Connect with us

Art and Culture

እንኳን ለብርሃነ ስቅለቱ በሰላም አደረሳችሁ!

Published

on

እንኳን ለብርሃነ ስቅለቱ በሰላም አደረሳችሁ!

እንኳን ለብርሃነ ስቅለቱ በሰላም አደረሳችሁ!
“ ራሱን ለሁሉ ቤዛ የሠጠ መሲሕ ”
( ኃይሌ ተስፋዬ በድሬ ቲዩብ)
።።።።።።።።።።።።
ጌታችን ኢየሱስ ክርስቶስ የኀጢአት ዕዳ ላለበት የሰው ዘር ሁሉ ቤዛ ሆኖአል። ቤዛ የሆነውም ይጠላና እንደ እርግማን ይቆጠር በነበረው የመስቀል ሞት ነው። ይሁንና ሐዋርያው ጳውሎስ “በደሙ የተደረገ ቤዛነታችንን አገኘን” እንዳለ፥ እርሱ እጆቹን በመዘርጋት ከፍ ብሎ በመስቀል ላይ መቸንከሩ ዓለምን ወደዚህ ፍቅር የመጋበዙ ምልክት ነው።

ይኸውም ይህ መሲሕ በምድር ለመንገስ የመጣ ሳይሆን፥ ዙፋኑን መስቀል ላይ አድርጎ በጨለማ ለሚኖር ህዝብ ብርሃንን ያይ ዘንድ የተገለጠ የመዳን መንገድ መሆኑ፥ ቀደም ብሎ በነቢያት ትንቢት የተገለጠና የተብራራ እውነት ነው።

እርሱ ግን ስለ መተላለፋችን ቆሰለ፥ ስለ በደላችንም ደቀቀ፥ የደኀንነታችንም ተግሳጽ በእርሱ ላይ ነበረ፥ በእርሱም ቁስል እኛ ተፈወስን። ሲል ከብዙ ዘመናት በፊት ነቢዩ ኢሳያስ የተናገረው ቃል፥ ስለ እኛ ኀጢአት ቤዛ የሚከፍለውን መሲሕ አስቀድሞ መናገሩ ነበር። ይህም መሲሕ ከድንግል የሚወለደው፥ የአብ አንድያ ልጅ ኢየሱስ ክርስቶስ ነው ።

ይህ መሲሕ፥ እኛን ከኀጢአት በሽታ ሊያድነን እርሱ ታመመ፣ እኛን ከኀጢአት ቁስል ሊፈውሰን እርሱ በአደባባይ በመገረፍ ስለ እኛ ቆሰለ፣ ለእኛ የብርሃንን አክሊል ሊያቀዳጀን እርሱ የእሾህን አክሊል ተቀዳጀ፣ እኛን ከጻድቃን ማኅበር ሊደምረን እርሱ ከአመጸኞች ጋር ተቆጠረ፣ መጽሐፍም እንደሚል የብዙዎችን ኀጢአት በመሸከም ቤዛ ሆነልን።

እንግዲህ፦ እግዚአብሔር እኛን ስለ መውደዱ ምን እንላለን ? ስለ ፍቅሩ፣ ስለ ቸርነቱ፣ ስለ ምህረቱና ስለ ርህራሄው ምንስ ቋንቋ ይኖረናል?

እርሱ ግን መስዋዕታችን፣ የበደላችን ስርየት፣ የዕዳ ደብዳቤያችን ደምሳሽ፣ የክስ መዝገባችን ዘጊ፣ የአማናዊቷ መቅደሳችን ሊቀ ካህናት ነው።

መልካም በዓል ይሁንላችሁ !

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close