሐዘን ቀን በዛሬው ዕለት ያውጃል ተብሎ ይጠበቃል።

ዶክተር ነጋሶ ጊዳዳ ያረፉት ህክምና ሲከታተሉበት በነበረው ጀርመን ሀገር ነው።

ዶክተር ነጋሶ ጊዳዳ የኢትዮጵያ ፌዴራላዊ ዴሞክራሲያዊ ሪፐብሊክ መንግስት ርእስ ብሄር በመሆን በ1987 የተሾሙ ሲሆን፥ ለ7 ዓመታትም አገልግለዋል።

በ1997 ዓ.ም በተካሄደው ምርጫ ላይ በደንቢ ዶሎ የግል ተወዳዳሪ በመሆን ፓርላማ መግባታቸውም ይታወሳል።

ዶክተር ነጋሶ ጊዳዳ ከወጣትናቸው እድሜ ጀምሮ በኢትዮጵያ ዴሞክራሲያዊ ስርዓት እንዲዘረጋ ሲደረግ በነበረው ሂደት ውስጥ ከፍተኛ ተሳትፎ ነበራቸው።

ለዚህም ከተለያዩ የፖለቲካ ፓርቲዎች ጋር በመሰለፍም የበኩላቸውን አስተዋፅኦ ሲያበረክቱ ቆይተዋል።

በታሪክ ትምህረት ሶስተኛ ወይም ዶክትሬት ዲግሪያቸውን የያዙት ዶክተር ነጋሶ ጊዳዳ፥ እንደ ምሁርነታቸው በሀገር ውስጥ እና በውጭ ሀገራትም የተለያዩ ግልጋሎቶችን ሲሰጡ ቆይተዋል።

በተማሩት ትምህርትም የኦሮሞን ባህል፣ ታሪክ እና እሴት የሚያንፀባርቁ እና የኢትዮጵያን አንድነት የሚያጠናክሩ የተለያዩ ጥናቶችን አካሂደዋል።
የዶክተር ነጋሶ ሥርዓተ ቀብር በብሔራዊ ደረጃ በከፍተኛ ሥነሥርአት የሚፈፀም ሲሆን ለዚህም ኮምቴ ተቋቁሟል። ሆኖም ቀብሩ መቼ እንደሚፈፀም ለጊዜው የታወቀ ነገር የለም።

በተመሳሳይ ሁኔታ የኢፌድሪ የቀድሞ ኘረዝደንት አቶ ግርማ ወ/ጊዮርጊስ በታህሳስ ወር 2011 የመጀመሪያ ሳምንት ከዚህ አለም በሞት መለየታቸው ይታወሳል

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close